பொது செய்தி

இந்தியா

'வாட்ஸ் ஆப்' நிறுவனத்துக்கு கண்டிப்பு!

Updated : ஜன 21, 2021 | Added : ஜன 19, 2021 | கருத்துகள் (3)
Share
Advertisement
புதுடில்லி :'இந்தியர்களின் தகவல் பாதுகாப்புக்கு எதிராக உள்ளதால், பயனாளர் தகவல் பாதுகாப்பு தொடர்பான புதிய கொள்கையை திரும்பப் பெற வேண்டும்' என, 'வாட்ஸ் ஆப்' சமூக வலை தள நிறுவனத்துக்கு மத்திய அரசு, கண்டிப்புடன் கடிதம் எழுதியுள்ளது.அமெரிக்காவை தலைமையிடமாக வைத்து செயல்படும், 'வாட்ஸ் ஆப்' செயலி, உலகெங்கும் பிரபலமானது. உலகெங்கும், 200 கோடி பேர் இந்த செயலியை
வாட்ஸ் ஆப்,  நிறுவனம், மத்திய அரசு, கண்டிப்பு,

புதுடில்லி :'இந்தியர்களின் தகவல் பாதுகாப்புக்கு எதிராக உள்ளதால், பயனாளர் தகவல் பாதுகாப்பு தொடர்பான புதிய கொள்கையை திரும்பப் பெற வேண்டும்' என, 'வாட்ஸ் ஆப்' சமூக வலை தள நிறுவனத்துக்கு மத்திய அரசு, கண்டிப்புடன் கடிதம் எழுதியுள்ளது.

அமெரிக்காவை தலைமையிடமாக வைத்து செயல்படும், 'வாட்ஸ் ஆப்' செயலி, உலகெங்கும் பிரபலமானது. உலகெங்கும், 200 கோடி பேர் இந்த செயலியை பயன்படுத்துகின்றனர். நம் நாட்டில் மட்டும், 40 கோடி பேர் பயன்படுத்துகின்றனர்.'பிரைவசி' எனப்படும், பயனாளிகளின் தகவல் பாதுகாப்பு தொடர்பான கொள்கையில் மாற்றம் செய்வதாக, அந்த நிறுவனம் அறிவித்தது. வரும், பிப்., 8ம் தேதிக்குள் புதிய கொள்கையை ஏற்காவிட்டால், தன் சேவையை தொடர்ந்து பயன்படுத்த முடியாது என்றும் எச்சரித்திருந்தது.

அதன் புதிய கொள்கையின்படி, பயனாளிகள் தொடர்பான தகவல்களை, தாய் நிறுவனமான, 'பேஸ்புக்' சமூக வலை தளத்துடன் பகிர்ந்து கொள்ளப்படும் என, கூறப்பட்டுள்ளது. இதற்கு இந்தியா உட்பட பல நாடுகளில் எதிர்ப்பு தெரிவிக்கப்பட்டுள்ளது. பலர், மாற்று செயலிகளுக்கு மாறி வருகின்றனர்.இதையடுத்து, புதிய கொள்கையை செயல்படுத்துவதை, மே, 15 வரை ஒத்திவைப்பதாக, வாட்ஸ் ஆப் நிறுவனம் தெரிவித்திருந்தது.இ

ந்த சூழ்நிலையில், மத்திய மின்னணு மற்றும் தகவல் தொழில்நுட்ப அமைச்சகம் சார்பில், வாட்ஸ் ஆப் நிறுவனத்தின் தலைமை செயல் அதிகாரி வில் காத்கார்டுக்கு கடிதம் அனுப்பப்பட்டு உள்ளது.

அதில் கூறப்பட்டுள்ளதாவது: வாட்ஸ் ஆப் செயலியை அதிகம் பயன்படுத்தும் நாடுகளில் இந்தியாவும் ஒன்று. மேலும், அந்த செயலியின் மிகப் பெரிய சந்தையாகவும் இந்தியா உள்ளது. இந்நிலையில், பிரைவசி கொள்கையில் மாற்றம் செய்வதாக தன்னிச்சையாக அறிவிக்கப்பட்டுள்ளது. இந்திய மக்கள் தங்கள் விருப்பத்தை தேர்வு செய்வதற்கும், புதிய கொள்கையை நிராகரிக்கவும் வாய்ப்பு தரப்படவில்லை.தகவல் சுதந்திரம், விருப்பமானதை தேர்வு செய்யும் சுதந்திரம் மற்றும் தகவல் பாதுகாப்புக்கு எதிராக இந்த புதிய கொள்கை உள்ளது. உலகில் அதிக அளவில் பயன்படுத்தும், இந்திய மக்களை மதிக்க வேண்டும்.

வாட்ஸ் ஆப் நிறுவனம், தன் கொள்கையில் எந்த வகையிலும் தன்னிச்சையாக மாற்றம் செய்வது நியாயமானதல்ல; ஏற்கதக்கதல்ல.இந்த புதிய கொள்கை, இந்திய மக்களிடையே மிகப் பெரிய தாக்கத்தை ஏற்படுத்தும் என்பதை உணர வேண்டும். இந்திய மக்களின் தகவல் பாதுகாப்பு எதிராக உள்ளதால், புதிய கொள்கையை உடனடியாக திரும்பப் பெற வேண்டும்.இவ்வாறு, அதில் கூறப்பட்டுள்ளது.


தகவல் தர உத்தரவு


'வாட்ஸ் ஆப்' நிறுவனத்துக்கு அனுப்பியுள்ள கடிதத்தில், பல்வேறு தகவல்களை அளிக்கும்படி, மத்திய மின்னணு மற்றும் தகவல் தொழில்நுட்ப அமைச்சகம் உத்தரவிட்டுள்ளது.

