செஞ்சி; மயிலம் தொகுதியை சேர்ந்த மாற்றுத் திறனாளிகளுக்கு ஸ்கூட்டம் வழங்கும் நிகழ்ச்சி நடந்தது.மயிலம் சட்டசபை தொகுதிக்கு உட்பட்ட 9 மாற்றுத்திறனாளிகளுக்கு எம்.எல்.ஏ., தொகுதி மேம்பாட்டு நிதியிலிருந்து தலா 61 ஆயிரத்து 955 ரூபாய் மதிப்பில் ஸ்கூட்டர் வழங்கும் நிகழ்ச்சி வல்லத்தில் நடந்தது.மாவட்ட மாற்றுத்திறனாளிகள் நல அலுவலர் குமார் தலைமை தாங்கினார். பி.டி.ஓ.,க்கள் குலோத்துங்கன், சம்பந்தம் முன்னிலை வகித்தனர். மாசிலாமணி எம்.எல்.ஏ., மாற்று திறனாளிகளுக்கு ஸ்கூட்டர்களை வழங்கினார்.நிகழ்ச்சியில் முன்னாள் எம்.எல்.ஏ., சேதுநாதன், மாவட்ட துணை செயலாளர் மலர்மன்னன், ஒன்றிய செயலாளர்கள் வல்லம் வடக்கு அண்ணாதுரை, தெற்கு துரை, ஒலக்கூர் மேற்கு ராஜாராம், மயிலம் வடக்கு மணிமாறன் உள்ளிட்டோர் கலந்து கொண்டனர்.