உச்சநீதிமன்றம் அமைத்த குழுவிலிருந்து உறுப்பினர் விலகல்

Updated : ஜன 14, 2021 | Added : ஜன 14, 2021 | கருத்துகள் (43)
Share
Advertisement
புதுடில்லி : வேளாண் சட்டம் குறித்து ஆய்வு செய்யவும், போராட்டம் நடத்தும் விவசாயிகளுடன் பேச்சு நடத்தவும் உச்சநீதிமன்றம் அமைத்த குழுவில் இருந்து உறுப்பினர் ஒருவர் விலகியுள்ளார்.மத்திய அரசு நிறைவேற்றியுள்ள, மூன்று புதிய வேளாண் சட்டங்களை எதிர்த்து, 40 நாட்களுக்கு மேலாக, டில்லி எல்லையில், பஞ்சாப் மற்றும் ஹரியானா மாநிலங்களைச் சேர்ந்த விவசாயிகள், போராட்டம் நடத்தி
farmbill, supremecourt, resign, farmers, விவசாயிகள், வேளாண் சட்டம், உறுப்பினர், உச்சநீதிமன்றம், சுப்ரீம் கோர்ட்,

புதுடில்லி : வேளாண் சட்டம் குறித்து ஆய்வு செய்யவும், போராட்டம் நடத்தும் விவசாயிகளுடன் பேச்சு நடத்தவும் உச்சநீதிமன்றம் அமைத்த குழுவில் இருந்து உறுப்பினர் ஒருவர் விலகியுள்ளார்.

மத்திய அரசு நிறைவேற்றியுள்ள, மூன்று புதிய வேளாண் சட்டங்களை எதிர்த்து, 40 நாட்களுக்கு மேலாக, டில்லி எல்லையில், பஞ்சாப் மற்றும் ஹரியானா மாநிலங்களைச் சேர்ந்த விவசாயிகள், போராட்டம் நடத்தி வருகின்றனர். பிரச்னைக்கு தீர்வு காண, விவசாய சங்கங்களின் பிரதிநிதிகளுடன், மத்திய அரசு நடத்திய எட்டு சுற்று பேச்சிலும், சுமுக முடிவு எட்டப்படவில்லை. வேளாண் சட்டங்களுக்கு எதிராகவும், விவசாயிகள் போராட்டம், பேரணிக்கு தடை விதிக்கக்கோரி, தாக்கல் செய்யப்பட்ட மனுக்களை விசாரித்த உச்சநீதிமன்றம், வேளாண் சட்டங்களுக்கும், மறு உத்தரவு வரும் வரை இடைக்கால தடை விதித்தது. மேலும், வேளாண் சட்டங்கள் குறித்து ஆய்வு செய்யவும், விவசாயிகளுடன் பேசவும், நான்கு உறுப்பினர்கள் அடங்கிய கமிட்டி அமைக்கப்பட்டது.

இதில், பாரதிய கிசான் சங்கத்தின் தலைவர் பூபேந்தர் சிங் மான், விவசாய பொருளாதார நிபுணர் அசோக் குலாட்டி, தெற்காசியாவின் சர்வதேச உணவு கொள்கை ஆராய்ச்சி நிறுவனத்தின் இயக்குனர் டாக்டர் பிரமோத் ஜோஷி, ஷேட்கெரி சங்கதனா அமைப்பின் தலைவர் அனில் கன்வட் ஆகியோர் இடம்பெற்றனர்.


latest tamil news




ஆனால், இந்த கமிட்டியை ஏற்க மறுத்த விவசாயிகள், குழுவில் இடம்பெற்றவர்கள் வேளாண் சட்டத்திற்கு ஆதரவானவர்கள் என குற்றம்சாட்டினார். அதில், கடந்த டிசம்பர் மாதம் மத்திய விவசாயத்துறை அமைச்சர் தோமரை சந்தித்த சில விவசாய அமைப்பின் உறுப்பினர்களில் பூபேந்தர் சிங் மானும் ஒருவர் ஆவார்.

இந்நிலையில் உச்சநீதிமன்றம் அமைத்த குழுவில் இருந்து பூபேந்தர் சிங் மான் விலகியுள்ளார். இது தொடர்பாக அவர் வெளியிட்ட அறிக்கையில் கூறியுள்ளதாவது: விவசாயியாகவும், விவசாய சங்க தலைவர் என்ற வகையிலும், விவசாய சங்கங்கள் மற்றும் பொது மக்களின் எண்ணங்களை கருத்தில் கொண்டும், பஞ்சாப் மற்றும் விவசாயிகளின் நலனை பாதிக்கப்படக்கூடாது என்ற நோக்கத்திலும் எனக்கு வழங்கப்பட்ட எந்த பதவி அல்லது பொறுப்பை தியாகம் செய்ய தயாராக உள்ளதாக தெரிவித்துள்ளார். இதனையடுத்து, அவருக்கு பதில் வேறு யார் இடம்பெறுவார்கள் என்பதை உச்சநீதிமன்றம் விரைவில் முடிவு செய்யும்.

