பொது செய்தி

இந்தியா

ஜி7 மாநாடு: பிரதமர் மோடிக்கு பிரிட்டன் அழைப்பு

Updated : ஜன 17, 2021 | Added : ஜன 17, 2021 | கருத்துகள் (10)
Share
Advertisement
புதுடில்லி: ஜி7 மாநாட்டில் சிறப்பு விருந்தினராக பங்கேற்கும்படி பிரதமர் மோடிக்கு பிரிட்டன் அழைப்பு விடுத்துள்ளது. இந்த மாநாட்டிற்கு முன்பாக, போரிஸ் ஜான்சன் இந்தியா வர வாய்ப்பு உள்ளதாக, இந்தியாவிற்கான அந்நாட்டு தூதரகம் தெரிவித்துள்ளது.பிரிட்டன், கனடா, பிரான்ஸ், ஜெர்மனி, இத்தாலி ஜப்பான், அமெரிக்கா மற்றும் ஐரோப்பிய யூனியன் அடங்கிய அமைப்பு ஜி7 என அழைக்கப்படுகிறது. இந்த
ஜி7 மாநாடு, பிரதமர் மோடி,பிரிட்டன், போரிஸ் ஜான்சன்,

புதுடில்லி: ஜி7 மாநாட்டில் சிறப்பு விருந்தினராக பங்கேற்கும்படி பிரதமர் மோடிக்கு பிரிட்டன் அழைப்பு விடுத்துள்ளது. இந்த மாநாட்டிற்கு முன்பாக, போரிஸ் ஜான்சன் இந்தியா வர வாய்ப்பு உள்ளதாக, இந்தியாவிற்கான அந்நாட்டு தூதரகம் தெரிவித்துள்ளது.

பிரிட்டன், கனடா, பிரான்ஸ், ஜெர்மனி, இத்தாலி ஜப்பான், அமெரிக்கா மற்றும் ஐரோப்பிய யூனியன் அடங்கிய அமைப்பு ஜி7 என அழைக்கப்படுகிறது. இந்த அமைப்பின் மாநாடு, வரும் ஜூன் 11 முதல் 14ம் தேதி வரை நடைபெற உள்ளது. இந்த மாநாட்டில், கொரோனா வைரசை ஒழித்தல், பருவநிலை மாற்றம் குறித்து ஆலோசிக்கப்பட உள்ளது. அறிவியல் பலன்கள், தொழில்நுட்ப மாற்றங்கள் மற்றும் வர்த்தக விவகாரம் குறித்தும் ஆலோசனை நடத்தப்பட உள்ளது. இந்த மாநாட்டில் பங்கேற்க வரும்படி ஆஸ்திரேலியா மற்றும் தென் கொரியா நாடுகளுக்கு அழைப்பு விடுக்கப்பட்டுள்ளது.


latest tamil news



இந்நிலையில், இந்தியாவிற்கான பிரிட்டன் தூதரகம் சார்பில் வெளியிட்ட அறிக்கையில் கூறப்பட்டுள்ளதாவது: ஜி7 மாநாட்டில் சிறப்பு விருந்தினராக பங்கேற்க வேண்டும் என பிரதமர் மோடிக்கு அழைப்பு விடுக்கப்பட்டுள்ளது. இந்த மாநாட்டிற்கு முன்பாக, பிரிட்டன் பிரதமர் போரிஸ் ஜான்சன் இந்தியா வர வாய்ப்பு உள்ளது. உலக நாடுகளுக்கு மருந்து வழங்கும் முக்கிய நாடு இந்தியா. ஏற்கனவே, கொரோனா தடுப்பு மருந்தில் 50 சதவீதம் அளவு இந்தியா அனுப்பி வைத்துள்ளது. கொரோனா காலத்தில் இந்தியாவும், பிரிட்டனும் இணைந்து பணியாற்றி வருகின்றன. இவ்வாறு அந்த அறிக்கையில் கூறப்பட்டுள்ளது.

கொரோனா காலத்தில் ஏற்பட்ட பின்னடைவை சரி செய்து வாய்ப்புகளை பலப்படுத்தவும், பசுமையான சுத்தமான மற்றும் வளர்ச்சியான எதிர்காலத்திற்கு ஒற்றுமையாக பாடுபட வேண்டும் என பிரதமர் மோடி உள்ளிட்ட இந்த மாநாட்டில் பங்கேற்கும் தலைவர்களிடம் வலியுறுத்த போரிஸ் ஜான்சன் திட்டமிட்டுள்ளார்.


latest tamil news




இது தொடர்பாக அவர் கூறுகையில், கொரோனா வைரசானது, அழிவு சக்தி என்பதில் எந்த சந்தேகமும் இல்லை. நம்முன் உள்ள சவாலை ஒற்றுமையுடன் சந்தித்தே சிறந்த எதிர்காலத்தை உருவாக்க முடியும். இதுவே நம்முன் உள்ள ஒரே வழி என தெரிவித்தார்.

Advertisement




வாசகர் கருத்து (10)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
elakkumanan - Naifaru,மாலத்தீவு
17-ஜன-202120:03:53 IST Report Abuse
elakkumanan ஏற்கெனவே, எங்க பெயரில்லா திருட்டு அபலை கூட்டம் அஞ்சு வேலை ஜெலுசில் குளியல் போட்டுத்தான் உசுரை நிறுத்தி வச்சிருக்கானுவோ...இப்பிடி எல்லாம் செய்தி வந்தால், ஜெலுசில் இறக்குமதி பண்ணி இந்திய பொருளாதாரம் வீழ்ச்சியடைந்துதான் அந்த பெயரில்லா திருட்டு அபலை கும்பலை காப்பாற்ற முடியுமோ என்னவோ...
Rate this:
Cancel
RAMAKRISHNAN NATESAN - TROY- MICHIGAN,,யூ.எஸ்.ஏ
17-ஜன-202119:13:39 IST Report Abuse
RAMAKRISHNAN NATESAN ராகுல் பக்தர்களின் நெஞ்சில் நஞ்சை வார்க்கும் செய்தி
Rate this:
Cancel
J.V. Iyer - Singapore,சிங்கப்பூர்
17-ஜன-202118:10:18 IST Report Abuse
J.V. Iyer பிரிட்டனில் உள்ள இந்தியாவுக்கு எதிரான தீய சக்திகளை முறியடிக்கட்டும். பிரிட்டன் பார்லிமென்டில் இந்தியாவின் உள் விவகாரத்தை விவாதிக்க அனுமதித்து இருக்கக்கூடாது. தவறு செய்துவிட்டீர்கள் போரிஸ் ஜான்சன் அவர்களே.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X