சென்னை: ஜெயலலிதா நினைவிடத்தை வரும் 27 ம் தேதி முதல்வர் பழனிசாமி திறந்து வைக்க உள்ளார்.

இது தொடர்பாக தமிழக அரசு வெளியிட்ட அறிக்கை: சென்னை காமராஜர் சாலையில் உள்ள எம்ஜிஆர் நினைவிட வளாகத்தில் அமைக்கப்பட்டுள்ள முன்னாள் முதல்வர் ஜெயலலிதாவின் நினைவிடத்தை வரும் 27 ம் தேதி காலை 11: 00 மணியளவில் முதல்வர் பழனிசாமி திறந்து வைக்க உள்ளார். இந்த நிகழ்ச்சியில் துணை முதல்வர் பன்னீர்செல்வம் முன்னிலை வகிக்க உள்ளார். சட்டசபை தலைவர், அமைச்சர்கள், எம்.பி.,க்கள், எம்.எல்.ஏ.,க்கள் ஆகியோர் கலந்து கொள்ள உள்ளனர். இவ்வாறு அந்த அறிக்கையில் கூறப்பட்டுள்ளது.