வூஹானுக்கு செல்லவிருந்த உலக சுகாதார அமைப்பினரில் இருவருக்கு கொரோனா தாக்கம்..!

Updated : ஜன 14, 2021 | Added : ஜன 14, 2021 | கருத்துகள் (6)
Share
Advertisement
உலக சுகாதார அமைப்பு சீனாவின் வூஹான் நகருக்கு வருகை தருவதாக முன்னதாக அறிவித்து இருந்தது. கொரோனா வைரஸ் தாக்கம் எவ்வாறு வூஹான் பரிசோதனைக் கூடத்தில் இருந்து உலகுக்குப் பரவியது என்று விசாரணை மேற்கொள்ள இந்த குழு திட்டமிட்டிருந்த நிலையில், தற்போது 15 பேர்கொண்ட இந்த குழுவில் இரண்டு பேருக்கு வைரஸ் தாக்கம் இருப்பது கண்டறியப்பட்டது. அவர்கள் வூஹானுக்கு வரத் தடை

உலக சுகாதார அமைப்பு சீனாவின் வூஹான் நகருக்கு வருகை தருவதாக முன்னதாக அறிவித்து இருந்தது. கொரோனா வைரஸ் தாக்கம் எவ்வாறு வூஹான் பரிசோதனைக் கூடத்தில் இருந்து உலகுக்குப் பரவியது என்று விசாரணை மேற்கொள்ள இந்த குழு திட்டமிட்டிருந்த நிலையில், தற்போது 15 பேர்கொண்ட இந்த குழுவில் இரண்டு பேருக்கு வைரஸ் தாக்கம் இருப்பது கண்டறியப்பட்டது. அவர்கள் வூஹானுக்கு வரத் தடை விதிக்கப்பட்டுள்ளது.



latest tamil news



வூஹான் நகரில் இருந்து கடந்த 2019-ஆம் ஆண்டு டிசம்பர் மாதம் கொரோனா வைரஸ் உலகம் முழுக்கப் பரவியது. வூஹான் பரிசோதனைக் கூடத்தில் குளிர்சாதனப் பெட்டியிலிருந்து தவறுதலாக வெளியே கசிந்த வவ்வால் இறகு சாம்பிள் ஒன்று, அருகில் இருந்த இறைச்சி மார்க்கெட்டில் இரண்டரக் கலந்து அதனை சீனர்கள் சாப்பிட்டு வைரஸ் பரவியதாக சீன அரசு கடந்த ஒரு ஆண்டாக காரணம் கூறி வந்தது.
ஆனால் சீனா திட்டமிட்டு வைரஸை பரப்பியதாக கடந்த ஆண்டு அமெரிக்க டிரம்ப் அரசு குற்றஞ்சாட்டி இருந்தது. மேலும் ஆஸ்திரேலியாவும் இந்த குற்றச்சாட்டை ஆமோதித்து இருந்தது. உலக பொருளாதாரத்தை முடக்குவதற்காக சீனா இவ்வாறு செய்கிறது என்று கூறப்பட்ட நிலையில் ஆஸ்திரேலியாவுக்கும் சீனாவுக்கும் இதுதொடர்பாக கருத்து மோதல் ஏற்பட்டது.

கிட்டத்தட்ட ஆறு மாதங்களாக உலக சுகாதார அமைப்பு வூஹான் பரிசோதனை கூடத்தில் இருந்து வைரஸ் எவ்வாறு பரவியது என்று சோதனை மேற்கொள்ள பல நாடுகள் வலியுறுத்தி வந்த நிலையில், கடந்த ஜனவரி 1-ஆம் தேதி உலக சுகாதார அமைப்பு குழுவினர் வூஹான் செல்ல இருப்பதாக அறிவித்தனர்.
ஜெனிவாவை தலைமையகமாகக் கொண்டு இயங்கும் உலக சுகாதார நிறுவனத்தில் பல்வேறு நாடுகளைச் சேர்ந்த மருத்துவர்கள் பணிபுரிகின்றனர். வூஹான் செல்ல இருக்கும் 15 உலக சுகாதார மருத்துவ விஞ்ஞானிகளுக்கு முன்னதாக சிங்கப்பூரில் வைரஸ் சோதனை மேற்கொள்ளப்பட்டது.
இதில் அனைவருக்குமே வைரஸ் தாக்கம் இல்லை என்று முடிவு வந்தது. இவர்களுக்கு மேற்கொள்ளப்பட்ட நியூக்ளிக் ஆசிட் பரிசோதனை மூலம் இந்த முடிவு தெரிய வந்தது.


