அரசியல் செய்தி

தமிழ்நாடு

" அரசியலுக்கு அழைத்து வேதனைப்படுத்த வேண்டாம் "- ரசிகர்களுக்கு ரஜினி வேண்டுகோள்

Updated : ஜன 11, 2021 | Added : ஜன 11, 2021 | கருத்துகள் (64)
Share
Advertisement
சென்னை: ‛‛ நான் அரசியலுக்கு வர வேண்டும் என்று யாரும் போராட்டம் நடத்தி, என்னை மேலும் மேலும் வேதனைக்கு உள்ளாக்க வேண்டாம்'' என நடிகர் ரஜினி தெரிவித்துள்ளார்.'அரசியலுக்கு வரப்போவதில்லை' என, நடிகர் ரஜினி அறிவித்துள்ள நிலையில், 'அவர் தன் முடிவை மாற்றிக் கொண்டு, அரசியலுக்கு வர வேண்டும்' என, சென்னையில் குவிந்த அவரது ரசிகர்கள், ஆவேசமாக வேண்டுகோள் விடுத்து, அறப்
Rajini,Rajinikanth,ரஜினி,ரஜினிகாந்த்,poltics, அரசியல்,

சென்னை: ‛‛ நான் அரசியலுக்கு வர வேண்டும் என்று யாரும் போராட்டம் நடத்தி, என்னை மேலும் மேலும் வேதனைக்கு உள்ளாக்க வேண்டாம்'' என நடிகர் ரஜினி தெரிவித்துள்ளார்.

'அரசியலுக்கு வரப்போவதில்லை' என, நடிகர் ரஜினி அறிவித்துள்ள நிலையில், 'அவர் தன் முடிவை மாற்றிக் கொண்டு, அரசியலுக்கு வர வேண்டும்' என, சென்னையில் குவிந்த அவரது ரசிகர்கள், ஆவேசமாக வேண்டுகோள் விடுத்து, அறப் போராட்டம் நடத்தியதால், பரபரப்பு ஏற்பட்டது. அத்துடன், 'வா தலைவா வா' என, அழைப்பு விடுத்து, கன்னியாகுமரி முதல் சென்னை வரை, 'ஜோதி'யுடன் தொடர் ஓட்டம் நடத்தப் போவதாகவும் தெரிவித்துள்ளனர்.


வர மாட்டேன்னா மாட்டேன்! ரஜினி உறுதி வேதனை கொடுக்காதீங்கப்பா..

latest tamil news





இந்நிலையில் நடிகர் ரஜினி வெளியிட்ட அறிக்கை: என்னை வாழ வைக்கும் தெய்வங்களான ரசிகப் பெருமக்களுக்கு... நான் அரசியலுக்கு வராதது பற்றி மறுபரிசீலனை செய்ய வேண்டுமென்று சிலர், ரஜினி மக்கள் மன்ற பதவி பொறுப்பில் இருந்தும், மன்றத்தில் இருந்து நீக்கப்பட்ட பலருடன் சேர்ந்து, சென்னையில் ஓர் நிகழ்ச்சியை நடத்தி இருக்கிறார்கள். கட்டுப்பாட்டுடனும், கண்ணியத்துடனும் நடத்தியதற்கு என்னுடைய பாராட்டுகள். இருந்தாலும் தலைமையின் உத்தரவையும் மீறி நடத்தியது வேதனை அளிக்கிறது. தலைமையின் வேண்டுகோளை ஏற்று, இந்த நிகழ்ச்சியில் கலந்து கொள்ளாத மக்கள் மன்றத்தினர்க்கு என்னுடைய மனமார்ந்த நன்றி.


latest tamil news




நான் ஏன் இப்போது அரசியலுக்கு வர முடியவில்லை என்பதற்கான காரணங்களை ஏற்கனவே, விரிவாக விளக்கியுள்ளேன். நான் என் முடிவை கூறிவிட்டேன். தயவு கூர்ந்து இதற்கு பிறகும் நான் அரசியலுக்கு வர வேண்டும் என்று யாரும் இது போன்ற நிகழ்ச்சிகளை நடத்தி என்னை மேலும் மேலும் வேதனைக்கு உள்ளாக்க வேண்டாம், வற்புறுத்த வேண்டாம் என பணிவன்புடன் கேட்டுக்கொள்கிறேன். வாழ்க தமிழ் மக்கள். வளர்க தமிழகம். ஜெய்ஹிந்த். இவ்வாறு அவர் தெரிவித்துள்ளார்.

Advertisement




வாசகர் கருத்து (64)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Rajesh - Delhi,யூ.எஸ்.ஏ
12-ஜன-202119:59:33 IST Report Abuse
Rajesh வட்டி காந்த இந்த பேச்சு 2017 ல பேசியிருக்கணும் ..... அப்பிடியே இனி படத்துலயும் நடிக்க மாட்டேன்னு சொல்லு பாப்போம்
Rate this:
Cancel
ocean - Kadappa,இந்தியா
12-ஜன-202119:19:12 IST Report Abuse
ocean தன் புகழை அரசியலாக்கி பணம் சேர்த்து பாபா அறிவாலயம் கட்டி அதை வியாபாரகூடமாக மாற்றி உள் வரும்படி பார்க்க ஆசைப்படாத மிக நல்ல மனிதர்.நோய் நொடியின்றி நீண்டகாலம் வாழ இறைவனை வேண்டுகிறேன்.
Rate this:
Cancel
Aanandh - thamizhnaadu,யூ.எஸ்.ஏ
12-ஜன-202101:22:55 IST Report Abuse
Aanandh சொன்ன வாக்கைக் காப்பாற்றுவேன். உயிரே போனாலும் அரசியல் கட்சி ஆரம்பிப்பேன். இது நேத்து. வர மாட்டேன்னா மாட்டேன் ரஜினி உறுதி வேதனை கொடுக்காதீங்கப்பா. இது இன்னைக்கி. இப்ப இவருக்கே சிஸிடம் கெட்டுப்போச்சு. அதனால, கால்ல வேணாலும் விழுவார், கலாட்டா பண்ணாம கலைஞ்சு போயிடுங்க. காசை சிதறாம கட்டி எடுத்து கர்நாடகாவுக்கு கொண்டு போகணும். கதம் கதம். முன்பு என் மகள் கல்யாணத்தின் பொது சொன்னபடி வந்து ஒருநாள் பாயச விருந்து வைக்கிறேன். இப்ப தமிழக மண்டு ரசிகர்கள் சமத்தா போய்விட்டு, என் படம் ரிலீஸானாவுடன் பாலாபிஷேகம் பண்ணி விட்டு, அதையே கையில கொஞ்சம் புடிச்சு குடிச்சிட்டு முடிஞ்சால் விசிலும் அடிச்சுட்டு கிளம்புங்க. ஆன்மீக பலடி.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X