சேத்தியாத்தோப்பு : சேத்தியாத்தோப்பு அடுத்த வடப்பாக்கம் கிராமத்தில் அம்மா மினி கிளினிக் திறப்பு விழா நடந்தது.

விழாவிற்கு, அ.தி.மு.க., கீரப்பாளையம் மேற்கு ஒன்றிய செயலாளர் கருப்பன் தலைமை தாங்கினார். வட்டார வளர்ச்சி அலுவலர்கள் சுப்ரமணியன், விமலா, கூட்டுறவு கடன் சங்கத் தலைவர் முருகன், ஊராட்சி துணைத் தலைவர் வீரபாண்டி, முன்னிலை வகித்தனர். வடப்பாக்கம் ஊராட்சித் தலைவி மகேஸ்வரி கொளஞ்சிநாதன் வரவேற்றார்.கீரப்பாளையம் சேர்மன் கனிமொழி தேவதாஸ் படையாண்டவர் குத்துவிளக்கேற்றி கர்ப்பிணி பெண்களுக்கு அம்மா பெட்டகம் சத்துணவு பொருட்களை வழங்கினார்.

விழாவில், இளைஞரணி கமலக்கண்ணன், வட்டார மருத்துவ அலுவலர் செந்தில்குமார், பகுதி சுகாதார செவிலியர் மல்லிகா, சுகாதார ஆய்வாளர்கள் உட்பட பலர் பங்கேற்றனர்.