சேலம்:''உதயநிதி அரசியல் நாகரீகம் தெரியாமல் அருவருப்பாக பேசியிருக்கிறார். வரும் தேர்தலில் தி.மு.க.வுக்கு தக்க பதிலடி தர மக்கள் தயாராக உள்ளனர்'' என தமிழ்நாடு ஏகத்துவ ஜமாத் தலைவர் இப்ராஹிம் கூறினார்.

சேலத்தில் அவர் மேலும் கூறியதாவது:தமிழகத்தில் மத நல்லிணக்க பிரசாரம் செய்து வரும் நான் கடந்த முறை சேலம் வந்து சென்ற பின் பட்டியல் இன மக்களை தவறான வழியில் திருமாவளவன் திசை திருப்பி வருகிறார். அதை அந்த மக்கள் புரிந்து கொண்டதால் தற்போது ஹிந்து - முஸ்லிம் இடையே வெறுப்புணர்வை ஏற்படுத்த திருமாவளவன் களமிறங்கி விட்டார்.

என்னை முகநுாலில் எச்சரித்து திருமாவளவன் கட்சியினர் கொலை மிரட்டல் விடுத்தனர். ஜனநாயக நாட்டில் வன்முறையை துாண்டி அச்சுறுத்தல் ஏற்படுத்தும் திருமாவளவன் கட்சியினர் மீது வழக்கு பதிந்து நடவடிக்கை எடுக்க வேண்டும்.இவ்வாறு கூறினார்.