இந்திய பவுலர்கள் நிதானம்: லபுசேன் சதம்

Updated : ஜன 15, 2021 | Added : ஜன 15, 2021 | கருத்துகள் (1)
Share
Advertisement
பிரிஸ்பேன்: இந்தியாவுக்கு எதிரான நான்காவது டெஸ்டில் ஆஸ்திரேலியாவின் லபுசேன் சதம் கடந்தார்.ஆஸ்திரேலியா சென்றுள்ள இந்திய அணி, நான்கு போட்டிகள் கொண்ட ‛பார்டர்-கவாஸ்கர் டிராபி' டெஸ்ட் தொடரில் பங்கேற்கிறது. முதல் மூன்று போட்டிகளின் முடிவில் தொடர் 1-1 என, சமநிலையில் உள்ளது. நான்காவது மற்றும் கடைசி டெஸ்ட் பிரிஸ்பேனில் நடக்கிறது. ஆஸ்திரேலிய அணியில் வில்
INDvAUS,Labuschagne,Nattu, Wade, Saini, Kuldeep, Rahane, Padhai, Shardul,Prithvi Shaw

பிரிஸ்பேன்: இந்தியாவுக்கு எதிரான நான்காவது டெஸ்டில் ஆஸ்திரேலியாவின் லபுசேன் சதம் கடந்தார்.


latest tamil news



ஆஸ்திரேலியா சென்றுள்ள இந்திய அணி, நான்கு போட்டிகள் கொண்ட ‛பார்டர்-கவாஸ்கர் டிராபி' டெஸ்ட் தொடரில் பங்கேற்கிறது. முதல் மூன்று போட்டிகளின் முடிவில் தொடர் 1-1 என, சமநிலையில் உள்ளது. நான்காவது மற்றும் கடைசி டெஸ்ட் பிரிஸ்பேனில் நடக்கிறது. ஆஸ்திரேலிய அணியில் வில் புகோவ்ஸ்கிக்கு பதிலாக மார்கஸ் ஹாரிஸ் தேர்வானார். இந்திய அணியில் ஹனுமா விஹாரி, ரவிந்திர ஜடேஜா, அஷ்வின், பும்ராவுக்கு பதிலாக மயங்க் அகர்வால், வாஷிங்டன் சுந்தர், ஷர்துல் தாகூர், நடராஜன் இடம் பிடித்தனர். இதில் தமிழகத்தின் நடராஜன், வாஷிங்டன் சுந்தர் அறிமுகமாகினர்.


latest tamil news


‛டாஸ்' வென்ற ஆஸ்திரேலிய அணி கேப்டன் டிம் பெய்ன், ‛பேட்டிங்' தேர்வு செய்தார். ஆஸ்திரேலிய அணிக்கு டேவிட் வார்னர் (1), மார்கஸ் ஹாரிஸ் (5) ஜோடி ஏமாற்றியது. பின் இணைந்த மார்னஸ் லபுசேன், ஸ்டீவ் ஸ்மித் ஜோடி நிதானமாக விளையாடியது. மூன்றாவது விக்கெட்டக்கு 70 ரன் சேர்த்த போது வாஷிங்டன் சுந்தர் ‛சுழலில்' ஸ்மித் (36) அவுட்டானார். பொறுப்பாக ஆடிய லபுசேன் சதம் கடந்தார். நடராஜன் ‛வேகத்தில்' மாத்யூ வேட் (45), லபுசேன் (108) அவுட்டாகினர். பின் இணைந்த கேப்டன் டிம் பெய்ன், கேமரான் கிரீன் ஜோடி இந்திய பந்துவீச்சை எளிதாக சமாளித்து ரன் சேர்த்தது.


latest tamil news


முதல் நாள் ஆட்டநேர முடிவில், முதல் இன்னிங்சில் ஆஸ்திரேலிய அணி 5 விக்கெட்டுக்கு 274 ரன் எடுத்திருந்தது. கேமரான் கிரீன் (28), கேப்டன் டிம் பெய்ன் (38) அவுட்டாகாமல் இருந்தனர். இந்தியா சார்பில் நடராஜன் 2, முகமது சிராஜ், ஷர்துல் தாகூர், வாஷிங்டன் சுந்தர் தலா ஒரு விக்கெட் கைப்பற்றினர்.

Advertisement




வாசகர் கருத்து (1)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Vena Suna - Coimbatore,இந்தியா
15-ஜன-202123:39:05 IST Report Abuse
Vena Suna நடராஜன் 2 விக்கெட்டுகளா ...அருமை அண்ணா...
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X