சென்னை; துாய்மை நகர பட்டியலில், சென்னை மாநகராட்சி முன்னிலை வகிக்க, தங்களது கருத்துக்களை பொதுமக்கள் தெரிவிக்கலாம்.சென்னை மாநகராட்சி வெளியிட்ட செய்தி குறிப்பு:மத்திய அரசின் வீட்டு வசதி மற்றும் நகர்ப்புற விவகாரத்துறை சார்பில், ஆண்டுதோறும் துாய்மை நகர கணக்கெடுப்பு நடத்தப்பட்டு, தரவரிசை பட்டியல் வெளியிடப்படுகிறது.இந்தாண்டுக்கான கணக்கெடுப்பு, தற்போது துவங்கி உள்ளது. பொதுமக்கள், சென்னை குறித்த தங்களது கருத்துக்களை, www.swachhsurvekshan2021.org/citizenfeedback என்ற இணையதளத்திலும், 'சுவெச்சத்தா' மற்றும் 'எஸ்.எஸ்.2021வோட் பார் யுவர் சிட்டி' என்ற செயலிகள் வாயிலாகவும், 1969 என்ற தொலைபேசி எண் வாயிலாகவும் தெரிவிக்கலாம்.இதன் வாயிலாக, துாய்மை நகர பட்டியலில், சென்னை மாநகராட்சி முன்னிலை வகிக்கும்.இவ்வாறு, அதில் கூறப்பட்டுள்ளது.