latest tamil news



ஆனால் இறுதியில் 2 விஞ்ஞானிகளுக்கு வைரஸ் தாக்கம் உள்ளதாக முடிவுகள் வந்தன. இதனையடுத்து அவர்களது சீனப் பயணம் ரத்து செய்யப்பட்டது. மீதமுள்ள 13 விஞ்ஞானிகள் தனிவிமானம் மூலமாக சீனா வந்தடைந்தனர். இவர்கள் 14 நாட்கள் கட்டாயமாக தனிமையில் இருக்க சீன கம்யூனிச அரசு உத்தரவிட்டுள்ளது. அதன்பிறகு இவர்களுக்கு வைரஸ் தாக்கம் இல்லை என்று நிரூபணம் ஆன பின்னரே சோதனை மேற்கொள்ள வேண்டும் என்று கூறியுள்ளது.

Advertisement




வாசகர் கருத்து (6)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Tamilan - NA,ஐக்கிய அரபு நாடுகள்
15-ஜன-202117:15:36 IST Report Abuse
Tamilan இது மிகவும் காலம் கடந்த சோதனை . வுகானில் இருந்து உலகமெல்லாம் பரவி , இப்போது ஐ நா முதல்கொண்டு , பல வளர்ந்த நாடுகளின் பாராளுமன்றம் , முதல் மனிதர்களான ஜனாதிபதி ஆளுநர் மாளிகை என அணைத்து இடங்களிலும் பரவிய பின் என்ன ஆராய்ச்சி செய்யப்போகிறார்கள் . இதிலிருந்து என்ன கண்டு பிடிக்க போகிறார்கள் . சீனாவே திட்டமிட்டு பரப்பி இப்போது உலகநாடுகள் பக்கம் திசை திருப்பும் அளவுக்கு சென்றுவிட்ட பின் , வுகானில் ஒரு மட்டை கூட இருக்காது , இவர்கள் ஆராய்ச்சி செய்ய . வீட்டோவிற்கு அந்த அளவுக்கு உலக அரங்கில் மரியாதை , உலகையே அளித்து விட்டு உலகின் மீதே பழிபோடும் அளவுக்கு அதிகாரம் . ஒரு சிலரின் ஆக்கிரமிப்பில் உள்ள இப்படிப்பட்ட உலக அமைப்புகளை உடனடியாக கலைத்து விடவேண்டும், முற்றிலுமாக ஒழித்து விடவேண்டும் . அப்போதுதான் உலகம் முன்னேறும் .
Rate this:
Cancel
சரவணன் - Madurai,இந்தியா
15-ஜன-202110:51:09 IST Report Abuse
சரவணன் கோரோணா பெரிசா பிரச்சனை பண்ணாதுன்னு உலகுக்கே அறிவித்த WHO கோரோணாவினால் பல லட்சம் மக்கள் உயிரிழந்ததற்கு எந்த பதிலும் சொல்லவில்லை. இப்பொழுது அங்கே என்ன ஆய்வு செய்யப்போகிறார்களோ? இவர்களது முடிவை மற்ற நாடுகள் ஏற்க்குமா? வெட்டி வேலை.
Rate this:
Cancel
venkatan - Puducherry,இந்தியா
15-ஜன-202109:46:38 IST Report Abuse
venkatan நோய்ப்பரவல் கம்யூனிச தத்துவப்படி எல்லோருக்கும் விநியோகிக்கப்பட்டு உலகில் இரண்டரக் கலந்துவிட்டது.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X