கோபி: ஒருங்கிணைந்த பள்ளிக்கல்வி திட்டத்தில், அனைத்து வகை பள்ளிகளிலும், மாற்றுத்திறனாளி குழந்தைகளுக்காக, கழிப்பிடம் மற்றும் சாய்தள வசதி அமைக்க முடிவு செய்யப்பட்டுள்ளது. இதன்படி, கோபி யூனியனுக்கு உட்பட்ட, எட்டு அரசு பள்ளிகளில், கழிப்பிடம் கட்டப்படுகிறது. கோபி நகரவை ஆண்கள் மேல்நிலைப்பள்ளி, வெள்ளாங்கோவில் பஞ்., யூனியன் துவக்கப்பள்ளி, பெரிய குரவம்பாளையம் யூனியன் நடுநிலைப்பள்ளி மற்றும் அளுக்குளி, செரையாம்பாளையம், அம்மா பாளையம் துவக்கப்பள்ளிகளில், கழிப்பிடம் கட்டப்படுகிறது. கணபதிபாளையம் மற்றும் செட்டியாம்பாளையம் யூனியன் துவக்கப்பள்ளிகள், கே.மேட்டுப்பாளையம் அரசு உயர்நிலைப்பள்ளியில், சாய்தள வசதி ஏற்படுத்தப்படுகிறது. கழிப்பிடத்துக்கு, தலா 1.80 லட்சம் ரூபாய், சாய்தள வசதிக்கு, தலா, 90 ஆயிரம் ரூபாயும் நிதி ஒதுக்கீடு செய்யப்படுகிறது.