பொது செய்தி

தமிழ்நாடு

உலக புகழ்பெற்ற புற்றுநோய் நிபுணர் டாக்டர் சாந்தா காலமானார்: அரசு மரியாதையுடன் தகனம்

Updated : ஜன 20, 2021 | Added : ஜன 19, 2021 | கருத்துகள் (101)
Share
Advertisement
சென்னை உலக புகழ்பெற்ற புற்றுநோய் மருத்துவ நிபுணரும், சென்னை அடையாறு புற்றுநோய் ஆராய்ச்சி மையத்தின் தலைவருமான, டாக்டர் சாந்தா, உடல்நலக் குறைவால், இன்று (ஜன.19)காலமானார்.சென்னை, அடையாறு புற்றுநோய் ஆராய்ச்சி மையத்தில், தமிழகம் மட்டுமின்றி, அண்டை மாநிலத்தில் இருந்தும், புற்றுநோய் பாதித்தவர்கள் சிகிச்சை பெற்று வருகின்றனர். இந்த மருத்துவமனை தலைவராக செயல்பட்டு வந்தவர்,
Shanta, Adyar Cancer Institute, oncologist, Doctor

சென்னை உலக புகழ்பெற்ற புற்றுநோய் மருத்துவ நிபுணரும், சென்னை அடையாறு புற்றுநோய் ஆராய்ச்சி மையத்தின் தலைவருமான, டாக்டர் சாந்தா, உடல்நலக் குறைவால், இன்று (ஜன.19)காலமானார்.
சென்னை, அடையாறு புற்றுநோய் ஆராய்ச்சி மையத்தில், தமிழகம் மட்டுமின்றி, அண்டை மாநிலத்தில் இருந்தும், புற்றுநோய் பாதித்தவர்கள் சிகிச்சை பெற்று வருகின்றனர். இந்த மருத்துவமனை தலைவராக செயல்பட்டு வந்தவர், புகழ்பெற்ற புற்றுநோய் நிபுணர் டாக்டர் சாந்தா, 93. இதயநோய், மூச்சுத் திணறல் காரணமாக, சென்னை தனியார் மருத்துவமனையில் சிகிச்சை பெற்று வந்தார்.


இந்நிலையில் இன்று (ஜன.19)அதிகாலை, 3:30 மணியளவில், சிகிச்சை பலனின்றி அவர் உயிரிழந்தார். அவரது உடல், பொது மக்களின் அஞ்சலிக்காக, அடையாறு புற்றுநோய் மருத்துவமனையில் வைக்கப்பட்டது.

அடையாறு ஆலமரம் சாய்ந்தது! டாக்டர் சாந்தாவின் சகாப்தம் முடிந்தது

அங்கு, சுகாதாரத் துறை அமைச்சர் விஜயபாஸ்கர், செயலர் ராதாகிருஷ்ணன், மாநகராட்சி கமிஷனர் பிரகாஷ், முன்னாள் மேயர் சைதை துரைசாமி, தயாநிதி எம்.பி., நடிகர் விவேக், பா.ஜ., தேசிய மகளிரணி தலைவர் வானதி சீனிவாசன் உள்ளிட்டோர் அஞ்சலி செலுத்தினர்.

மேலும், ஐ.ஏ.எஸ்., - ஐ.பி.எஸ்., அதிகாரிகள் மற்றும் பிரபல டாக்டர்கள், நர்ஸ்கள், மருத்துவ பணியாளர்கள், நோயாளிகள், பொது மக்கள் என, பலர் அஞ்சலி செலுத்தினர்.அடையாறு புற்றுநோய் மருத்துவமனையில் இருந்து அவரது உடல், இன்று (ஜன.19) மாலை, 4:30 மணிக்கு, ஊர்வலமாக, பெசன்ட் நகர் மின் மயானத்திற்கு எடுத்துச் செல்லப்பட்டது. ஊர்வலத்தில், அமைச்சர் விஜயபாஸ்கர், செயலர் ராதாகிருஷ்ணன், டாக்டர்கள், நர்ஸ்கள் பங்கேற்றனர்.

மேலும், வழிநெடுவிலும், டாக்டர்கள், நர்ஸ்கள், பொது மக்கள் அஞ்சலி செலுத்தினர். மின் மயானத்தில், டாக்டர் சாந்தாவுக்கு, 72 குண்டுகள் முழங்க, காவல் துறை மரியாதையுடன், அவரது சகோதரி சுசீலா கற்பூரம் ஏற்ற, மாலை, 6:15 மணியளவில், உடல் தகனம் செய்யப்பட்டது.


