அவலுார்பேட்டை; செஞ்சி அடுத்த அண்ணமங்கலத்தில் உள்ள சங்கமம் கல்லுாரியில் சமத்துவ பொங்கல் விழா நடந்தது.கல்லுாரி தலைவர் பப்ளசா தலைமை தாங்கினார். செயலாளர் ஜின்ராஜ், பொருளாளர் நவீன்குமார், அறக்கட்டளை உறுப்பினர் அனுராக் முன்னிலை வகித்தனர். கல்லுாரி முதல்வர் ஹரிகுமார் வரவேற்றார்.மாணவ, மாணவிகளுக்கு கோலப்போட்டி, வழுக்கு மரம் ஏறுதல், கோணிப்பை ஓட்டம் உள்ளிட்ட பல வகையான விளையாட்டு போட்டிகள் நடத்தி, பரிசுகள் வழங்கப்பட்டது.கல்லுாரி வளாகத்தில் பொங்கல் வைத்து சமத்துவ பொங்கல் கொண்டாடப்பட்டது.இதில் அனைத்து துறை தலைவர்கள், உதவி பேராசிரியர்கள், உதவி பேராசிரியைகள், அலுவலக பணியாளர்கள் கலந்து கொண்டனர்.