அதில் கூறப்பட்டுள்ளதாவது;

* இந்தியாவில் என்னென்ன சேவைகள் அளிக்கப்படுகின்றன

* எந்த வகையான தகவல்கள் சேகரிக்கப்படுகின்றன

* பயனாளிகளிடம் இருந்து என்னென்ன அனுமதிகள் கோரப்பட்டுள்ளன

* பயன்படுத்தும் அளவுக்கு ஏற்ப, பயனாளிகள் தரம் பிரிக்கப்படுகின்றனரா

* மற்ற நாடுகளில் பின்பற்றும் கொள்கை மற்றும் இந்தியாவில் பின்பற்றும் கொள்கைகளுக்கு உள்ள வேறுபாடு என்ன

* வேறு செயலிகளுக்கு அல்லது சமூக வலை தளங்களுக்கு தகவல்கள் பரிமாறப்படுகிறதா

* வாட்ஸ் ஆப் செயலியை பயன்படுத்துவோர் மொபைல் போனில் உள்ள மற்ற செயலிகள் குறித்த தகவல் சேகரிக்கப்படுகிறதா

* செயலி குறித்த முழு தொழில்நுட்ப வடிவமைப்பு, தகவல் சேகரிப்பு கட்டமைப்பு உள்ளிட்டவை குறித்த தகவல்களை அளிக்க வேண்டும்.இதுபோன்ற தகவல்களை அளிக்கும்படி, மத்திய அரசு கேட்டுள்ளது.


உறுதியாக உள்ளோம்!



'வாட்ஸ் ஆப், பேஸ்புக்' உட்பட எந்த நாட்டைச் சேர்ந்த சமூக வலைத்தளங்கள், செயலியாக இருந்தாலும் இந்திய மக்களின், நாட்டின் பாதுகாப்புக்கு பாதிப்பை ஏற்படுத்தாமல், தனிநபர் சுதந்திரத்தை பறிக்காத வகையில் செயல்பட வேண்டும். நாட்டின் இறையாண்மைக்கு எதிராக, மக்களின் தகவல் பாதுகாப்பு எதிராக இருந்ததால், சமீபத்தில், சீனாவைச் சேர்ந்த பல செயலிகளுக்கு தடை விதித்துள்ளோம். இந்த விஷயத்தில், மத்திய அரசு உறுதியாக உள்ளது.
ரவிசங்கர் பிரசாத்,
மத்திய மின்னணு, தகவல் தொழில்நுட்பத் துறை அமைச்சர்,
பா.ஜ.,

Advertisement




வாசகர் கருத்து (3)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
தல புராணம் - மதுரை,இந்தியா
20-ஜன-202112:11:01 IST Report Abuse
தல புராணம் ஆதார் கார்டு தகவல்கள் காசுக்கு ரெண்டுன்னு ஆகாசத்தில் பறக்குதாம்.. இவனுங்க வாட்ஸ்ஆப்பை பத்தி முதலை கண்ணீர் விடுறாங்க..
Rate this:
Cancel
Lion Drsekar - Chennai ,இந்தியா
20-ஜன-202109:30:26 IST Report Abuse
Lion Drsekar எல்லாம் முடிந்த பின்பு திரைப்படங்களில் காவலர்கள் வருவது போல் வாட்ஸாப் மன்னிப்பு கேட்டபின்பு இந்த செய்தி, இது ஒருபுறம் இருக்கட்டும், நம்மவர்களுக்கு ஒரு கேள்வி நம்முடைய ஆதார் கார்டுக்கு என்ன உத்திரவாதம் இருக்கிறியாது, பேங்க் கணக்கு என்ன உத்திரவாதம் இருக்கிறது, பணம் கொள்ளை போகிறது, சமூக விரோதிகள் ஆதார் கார்து என்னை வைத்து நமது விபரங்களை அறிந்து நம்மை தொடர்பு கொண்டு அதிகாரிகள் போல் மிரட்டுகிறார்கள், இந்த அனுபவம் எனக்கே ஏற்பட்டது அதற்கான ஆதாரம் உள்ளது அதனால் பதிவு செய்கிறேன், இதுவும் போகட்டும், இதுபோல் பாதுகாப்பு இல்லையென்றால் இங்கு நம்மவர்களுக்கு அதுபோல் ஒரு சேவையை தொடங்குவதற்கு எதற்க்காக வழிவகையை ஏற்படுத்தக்கூடாது அதனால் பலருக்கு வேலைவாய்ப்பு கிடைக்குமே? மற்றவர்களைப்போல் இல்லாமல் , தனித்து சிந்தித்து, மக்களுக்கு பயனுள்ள செய்தியாக இருந்தால் எல்லோருக்கும் நல்லது, பதவியில் இருப்பவர்கள் ஒவ்வொரு செய்தியும் பலருக்கு பயனுள்ளதாக இருக்கவேண்டும், இந்த வாட்ஸப்பில் அப்படி என்ன செய்திகள் இருக்கப்போகிறது? எல்லோருக்குமே தெரியும் என்னவெல்லாம் அதில் இருக்கப்போகிறது என்று? ஆகவே இதை ஒரு செய்தியாக...? வந்தே மாதரம்
Rate this:
Cancel
கும்புடுறேன் சாமி - பன்னிமடை கோவை,இந்தியா
20-ஜன-202103:53:14 IST Report Abuse
கும்புடுறேன் சாமி அர்ணாப் விஷயத்தில் வாட்சப் மும்பை போலீசுக்கு போட்டு கொடுத்துருச்சு அதனால் பிஜேபி வாட்ஸாப்ப்பை பழிவாங்குது
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X