பண்டிகையன்று, உச்சி முதல் பாதம் வரை டிப் - டாப்பாக இருப்பதையே நாம் அனைவரும் விரும்புவோருக்கு, சில மேக்-அப் டிப்ஸ் பரிந்துரைக்கிறார் அழகுக்கலை நிபுணர் வசுந்தரா. தலைமுடி பொலிவாக வேண்டுமென நினைப்பவர்கள், அதற்கென இருக்கும் ஸ்பா ட்ரீட்மென்ட் எடுத்துக்கொள்ளலாம். இவர்களில், வறண்ட தலைமுடி இருப்பவர்கள் பிரத்யே கெரடின் ட்ரீட்மென்ட் செய்து கொள்ளலாம். பண்டிகை நாளுக்கு முன்பேவும் முகத்துக்கு பிரத்யேகமாக ஆக்ஸிப்ளீச்,ஃபேஷியல் / டீடாக்ஸ் ஃபேஷியல் / கொலேஜன் ஃபேஷியல் செய்துக்கொள்ளவும். கூடுதலாக புருவத்துக்கு த்ரெடிங் செய்துக்கொள்வது, முகத்திலிருக்கும் கூடுதல் முடிகளை நீக்கிக்கொள்வது போன்றவையெல்லாம் செய்யும்போது, முகம் பொலிவாகும். பண்டிகை நாள்களில் கண்களுக்கு மேக்-அப் போடும்போது, மஸ்காராவோடு சேர்த்து ஐ-ஷேடோவும் போட்டுக்கொள்வது சிறப்பு. இதில் உங்கள் ஆடை நிறத்தோடு ஒத்துப்போகும் ஐ-ஷேடோவை போட்டுக்கொள்வது, உங்களை கூடுதல் அழகாக காட்டும்.  பண்டிகைக்கு சில தினங்களுக்கு முன் கைகளுக்கு மேனிக்யூரும், கால்களுக்கு பெடிக்க்யூரும் செய்யலாம். சுயமாக இதை செய்துக்கொள்ள விரும்புபவர்கள் வீட்டிலேயேசூடான சோப் தண்ணீர், எலுமிச்சை மற்றும் உப்பு கலந்து கை - கால்களை ஊறவைத்து, பின் கழுவிக்கொள்ள வேண்டும்.  பண்டிகையன்று மேக் - அப் மட்டுமன்றி நறுமணத்திலும் அதிக ஆர்வம் காட்டுவது அவசியம். ஆகவே, அன்றைய தினம் நல்ல பெர்ஃயூம் மற்றும் டியோட்ரண்ட் பயன்படுத்தவும். அதில் டியோட்ரண்ட்டை மட்டும் புத்தாடை அணிவதற்கு முன்பே, அக்குளில் பயன்படுத்திக்கொள்ள வேண்டும்.