வாழ்க்கை வரலாறு:


சென்னை மயிலாப்பூரில், கடந்த மார்ச் 11, 1927 ஆம் ஆண்டு டாக்டர் சாந்தா பிறந்தார். விஞ்ஞானி சர்.சி.வி.ராமன் இவரது தாத்தாவின் சகோதரர். நோபல் பரிசு பெற்ற விஞ்ஞானி டாக்டர் எஸ்.சந்திரசேகர் தான் இவரது தாய்மாமா. சென்னை மருத்துவக் கல்லூரியில் 1949 ஆம் ஆண்டு டாக்டர் பட்டமும், 1955 ஆம் ஆண்டில் எம்.டி. பட்டமும் பெற்றார். அடையாறில் தொடங்கப்பட்ட மருத்துவமனையில் டாக்டராக தனது பணியை துவங்கினார்.

12 படுக்கைகளுடன் இயங்கிவந்த அடையாறு மருத்துவமனையை தனது குருவாக போற்றும், டாக்டர் கிருஷ்ணமூர்த்தியுடன் சேர்ந்து, உலகத் தரம்வாய்ந்த, புற்றுநோய் சிகிச்சை மையமாக மாற்றுவதில் இவர் பெரும் பங்காற்றினார். உலக சுகாதார நிறுவனத்தின் ஆலோசனைக் குழுவில் இடம்பெற்றிருந்த இவர், இந்திய வேளாண் ஆய்வுக்கழக குழுவின் உறுப்பினர், அண்ணா பல்கலை.,யின் சிண்டிகேட் உறுப்பினர், இந்திய புற்றுநோயியல் கழகத் தலைவர் என பல அமைப்புகளில் இருந்து தனது பங்களிப்பை வழங்கியுள்ளார்.

புற்றுநோய் தொடர்பாக தேசிய மற்றும் சர்வதேச இதழ்களில் ஏராளமான கட்டுரைகளை இவர் எழுதியுள்ளார். உலகில் புற்றுநோய்க்கு எங்கு புதிய மருந்துகள் அல்லது புதிய மருத்துவ முறைகள் கண்டுபிடிக்கப்பட்டாலும், அதனை அடையாறு புற்றுநோய் மருத்துவமனையில், உடனடியாக அறிமுகம் செய்வதை தனது தலையாய கடமையாகக் கொண்டிருந்தார்.

