திருநகர் : மதுரை தனக்கன்குளம் திருவள்ளுவர்நகர் ஆக்மி ஸ்போர்ட்ஸ் கிளப் சார்பில்27வது தேசிய எழுவர் கால்பந்து போட்டிகள் துவங்கின.
நாக்அவுட் முறையில் நடக்கும் போட்டிகளில் தமிழகம், கேரளா உள்ளிட்ட 7 மாநிலங்களிலிருந்து 64 அணிகள் பங்கேற்கின்றன. பகலில் ஏழு, இரவில் ஐந்து போட்டிகள் நடக்கின்றன.முதல் போட்டியில் திருவள்ளுவர்நகர் மாணிக்கம் அய்யா கால்பந்து குழு 1-0 கோல் வித்தியாசத்தில் டினோபிலி அணியை வென்றது. 2வது போட்டியில் டி.வி.எஸ். கால்பந்து கிளப் 2-0 கோல் வித்தியாசத்தில் பாரத் கால்பந்து அணியை வென்றது.

3வது போட்டியில் திண்டுக்கல் யுனைடெட் கால்பந்து கழகம் 7-3 கோல் வித்தியாசத்தில் டான் பாஸ்கோ அணியை வென்றது. 4வது போட்டியில் திருவள்ளுவர் ஆக்மி ஸ்போர்ட்ஸ் கிளப் அணி 5-1 என்ற கோல் வித்தியாசத்தில் ஏரான் அணியை வென்றது. 5வது போட்டியில் திருவள்ளுவர் நகர் கார்த்திகேயன் கால் பந்தாட்ட குழு 2-0 கோல் வித்தியாசத்தில் பசுமலை கால்பந்தாட்ட குழுவை வென்றது. 6வது போட்டியில் கருப்பையா கால்பந்தாட்ட குழு 3-1 கோல் வித்தியாசத்தில் திருப்பரங்குன்றம் பாலு கால்பந்தாட்ட குழு அணியை வென்றது. 7வது போட்டியில் ஆர்.சி.சி., கால்பந்தாட்ட அணி 3-0 கோல் வித்தியாசத்தில் கில்ஸ் அணியை வென்றது.

8வது போட்டியில் தேனி எஸ்.டி., முருகேசன் அணி 3-0 என்ற கோல் வித்தியாசத்தில் உசிலை அணியை வென்றது. 9வது போட்டியில் திருவள்ளுவர் நகர் ஆர்.ஆர்.ஆர்.கே., அணி 4-0 கோல் வித்தியாசத்தில் உச்சப்பட்டி அணியை வென்றது. ஜன., 18 வரை போட்டிகள் நடக்கின்றன. கிளப் நிர்வாகிககள் சீனிவாசன், சரவணராஜன், ராஜூ, விஜயன் போட்டி ஏற்பாடுகளை செய்துஉள்ளனர்.