புதுச்சேரி; புதுச்சேரி நகர மாவட்ட பா.ஜ.,செயற்குழு மற்றும் தேர்தல் ஆலோசனை கூட்டம் காந்தி வீதியில் உள்ள சூர்யா ஹாலில் நடந்தது.மாவட்ட தலைவர் அசோக்பாபு தலைமை தாங்கினார். மாநிலத் தலைவர் சாமிநாதன் முன்னிலை வகித்தார். மாநில பொது செயலாளர்கள் செல்வம், மோகன்குமார், மாநில துணைத் தலைவர் செல்வம், மாவட்ட பொறுப்பாளர் ரத்தினவேலு, மூத்த உறுப்பினர் இளங்கோ சிறப்புரையாற்றினர். மாவட்ட பொது செயலாளர் ஆனந்தகண்ணன் வரவேற்றார். இரங்கல் தீர்மானத்தை விமலா, வரவு தீர்மானத்தை மாவட்ட செயலாளர் ஜெயக்குமார் வாசித்தனர். மாவட்ட துணை தலைவர் விஜயரங்கம் தொகுத்து வழங்கினார். நிகழ்ச்சியில் தொகுதி தலைவர்கள், பிரிவு தலைவர்கள், அணி தலைவர்கள், செயற்குழு உறுப்பினர்கள் மற்றும் 200க்கும் மேற்பட்ட நிர்வாகிகள் பங்கேற்றனர். மாவட்ட பொருளாளர் கணேஷ் ஞானசம்பந்தன் நன்றி கூறினார்.