சம்பவம் செய்தி

தமிழ்நாடு

"அரசு ஊழியரை விளாசி எடுத்த வி.ஏ.ஓ.,: வைரலாகும் வாட்ஸ் ஆப் ஆடியோ"

Added : ஜன 14, 2021 | கருத்துகள் (8)
Share
Advertisement
பல்லடம்: முறைகேடாக உதவித்தொகை பெற முயன்ற அரசு ஊழியர் ஒருவரை பெண் வி.ஏ.ஓ., ஒருவர் விளாசி எடுத்த ஆடியோ வாட்ஸ் ஆப்'பில் வைரலாகி வருகிறது.தூத்துக்குடியை சேர்ந்த ஓய்வு பெற்ற அரசு ஊழியர் ஒருவர், ஊனமுற்றோர் உதவித்தொகை பெற விண்ணப்பித்துள்ளார். அதுதொடர்பாக பெண் வி.ஏ.ஓ., ஒருவர் விண்ணப்பதாரரிடம் மொபைல் போனில் விசாரணை மேற்கொள்கிறார். முதல்வர் தனிப்பிரிவுக்கு அனுப்பப்பட்ட
அரசு ஊழியர், விஏஓ, வாட்ஸ் ஆப், ஆடியோ

பல்லடம்: முறைகேடாக உதவித்தொகை பெற முயன்ற அரசு ஊழியர் ஒருவரை பெண் வி.ஏ.ஓ., ஒருவர் விளாசி எடுத்த ஆடியோ வாட்ஸ் ஆப்'பில் வைரலாகி வருகிறது.

தூத்துக்குடியை சேர்ந்த ஓய்வு பெற்ற அரசு ஊழியர் ஒருவர், ஊனமுற்றோர் உதவித்தொகை பெற விண்ணப்பித்துள்ளார். அதுதொடர்பாக பெண் வி.ஏ.ஓ., ஒருவர் விண்ணப்பதாரரிடம் மொபைல் போனில் விசாரணை மேற்கொள்கிறார். முதல்வர் தனிப்பிரிவுக்கு அனுப்பப்பட்ட விண்ணப்பம் என்பதால் அதை தனி கவனம் எடுத்து எழுத்துப்பூர்வமான அறிக்கை சமர்ப்பிக்கவுள்ளதாக வி.ஏ.ஓ., கூற உரையாடல் துவங்குகிறது.

வி.ஏ.ஓ., கேட்கும் கேள்விகளுக்கு பதிலளித்த விண்ணப்பதாரர், ' 3 ஆண்டுக்கு முன் ஜவுளிக்கடையில் வேலை பார்த்தேன். குழந்தைகள் மூவருக்கும் திருமணம் ஆகிவிட்டது. நாங்கள் சொந்த வீட்டில் உள்ளோம். மனைவி துணை பி.டி.ஓ.,வாக பணிபுரிந்தவர். இருவருக்கும் பென்சன் இல்லை என்கிறார். அனைத்தையும் பொறுமையாக கேட்ட வி.ஏ.ஓ., நீங்கள் சொல்வது அனைத்தும் உண்மை தானே. இப்போது நான் சொல்கிறேன் கேட்டு கொள்ளுங்கள் என்று பேச துவங்குகிறார்.

அதில், ' நீங்கள் லேப் டெக்னீசியனாக வேலை பார்த்துள்ளீர்கள். ஓய்வு பெற்றபோது உங்கள் சம்பளம் 75 ஆயிரம் ரூபாய். உங்களது வீட்டின் மதிப்பு மட்டும் ஒரு கோடி ரூபாய். நீங்கள் சராசரியாக 35 ஆயிரம் ரூபாய் பென்ஷன் வாழ்குகிறீர்கள். இச்சூழலில், வெறும் 1,500 ரூபாய்க்கு ஆசைப்பட்டு உதவித்தொகைக்கு விண்ணப்பித்துள்ளீர்கள். சாதாரண வி.ஏ.ஓ., என்று நினைக்கவேண்டாம். பிறப்பு முதல் இறப்பு வரை அனைத்துக்கும் மக்கள் வந்து செல்லும் இடம் இது. இதையோ முதலும் கடைசியுமாக வைத்துக்கொள்ளுங்கள். கலெக்டரின் உத்தரவை இப்போதே ரத்து செய்கிறேன். அரசு உதவித்தொகை பெற பல்வேறு குறுக்கு வழிகளை கையாளும் ஓய்வு பெற்ற அரசு ஊழியர்களை நான் கடுமையாக எச்சரிக்கிறேன் என விண்ணப்பதாரரை விளாசி எடுத்தார்.

