வாட்ஸ்ஆப் தற்போது பாத்ரூமில் ஒரு சின்ன கண்ணாடி ஜன்னல் வெக்க போறோம்ன்னு சொல்லியிருக்கு.. அதுக்கு மேதகு மகாஜனங்கள் பிரைவசி போச்சேன்னு விழுந்து புலம்புறாங்க. ஆனால் முகநூல், தன்னோட பாத்ரூமுக்கு கதவே கட்டாம, கண்ணாடி சுவத்திலே ஃபோகஸ் லைட் போட்டு வெச்சிருக்கான், அங்கே கும்பலா மகாமகத்திலே குளிக்கிற மாதிரி கும்மாளம் போடுறாங்க.. அதுவும் அதே மேதாவிகள் தான்.. ஒண்ணுமே புரியலே..

'வாட்ஸ் அப்' 'ஃபேஸ்புக்' தற்போது இரண்டும் ஒரே நிறுவனத்தின் கீழ் எனவே, 'வாட்ஸ் அப்' மூலமாகப் பெறப் படும் தரவுகளை ஃபேஸ்புக் செர்வரில் சேமித்து வைக்கவும் அதனை எதிர்காலத்தில் கார்ப்பரேட்டுகள், கம்பெனிகளுடன் பகிர்ந்து கொண்டு, மார்க்கெட்டிங் துறையை விரிவுபடுத்தும் முயற்சியைத்தான் கையில் எடுத்துள்ளார்கள். 'நாங்கள் இதை செய்ய மாட்டோம்' என்றுதான் சொல்கிறார்களே தவிர 'இது போல செய்ய எங்களுக்கு உரிமை இல்லை' என்று சொல்லவில்லை. 'வாட்ஸ் அப்' மட்டுமல்ல, 'கூகுள்' போன்ற நிறுவனங்களும் இதைத்தான் செய்கின்றன. நீங்கள் 'ஆன் லைனில்' பிரபல செய்தித்தாளையோ, வாராந்தரியையோ படிக்கும்போது விளம்பரங்கள் குதித்துக் கொண்டு செய்திகளை மறைக்கும் வண்ணம் வருகின்றனவே... அதே போல இன்னமும் சில காலங்களில் 'வாட்ஸ் அப்', 'சிக்னல்', 'டெலிகிராம்' போன்ற எதுவாக இருந்தாலும் அவைகளில் விளம்பரங்கள் உங்களைக் கேட்காமலேயே நுழைக்கப்படவிருக்கின்றன. நீங்கள் 'அமேசான்', ஃப்ளிப்கார்ட்' போன்ற கம்பெனிகளுடன் ஆன்‍லைன் வர்த்தகத்தில் பொருட்களை வாங்கும்போது உங்கள் பெயர், முகவரி, செல் நம்பர் முதலியன வெளியாகி விடுகின்றனவே. எனவேதான், ஒரு முறை நீங்கள் வாங்கி விட்டால், தொடர்ந்து உங்களுக்கு இ‍மெயில் மூலம் அழைப்புகள் வந்த வண்ணம் உள்ளன. உங்களுடைய தரவுகளைத் தவறாகப் பயன்படுத்துவது என்பது வேறு விஷயம் நீங்கள் எவற்றைப் பொதுவெளியில் பகிர்ந்து கொண்டீர்கள்/கொள்கிறீர்கள் என்பதைப் பொறுத்தது. அரசியல் தலைவர்களைப் பற்றியும், அரசியல் கட்சியைப் பற்றியோ அல்லது பொதுவாழ்வில் உள்ள முக்கிய நபர் குறித்தோ, அரசுக்கு எதிராகவோ, இறையாண்மைக்கு எதிராகவோ,மத நல்லிணக்கத்தை சீர் குலைக்கும் நோக்கிலோ, அவதூறாகவோ, ஆபாசமாகவோ நீங்கள் உங்கள் வாட்ஸ் அப் மூலமாகவோ, ஃபேஸ்புக் மூலமாகவோ பதிவு செய்கிறீர்கள் எனில் பாதுகாப்பு காரணங்களுக்காக இவற்றை அந்த நிறுவனங்கள் சம்பந்தப்பட்ட துறைகளிடம் பகிர்ந்து கொள்ளும் உரிமையும் கடமையுமுண்டு. சென்னை தெருக்களில் அநேக இடங்களில் சிசிடிவி காமிராக்கள் வைத்து உள்ளதை நாம் எதிர்க்கிறோமா? இல்லையே.. அதே போலத்தான். வாட்ஸ் அப், ஃபேஸ்புக், யூ டியூப் போன்றவற்றையும் பலர் தவறாகப் பயன்படுத்துகிறார்கள். செய்திகளுக்கான கமெண்ட்டுகள் பதிவிடுதலில் கூட ஆபாசத்தையும், வன்மத்தையும், வெறுப்பையும் வெளியிடுகிறார்கள். இவை யாவும் தவறாகத் தெரியவில்லையா? பிரச்னை நம்மிடமிருந்தே தொடங்குகிறது எனில் அது நம்மிடமே திரும்பி வரும். இப்போது புதிதாக வந்துள்ள 'சிக்னல்' , 'டெலிகராம்' போன்றவைகள் கூட எதிர்காலத்தில் கை மாறலாம். 'ஃபேஸ்புக்' போன்ற நிறுவனங்களே அவற்றைக் கபளீகரம் செய்து கொண்டு விடலாம். அமெரிக்காவில் இது சகஜம்.

அப்படீன்னா கொடுத்துள்ள நிபந்தனைகளை திரும்ப வாங்கணும்