மதுரை : பொங்கலையொட்டி சென்னை எழும்பூர் -- நாகர்கோவில் இடையே சிறப்பு ரயில்களை தெற்கு ரயில்வே நிர்வாகம் இயக்குகிறது.

சென்னை எழும்பூரில்இருந்து ஜன., 12, 13ல் இரவு 10:30 மணிக்கு புறப்படும் சிறப்பு ரயில்(06091) மறுநாள் காலை 11:10 மணிக்கு நாகர்கோவில் செல்லும். மதுரையில் இந்த ரயில் காலை 6:30 மணிக்கு புறப்படும்.மறுமார்க்கத்தில் நாகர்கோவிலில் ஜன., 16, 17ல் மதியம் 2:45 மணிக்கு புறப்படும் சிறப்பு ரயில்(06092) மதுரையில் இரவு 7:30 மணிக்கு புறப்பட்டு, மறுநாள் அதிகாலை 3:40 மணிக்கு சென்னை எழும்பூர் செல்லும்.இந்த ரயில்கள் தாம்பரம், செங்கல்பட்டு, விழுப்புரம், விருத்தாச்சலம், திருச்சி, திண்டுக்கல், மதுரை, விருதுநகர், சாத்துார், கோவில்பட்டி, திருநெல்வேலி ஸ்டேஷன்களில் நின்று செல்லும். இந்த ரயில்களில் பயணிக்க முன்பதிவு அவசியம்.