புதுடில்லி :'மனிதர்களுக்கு பறவைக் காய்ச்சல் பரவியுள்ளதாக இதுவரை அறிவியல் பூர்வமான எந்த தகவலும் இல்லை' என மத்திய அரசு தெரிவித்துள்ளது.
மத்திய கால்நடைத்துறை அமைச்சர் கிரிராஜ் சிங் கூறியதாவது:நாட்டில் 10 மாநிலங்களில் பறவை காய்ச்சல் பரவியுள்ளது உறுதியாகியுள்ளது. எனினும் இந்தக் காய்ச்சல் மனிதர்களுக்கு பரவியுள்ளதாக அறிவியல்பூர்வமான தகவல் எதுவும் இல்லை. அதனால் மக்கள் கவலைப்பட தேவையில்லை.

இதற்கிடையே ''பறவைக் காய்ச்சல் விஷயத்தில் அனைத்து மாநிலங்களும் மிகுந்த எச்சரிக்கையுடன் இருக்க வேண்டும்'' என பிரதமர் மோடி தெரிவித்துள்ளார்.