சங்ககிரி: தேவூரில், தொடர் மழையால், வாழை மரங்கள் சாய்ந்து சேதமானதால் விவசாயிகள் கவலை அடைந்துள்ளனர். சங்ககிரி, தேவூர், அரசிராமணி, குள்ளம்பட்டி, வட்ராம்பாளையம், கோணகழுத்தானூர், புள்ளாக் கவுண்டம்பட்டி உள்ளிட்ட சுற்றுவட்டார பகுதிகளில், 1,000 ஏக்கரில், கதளி, மொந்தவாழை, நேந்திரம் உள்ளிட்ட வாழை ரக கன்றுகளை, 8 மாதங்களுக்கு முன், விவசாயிகள் நடவு செய்தனர். தற்போது, குலைவிட்டு காய்கள் தயாராகி வந்த நிலையில், தேவூரில், சில நாளாக தொடர்ந்து காற்றுடன் மழை பெய்தது. இதனால், அங்குள்ள வாழை மரங்கள் சாய்ந்தன. இதனால், விவசாயிகள் கவலை அடைந்துள்ளனர்.