புதுச்சேரி : புதுச்சேரி மாநில ஒருங்கிணைந்த சுகாதார ஊழியர் சங்கங்களின் கூட்டு நடவடிக்கைக் குழு சார்பில் கோரிக்கைகளை வலியுறுத்தி இயக்குனர் அலுவலகம் முன்பு கண்டன ஆர்ப்பாட்டம் நடந்தது.சுகாதாரத் துறையில் பதவி உயர்வு உள்ளிட்ட காலி பணியிடங்களை நிரப்ப வேண்டும்,என்பது உட்பட 15 அம்ச கோரிக்கைகளை வலியுறுத்தி நேற்று மாலை இயக்குனர் அலுவலகம் முன்பு கூட்டு நடவடிக்கைக் குழு அமைப்பாளர்கள் அன்புசெல்வன், கலைச்செல்வன் ஆகியோர் தலைமையில் கண்டன ஆர்ப்பாட்டம் நடந்தது.