தியாகதுருகம் : தியாகதுருகம் பகுதியில் உள்ள அரசு பள்ளிகளில் விலையில்லா சைக்கிள் வழங்கும் விழா நடந்தது.

தியாகதுருகம் பெண்கள் மேல்நிலைப்பள்ளியில் நடந்த விழாவிற்கு கள்ளக்குறிச்சி மாவட்ட சி.இ.ஓ., முனுசாமி தலைமை தாங்கினார்.உளுந்தூர்பேட்டை கல்வி மாவட்ட அலுவலர் மணிமொழி, பெற்றோர் ஆசிரியர் கழக தலைவர்கள் அய்யப்பா, ஷியாம் சுந்தர், ஜான்பாஷா முன்னிலை வகித்தனர். தலைமை ஆசிரியை சசி வரவேற்றார்.பெண்கள் பள்ளி மாணவிகள் 496 பேர், ஆண்கள் பள்ளி மாணவர்கள் 368 பேருக்கு 34 லட்சம் ரூபாய் மதிப்புள்ள விலையில்லா சைக்கிள்களை கள்ளக்குறிச்சி எம்.எல்.ஏ., பிரபு வழங்கினார்.

அ.தி.மு.க., மாவட்ட ஜெ., பேரவை துணை செயலாளர் மணிவண்ணன், நகர பாசறை செயலாளர் கிருஷ்ணராஜ், குமரவேல், பாலகிருஷ்ணன், ஜெயச்சந்திரன், ராஜகுரு, சிவா, ஜெயப்பிரகாஷ், மணிவண்ணன், பாண்டு, கிருஷ்ணமூர்த்தி, சதாசிவம், குமார், பரியாஸ், வேலுமணி, பலராமன், ஜெயராமன், அப்துல் ரசாக், பாலமுரளி கிருஷ்ணா உள்ளிட்ட பலர் கலந்து கொண்டனர். ஆண்கள் பள்ளி தலைமையாசிரியர் (பொறுப்பு) தமிழ்ச்செல்வன் நன்றி கூறினார்.