பெ.நா.பாளையம் : கோவை தேயிலை ஏல மையத்தில், மூன்று லட்சத்து, 3 ஆயிரத்து, 706 கிலோ தேயிலை ஏலம் போனது.

கோவை - மேட்டுப்பாளையம் சாலையில் உள்ள, கோவை தேயிலை ஏல மையத்தில், தேயிலை ஏலம் நடக்கும்.இரண்டு லட்சத்து, 18 ஆயிரத்து, 627 கிலோ, 'டஸ்ட்' ரக தேயிலை துாள் வந்தது. ஒரு லட்சத்து, 27 ஆயிரத்து, 582 கிலோ ஏலம் போனது. இது, 58 சதவீதமாகும். சராசரி ஏலமதிப்பு ஒரு கிலோவுக்கு, 143 ரூபாய், 93 காசுகளாக இருந்தது.இலைரக தேயிலை ஏலத்துக்கு, ஒரு லட்சத்து, 84 ஆயிரத்து, 450 கிலோ வந்தது. ஒரு லட்சத்து, 76 ஆயிரத்து, 124 கிலோ ஏலம் போனது. இது, 95 சதவீதமாகும். சராசரி ஏல மதிப்பு, ஒரு கிலோவுக்கு, 135 ரூபாய், 31 காசுகளாக இருந்தது என, கோவை தேயிலை ஏல மைய செயலாளர் ஸ்ரீகுமார் தெரிவித்தார்.