அரசியல் செய்தி

தமிழ்நாடு

தொழில்துறையினருக்கு கமலின் 7 வாக்குறுதிகள்

Updated : ஜன 13, 2021 | Added : ஜன 13, 2021 | கருத்துகள் (39)
Share
Advertisement
கோவை: கோவையில் தேர்தல் பிரசாரத்தில் ஈடுபட்டு வரும் கமல், நிருபர்களை சந்தித்த போது, தொழில்துறையினருக்கான மக்கள் நீதி மையத்தின் 7 வாக்குறுதிகளை வெளியிட்டார்.அந்த வாக்குறுதிகள்:1. புத்தாக்கம் மற்றும் புதிய சாத்தியக் கூறுகளுக்கான துறைஅறிவியல் தொழில்நுட்பங்கள், புதிய தொழில் முனைதல் மற்றும் கண்டுபிடிப்புகளை ஊக்குவித்து அவற்றை நடைமுறை சாத்தியமாக்கிடவும், தொழில்துறை
kamal, kamalhaasan, கமல், கமல்ஹாசன், ரஜினி, ரஜினிகாந்த், தொழில்துறையினர்,  அரசியல்,  தேர்தல்

கோவை: கோவையில் தேர்தல் பிரசாரத்தில் ஈடுபட்டு வரும் கமல், நிருபர்களை சந்தித்த போது, தொழில்துறையினருக்கான மக்கள் நீதி மையத்தின் 7 வாக்குறுதிகளை வெளியிட்டார்.

அந்த வாக்குறுதிகள்:

1. புத்தாக்கம் மற்றும் புதிய சாத்தியக் கூறுகளுக்கான துறை

புதிய கண்டுபிடிப்புகளை ஊக்குவிக்க தனி அமைச்சகம்

அறிவியல் தொழில்நுட்பங்கள், புதிய தொழில் முனைதல் மற்றும் கண்டுபிடிப்புகளை ஊக்குவித்து அவற்றை நடைமுறை சாத்தியமாக்கிடவும், தொழில்துறை புரட்சி 4.0க்கு வித்திடுவதற்கு ஏதுவாக புத்தாக்கம் மற்றும் புதிய சாத்தியக்கூறுகளுக்கான துறை நிறுவப்படும்

2. தொழில்துறையுடன் ஒருங்கிணைந்த அணுகுமுறை
முதல்வர் தலைமையில், அரசு, '' மதியுரைக்குழு'' ஒன்றினை நிறுவி, அரசாங்கம் - தொழில் - கல்வி - அரசு சாரா நிறுவனங்கள் ஆகியவற்றை ஒருங்கிணைத்து, ஒவ்வொரு காலாண்டிலும், '' கலந்தாலோசனை கூட்டம்'' நடத்துவதற்கான முன்னெடுப்புகளை செய்வோம்.

3. சிறு, குறு மற்றும் நடுத்தர நிறுவனங்களை வலுப்படுத்துதல்
நிதி நிறுவனங்கள் மற்றும் அரசாங்க முயற்சிகள் மூலமாக சிறு, குறு மற்றும் நடுத்தர நிறுவனங்களின் பணப்புழக்கத்தை எங்கள் அரசு உறுதி செய்யும்.

4. குறைந்த வளர்ச்சியுள்ள பகுதிகளின் மேம்பாடு
பெரிய தொழில் நிறுவனங்கள் தங்கள் தொழிற்சாலைகள் மற்றும் கிளை அலுவலகங்களை, வளர்ச்சி குறைந்த பகுதிகளில் அமைத்திட ஊக்குவிக்கப்படும். அதன் மூலம் புதிய வேலைவாய்ப்புகளை ஏற்படுத்தி நகர்ப்புறம் நோக்கிய நகர்வுகள் கட்டுப்படுத்தப்படும்

5. அமைப்புசாரா தொழிலாளர் வலுப்படுத்துதல்
அமைப்பு சாரா தொழிலாளர்களுக்கு துறையில் கட்டாய மற்றும் விரிவான காப்பீடு, ஓய்வூதிய திட்டங்கள் மற்றும் வேலை பாதுகாப்பு ஆகியவற்றை கொண்டு வருவதன் மூலம் அவர்களும் அமைப்புசாரா தொழிலாளர்களாக முறைப்படுத்தப்படுவர்

6. ஒவ்வொரு மாவட்டத்திலும் தொழில் திறன் மேம்பாட்டு மையங்கள் நிறுவப்படும்
ஒவ்வொரு மாவட்ட தலைமையகத்திலும் பொது மற்றும் தனியார் நிறுவனங்கள் ஒருங்கிணைந்து புதிய திறன் மேம்பாட்டு மையங்கள் நிறுவப்படும்

