திருக்கோவிலுார்; திருக்கோவிலுார் அருகே பெண்ணை தாக்கிய அண்ணன், தம்பிகள் மீது போலீசார் வழக்குப் பதிந்து விசாரித்து வருகின்றனர்.

கள்ளக்குறிச்சி மாவட்டம், திருக்கோவிலுார் அடுத்த சித்தேரி கிராமத்தைச் சேர்ந்தவர் முனியம்மாள், 55; தனக்கு சொந்தமான மாடுகளை கடந்த 7ம் தேதி தனது உறவினர் நிலத்தில் கட்டி விட்டு அருகில் வேலை செய்துகொண்டிருந்தார். அங்கு வந்த அதே ஊரை சேர்ந்த மண்ணாங்கட்டி மகன்கள் கணேசன், 42; நடராஜன், 40; இருவரும் முனியம்மாளை, முன்விரோதம் காரணமாக திட்டி, கொலை மிரட்டல் விடுத்தனர்.இது குறித்த புகாரின் பேரில் திருக்கோவிலூர் போலீசார் அண்ணன், தம்பிகள் மீது வழக்குப் பதிந்து விசாரித்து வருகின்றனர்.