Advertisement




வாசகர் கருத்து (43)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Sridhar - Jakarta,இந்தோனேசியா
15-ஜன-202113:41:19 IST Report Abuse
Sridhar இவர் வெளிவந்து விட்டார். இன்னொருவர் விவசாயிகளுக்கு எதிராக, பாதைகள் விளைவிக்கும் எந்த ஒரு செயலுக்கும் துணை போகமாட்டேன் என்று கூறிவிட்டார். ஆகா, நால்வரில் இருவர், விவசாயிகள் பக்கம். சமநிலை. இப்போ, விவசாயிகள் அந்த கமிட்டியை ஏற்றுக்கொள்ளலாமே? செய்யமாட்டார்கள். ஏனென்றால், அவர்களுக்கு அச்சட்டங்களில் என்ன தவறு என சுட்டிக்காட்டவும் தெரியாது, ஏன், அந்த சட்டங்களின் சரத்துகள் என்ன வென்றுகூட தெரியாது. ஒன்றுமட்டும் தெரியும், இந்த சட்டங்கள் அமலானால், போராடும் இடைத்தரகர்கள் வருமானம் அடியோடு பாதிக்கப்படும். கணிசமான விவசாயிகளும் இடைத்தரகர்கள் பிடியில் இருக்கும் பட்சத்தில், அவர்களாலும் குரல் எழுப்ப முடியாது. ஆங்கிலேயன் கூற்றுப்படி "உண்மையான அடிமை யாரென்றால் தன எஜமானன் இல்லாதபோதும் தன்னை சவுக்கால் அடித்துக்கொள்ளும் அளவுக்கு விசுவாசமாக இருப்பவன்". ஆகவே, கடன்பட்டார்களோ, அல்லது உண்மையாகவே இடைத்தரகர்களிடம் அடிமைஆகிவிட்டார்களோ, பஞ்சாப் விவசாயிகள் தங்கள் உரிமைகளை துறந்து தங்கள் வருங்கால சந்ததியினரின் எதிர்காலத்தையே கேள்வி குறையாக்கும் நிலைக்கு தள்ளப்பட்டிருக்கிறார்கள். மத்திய அரசு பஞ்சாப் மாநிலத்திற்கு மட்டும் இச்சட்டங்களிலிருந்து விளக்கு அளிக்க ஏற்பாடு செய்யவேண்டும். ஏனெனில், இவர்களால், நாடெங்கும் உள்ள மற்ற விவசாயிகள் வாழ்வாதாரம் பாதிக்கப்படக்கூடாது. இது ஒன்றே தீர்வாக அமையும்.
Rate this:
Cancel
baala - coimbatore,இந்தியா
15-ஜன-202109:46:30 IST Report Abuse
baala இங்கு கருத்து எழுதுபவர்கள் பலபேர் கைக்கூலிகளாக எழுதுவது போல உள்ளது. உண்மையான விவசாயி கருத்து எழுத்துவதில்லை. ஏன் என்றால் அது வீண் என்று தெரியும்,
Rate this:
Sridhar - Jakarta,இந்தோனேசியா
15-ஜன-202117:35:28 IST Report Abuse
Sridhar"உண்மையான விவசாயி கருத்து எழுதுவதில்லை." ஏனென்றால், கருத்து எழுதும் அளவுக்கு அவனுக்கு விவரம் தெரியாது. இடைத்தரகர்களிடம் கந்து வட்டிக்கு கடன் வாங்கி அவர்கள் பிடியில் அடிமைகள் போல் இருக்கும் பஞ்சாப் விவசாயிகள் நிலைமை பரிதாபமானது. அவர்கள் கையை வைத்தே ப்ரோக்கர்கள் அவர்கள் கண்ணை குத்துகிறார்கள். விவசாயிகளும் வேறு வழி தெரியாமல், "போராடிக்கொண்டுருக்கிறார்கள்" மிகப்பெரிய சேதம் அவர்கள் சந்ததியினர்களுக்கே உங்களுக்கே போதிய விவரம் இருந்தால், சீர்திருத்த சட்டங்கள் எந்த வகையில் விவசாயிகளை பாதிக்கும் என்று வாதிட முயற்சிக்கலாமே? மிஞ்சி போனால் அர்த்தமே இல்லாமல், அதானி அம்பானி என்பீர்கள். அதை தவிர சட்ட சரத்துகள் வாரியாக உங்களில் யாராவது ஒருவர் - ஒருவர் வாதிட முடியுமா? அந்த பயத்தில் தானே உச்ச கோர்ட் கமிட்டி இடம் வரமாட்டேன் என்கிறார்கள்...
Rate this:
Cancel
14-ஜன-202121:35:28 IST Report Abuse
விடியலை நோக்கி :: வெற்றி நமதே நானும் ஒரு விவசாயிதான். அத்துடன் ஒரு சங்கத்தின் தலைவராகவும் பொதுமக்களிடம் நிலவும் உணர்வுகள் மற்றும் அச்சங்கள் பற்றி யோசிக்கிறேன். பஞ்சாப் மற்றும் அனைத்து விவசாயிகளின் நலன்களில் சமரசம் செய்யும் எந்த ஒரு பதவியையும் தியாகம் செய்யத் தயாராக இருக்கிறேன். எனவே அந்த நால்வர் குழுவிலிருந்து விலகிக்கொள்கிறேன்
Rate this:
Balaji - Chennai,இந்தியா
15-ஜன-202111:19:12 IST Report Abuse
Balajiயப்பா.. சேர்ரப்போ இவரு வேவசாயி இல்லையா.. இல்லாங்காட்டி மறந்து போய்க்கினாரா ஷாமியோவ்?...
Rate this:
Balaji - Chennai,இந்தியா
15-ஜன-202111:20:41 IST Report Abuse
Balajiமொத்தம் முப்பது சொச்சம் மாநிலங்கள் இருக்கு... அது இன்னாபா புஞ்சாபி மாற்று பலர்? ஒரே ஒரு இஸ்டேட்டு மட்டும் தாம்பா கூவிக்கினுகீது......
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X