Advertisement




வாசகர் கருத்து (101)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
dina - chennai,இந்தியா
23-ஜன-202118:38:30 IST Report Abuse
dina கேள்விப்பட்டேன் வேள்வி செய்யவில்லை....தாயுள்ளம் கொண்ட டாக்டர் சாந்தா அம்மையார் ஆவார்கள்
Rate this:
Cancel
மலரின் மகள் - EDINBURGH,யுனைடெட் கிங்டம்
21-ஜன-202103:00:46 IST Report Abuse
மலரின் மகள் அறுபது ஆண்டுகளுக்கும் மேலாக அவருடன் தோளோடு தோள் சேர்ந்து சேவையாற்றிய டாக்டர் எ வி லக்ஷ்மணன், தற்போதும் அந்த நிறுவனத்தில் கவுரவ நிர்வாக இயக்குனர் பதவியில் தொடர்கிறார் என்று நினைக்கிறோம். அவரை பேட்டி கண்டு ஆரம்ப கால வரலாற்றை எழுதவும். மேலும் பல்வேறு தொழில் நுட்பம் சார்ந்தவர்களும் அங்கே தொடர்ந்து சேவை செய்கிறார்கள். வயது என்பது ஓய்வு என்பதற்கில்லை என்பதாக தொடர் சேவை செய்வோர் பலர். உடலுக்கு தீங்கிழைக்கும் கதிரியக்கங்களை அந்த காலத்தில் ரேடியம் போன்றவற்றை வைத்து அதன் அருகிலேயே இருந்து ஏராளாமான கதிர் வீச்சு தாக்குதல்களை பற்றி யாதொரு பயமுமின்றி நோயாளியின் அருகிலேயே இருந்து கொண்டு பெற்றிருக்கிறார்கள். அந்த தீங்கு செய்யும் கதிர்களுக்கு எதிராக இன்று எத்துணையோ பாதுகாப்பு பலப்படுத்தி இருக்கிறார்கள் உலகெங்கிலும். கொரோனாவுக்கு தர்ம தேவதை உயிரை பிரியாமல் தடுத்ததை போலவே அங்கு சேவை செய்த கதிரியக்கத்தை கொண்டு புற்று நோயை குணமாக்கிய மருத்துவர்களை கதிரியக்கம் நிச்சயம் தாக்கி - அறிவியலின் உண்மையும் ஆவணமும் சரித்திர சான்றும் ஐயம் திரிபற நிருபிக்கப்பட்ட ஒன்று - அவர்களை புற்று நோய் உட்பட கதிரியக்கம் சார்பான பல பக்க விளைவுகளை நிச்சயம் தந்திருக்க வேண்டும். எதுவும் இல்லாமல் கதிரியக்கத்தால் பாதிக்கப்படாமல் அந்த ஆதி காலத்தில் இருந்தே மருத்துவத்தை மகத்துவம் செய்திருக்கிறார்கள். அறிவியலுக்கு புரியாத புதிராய் இருக்கிறது இவர்களின் உண்மையான வாழ்க்கை அர்ப்பணிப்பு. தர்மமும் இறைவனையும் இணைந்தது கதிரியக்கத்தின் பாதிப்புக்கள் இவர்களை அணுகாமல் பார்த்து கொண்டார்கள் என்று சொன்னால் அது மிகையாகாது. கதிரியக்கத்தை நோயாளியின் உடலில் செலுத்தி கேன்சரை அழிப்பார்களாம் அன்றைய காலகட்டத்தில். அதற்காக எத்துணை அளவு தரவேண்டும் என்பதெல்லாம். இல்லை. தோல் செந்நிறம் வரும் வரையில் தந்து அத்துடன் நிறுத்தி விடுவார்களாம். அப்படி தரும்போது ஒவ்வொரு நோயாளிக்கு தரும் ரேடியேஷன்ல் மூன்றில் ஒரு பங்கையாவது இவர்கள் பெற்றிருப்பார்கள். ஆயிரக்கணக்கில் நோயாளிகளை கதிர் சிகிச்சை அளித்திருக்கிறார்கள். தொண்ணூறை கடந்தும் கதிரியக்கத்தின் விளைவுகள் ஒன்றும் செய்யாமல் இவர் சேவை செய்ய அனுமதித்த இறைவனின் கோடை அனுக்கிரகம் பிரமிக்க வைக்கிறது. ஐம்பதுகளின் ஆரம்பத்தில் உள்ள அந்த புகைப்படங்களை பெற்று பிரசுரியுங்கள். சேவையின் மகத்துவம் மிளிரட்டும். மருத்துவர்கள் சேவை செய்வதன் தியாகத்தை உணரட்டும். அன்னாரின் ஆத்மா சாந்தி அடைந்து அந்த நிறுவனத்தை விண்ணுலகில் இருந்து ஆசிர்வதிக்கும். நிறுவனத்தின் சேவை மென்மேலும் பெருகிட பிரார்த்தனைகள். உங்களின் இருபது இருபது திட்டம் மலர் மற்றும் டாக்டர் சாந்தா பெயரில் தொடரலாமே
Rate this:
Cancel
THINAKAREN KARAMANI - Vellore,இந்தியா
20-ஜன-202121:38:44 IST Report Abuse
THINAKAREN KARAMANI ஏழை மக்களுக்கும் உயர்தரத்தில் புற்றுநோ சிகிச்சை கிடைக்க வேண்டும் என்பதில் மிகுந்த அக்கறை உடையவராக இருந்திருக்கிறார். உலகப்புகழ்பெற்ற டாக்டர் சாந்தா அவர்கள் நினைத்திருந்தால் வெளிநாட்டிற்குச் சென்று பணி செய்திருக்கலாம். ஆனால் அப்படியில்லாமல் சென்னைலேயே பிறந்த அவர் சென்னைலேயே தன் மருத்துவப்பணியை தம் நாட்டுக்கென்றே அர்ப்பணித்திருக்கிறார். அம்மா அவர்களின் ஆன்மா சாந்தி அடைய இறைவனைப் பிரார்த்திக்கின்றேன். THINAKAREN KARAMANI, VELLORE, INDIA.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X