7. வளர்ச்சிக்கான தொழில்துறை முதலீட்டு திட்டம்
புதிய தொழில்துறை முதலீடுகள் செய்ய முற்படும்போது, முன்மொழிவு செய்வது முதல் அதை செயல்படுத்தும் வரை முறையான காலக்கெடுவுடன் கூடிய திட்டங்களை செயல்படுத்துவோம். அதன் மூலம் முதலீடு செய்யும் வணிக நிறுவனங்களின் தொழில் மேம்பாட்டை அடைய வழிவகை செய்யப்படும்


latest tamil news


இதன் பின்னர் நிருபர்களின் கேள்விக்கு பதிலளித்த கமல் கூறியதாவது: ரஜினி வீட்டுச்சிறையில் இருக்கிறாரா என்பது பற்றி எனக்கு தெரியாது. நான் பயணத்தில் உள்ளேன். வரும் சட்டசபை தேர்தலில், கண்டிப்பாக களமிறங்குவேன். ஜாதி பார்த்து வேட்பாளர்களை நிறுத்த மாட்டேன். தகுதி பார்த்தே நிறுத்துவேன். முழு நேர அரசியலில் ஈடுபட வேண்டும் என்பதில்லை. சம்பாத்தியத்திற்கு ஒரு தொழிலை வைத்து கொண்டு அரசியலுக்கு வரலாம். இதனை ஈ.வே.ராமசாமி கூறியுள்ளார். இவ்வாறு அவர் தெரிவத்தார்.

Advertisement




வாசகர் கருத்து (39)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Indian Ravichandran - Chennai,இந்தியா
14-ஜன-202113:12:32 IST Report Abuse
Indian  Ravichandran சார் இது எல்லாம் மோடி தீவிரமாக செயல்படுத்தும் திட்டம் சொந்த நாட்டிலேயே முழுமையான போர் விமானம் தயார் செய்து கொண்டு இருக்கிறார்கள் நீர் மூழ்கி கப்பலுக்கு பஞ்சம் இல்லை ராணுவ தளவாடங்கள் அனைத்து இந்தியாவிலேயே தயாரிக்க அனைத்து முயற்ச்சியும் எடுத்தாகிவிட்டது இனி குப்பனுக்கும் சுப்பனுக்கும் வேலை வாய்ப்பு தொழில் வாய்ப்பு நிறையவே பேருக்கும். நாலு கிறிஸ்து பாதார் கிட்ட மட்டும் பேசிட்டு வந்து பீலா விடாதீங்க உங்கள் தீவிர கிறிஸ்து மத பிரச்சாரம் பார்த்தேன் அபாரம் இத்தனை தீவிர கிறிஸ்தவர் என்பது தெரியாமல் இத்தனை நாள் லூசவ நான் இருந்திருக்கிறேன். முதல பிக் பாஸ் போன்ற கருமத்தை நிறுத்திட்டு வந்து கூவுங்க.
Rate this:
Cancel
Bhaskaran - Chennai,இந்தியா
14-ஜன-202112:56:14 IST Report Abuse
Bhaskaran தனியார் நிறுவனங்களிலிருந்து ஓய்வுபெற்ற பதிவுபெற்ற தொழிலாளர்களுக்கே ஓய்வூதியம் டுயர்த்தித்தர மத்திய அரசு மாறுகிறது இவரு முறைசாரா தொழிலாளர்களுக்கு ஓய்வூதியம் வாங்கித்தரப்போறாராம் அடேங்கப்பா
Rate this:
Cancel
Sridhar - Jakarta,இந்தோனேசியா
14-ஜன-202110:36:24 IST Report Abuse
Sridhar இந்த திட்டங்களெல்லாம் எதோ இவர் சிந்தித்து புதிதாக கொண்டு வந்ததுபோல் ஒரு பிரமிப்பை ஏற்படுத்த முயல்கிறாரோ? மோடி அரசின் திட்டங்களிலிருந்து இவை எப்படி மாறுபடுகிறது என கூறமுடியுமா? ஆங்கிலத்திலும் ஹிந்தியிலும் இருக்கும் மத்திய அரசின் திட்டங்களை தமிழாக்கம் செய்திருக்கிறார்கள் - அவ்வளவே இதில் கேலிக்கூத்து என்னவென்றால், யார் வேண்டுமானாலும் ஆகாய உயர திட்டங்களை தீட்டலாம். திட்டங்களை செயல்படுத்தும் நிலையிலும் அதிகாரத்திலும் இருக்கும் கட்சி அதை செல்லும்போதுதான் மக்களுக்கு நன்மை. மற்றவர்கள் சினிமாதான்
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X