புவனகிரி: காஸ் விலை உயர்வை கண்டித்து, அனைத்திந்திய ஜனநாயக மாதர் சங்கம் சார்பில், புவனகிரியில் ஆர்ப்பாட்டம் நடந்தது.புவனகிரி தபால் நிலையம் முன் நடந்த ஆர்ப்பாட்டத்திற்கு, ஒன்றிய செயலர் கற்பகவல்லி தலைமை தாங்கினார். உமா, குணசுந்தரி, அரும்பு, ஜெபகன்னி, அல்போன்ஸ் மேரி, பழனியம்மாள், ஏகவள்ளி முன்னிலை வகித்தனர்.மாவட்ட செயலர் தேன்மொழி, மாவட்ட தலைவர் தனலட்சுமி, பொருளாளர் சிவகாமி, மாவட்ட குழு அமுதா, மல்லிகா, இந்திய மாணவர் சங்க நிதானம் ஆகியோர் பங்கேற்றனர்.ஆர்ப்பாட்டத்தில், சமையல் காஸ் விலை உயர்வை கண்டித்தும், அதனை வாபஸ் பெறக்கோரி மத்திய அரசை வலியுறுத்தியும், சிலிண்டருக்கு மாலை அணிவித்து கோஷமிட்டனர்.