முன்னதாக, 'தான் டெக்னீஷியன் வேலை பார்த்தபோது 50 ஆயிரம் ரூபாய் சம்பளமும், ஓய்வு பெற்ற பின் 20 ஆயிரம் ரூபாய் பென்ஷனும் வாங்கி வருகிறேன். பென்ஷனை குறிப்பிட்டால் உதவி தொகை கிடைக்காது. இதேபோல், என்னுடன் வேலை பார்த்த பலரும் உதவித்தொகை வாங்கியுள்ளனர். இங்கு விண்ணப்பித்தால் கிடைக்காது என்பதால் முதல்வர் தனிப்பிரிவுக்கு விண்ணப்பித்தேன் என ஓய்வுபெற்ற அரசு ஊழியர் தெரிவித்தது குறிப்பிடத்தக்கது. உயர் அதிகாரிகளுகளுக்கு பயந்தும், லஞ்சம் பெற்றுக் கொண்டும் கடமையை மீறும் அரசு ஊழியருக்கு மத்தியில் கலெக்டர் உத்தரவை ரத்து செய்கிறேன் என, துணிச்சலுடன் பதிலளித்த வி.ஏ.ஓ.,வின் ஆடியோ வாட்ஸ் ஆப்'பில் வைரலாகி பாராட்டை பெற்று வருகிறது.

Advertisement




வாசகர் கருத்து (8)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
தல புராணம் - மதுரை,இந்தியா
15-ஜன-202110:45:26 IST Report Abuse
தல புராணம் “ இங்கு விண்ணப்பித்தால் கிடைக்காது என்பதால் முதல்வர் தனிப்பிரிவுக்கு விண்ணப்பித்தேன் என ஓய்வுபெற்ற அரசு ஊழியர் தெரிவித்தது குறிப்பிடத்தக்கது. ” - லஞ்ச ஊழலின் ஊற்றுக்கண் என்பதாலா? 🤔
Rate this:
Cancel
baala - coimbatore,இந்தியா
15-ஜன-202109:56:25 IST Report Abuse
baala லஞ்சம் வாங்க ஊழியர்கள் மன்னிக்கவும், உங்களுக்கு வணக்கங்கள். இங்கு கருது எழுதுபவர்கள் இது போன்ற செயல்களில் ஈடுபடாமல்(லஞ்சம் வாங்காமல், அடுத்தவன் சொதனுக்கு ஆசைப்படாமல், யோக்கியராக) இருப்பவர்கள் எதனை பேர். அவர்களின் மனச்சாட்சியை தொட்டு சொல்லவும். அப்படி லஞ்சம் வாங்குபவர்கள் இந்த தலத்தில் சற்றும் அருகதை இல்லாதவர்கள். இது போன்ற நேர்மையான அதிகாரிகளை பணிசெய்ய விடாமல் தடுப்பது, ஏளனமாக பேசுவது லஞ்ச பேய்களுக்கு ஒரு வேலை. அதிகமான பேர் அரசு ஊழியர்கள் இந்த தளத்தில் நிச்சயமாக கருத்து எழுதுவார்கள்.(பொதுவாக எழுதுவது இது,) அவர்கள் இது எல்லோரும் நேர்மையாக இருப்பார்கள் என்று நம்புகிறோம். இனி இது போன்ற நேர்மையாக அத்திரிகையை எவ்வாவு இடையூறு கொடுப்பார்கள் என்பது எல்லோருக் தெரிந்த ஓன்று.
Rate this:
Cancel
தல புராணம் - மதுரை,இந்தியா
14-ஜன-202122:50:12 IST Report Abuse
தல புராணம் முதல்வர் செல் லஞ்சத்தால் செல்லரித்து போயுள்ளது. கையெழுத்து போட்ட கலெக்டர் அலுவலகம் லஞ்ச அசிங்கத்தில் அழுகி கிடக்கிறது. 🤮🤢🤮
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X