புதுடில்லி : நாட்டின் மொத்தவிலை பணவீக்கம் கடந்த டிசம்பரில் 1.22 சதவீதமாக குறைந்துள்ளது. இதுவே கடந்த நவம்பரில் 1.55 சதவீதமாகவும்; கடந்த 2019ம் ஆண்டு டிசம்பரில் 2.76 சதவீதமாகவும் இருந்தது.

இது குறித்து தொழில் மற்றும் உள்நாட்டு வர்த்தக மேம்பாட்டு துறை வெளியிட்டுள்ள அறிக்கையில் கூறப்பட்டுள்ளதாவது: கடந்த டிசம்பர் மாதத்தில் நாட்டின் மொத்த விலை பணவீக்கம் 1.22 சதவீதமாக குறைந்துள்ளது. உணவுப் பொருட்களின் விலை குறைந்தது இதற்கு முக்கிய காரணமாக அமைந்தது.

கடந்த நவம்பர் மாதத்தில் உணவு பொருட்களின் மொத்த விலை பணவீக்கம் 4.27 சதவீதமாக இருந்த நிலையில் டிசம்பரில் 0.92 சதவீதமாக குறைந்துள்ளது. இவ்வாறு தெரிவிக்கப்பட்டுள்ளது.டிசம்பர் மாதத்தில் சில்லைரை விலை பணவீக்கமும் 4.59 சதவீதமாக குறைந்தது குறிப்பிடத்தக்கது.