Dinamalar

சுதந்திர இந்தியாவிற்கு புது பாதை கொடுத்தவர் நேதாஜி: பிரதமர் மோடி

Updated : ஜன 23, 2021 17:48 | Added : ஜன 23, 2021 17:47 | கருத்துகள் (38)
Share
Advertisement
கோல்கட்டா: இந்தியாவின் தைரியத்திற்கு அடையாள சின்னமாக நேதாஜி திகழ்கிறார் என கூறியுள்ள பிரதமர் மோடி,சுதந்திர இந்தியாவிற்கு புது பாதை கொடுத்தவர் நேதாஜி என தெரிவித்துள்ளார்.நேதாஜி சுபாஷ் சந்திரபோசின் 125வது பிறந்த நாள் விழா கோல்கட்டாவில் நடந்தது. இந்த விழாவில் பிரதமர் மோடி, கவர்னர் ஜக்தீப் தங்கார், முதல்வர் மம்தா பானர்ஜி கலந்து கொண்டனர். இந்த விழாவில் நேதாஜி நினைவு
india, Pmmodi, netaji, subash chandrabose, mamata, mamata banarjee,

கோல்கட்டா: இந்தியாவின் தைரியத்திற்கு அடையாள சின்னமாக நேதாஜி திகழ்கிறார் என கூறியுள்ள பிரதமர் மோடி,சுதந்திர இந்தியாவிற்கு புது பாதை கொடுத்தவர் நேதாஜி என தெரிவித்துள்ளார்.

நேதாஜி சுபாஷ் சந்திரபோசின் 125வது பிறந்த நாள் விழா கோல்கட்டாவில் நடந்தது. இந்த விழாவில் பிரதமர் மோடி, கவர்னர் ஜக்தீப் தங்கார், முதல்வர் மம்தா பானர்ஜி கலந்து கொண்டனர். இந்த விழாவில் நேதாஜி நினைவு தபால் தலையை பிரதமர் வெளியிட்டார்.


latest tamil news




பின்னர் மோடி பேசியதாவது: நேதாஜி எப்போதும் என்னை கவர்ந்தவர். நமக்கு முன்மாதிரியாக உள்ளார். அவரது வாழ்க்கை நமக்கு பாடம். இந்தியர்களின் சுதந்திரம் குறித்து நேதாஜி கனவு கண்டார். நாட்டின் தைரியத்திற்கு அடையாள சின்னமாக நேதாஜி உள்ளார். சுதந்திரத்தை திருடுவேன் என தைரியமாக கூறியவர்.சுதந்திர போராட்டத்திற்கு வலிமை சேர்த்தவர் நேதாஜி. அவர் நாட்டிற்கு அளித்த வாக்குறுதியை நிறைவேற்றினார்.சுதந்திர இந்தியாவிற்கு புது பாதை கொடுத்தவர் நேதாஜி

மே.வங்கத்தில் இருந்து தான் சமூக சீர்திருத்தங்கள் துவங்கின. மே.வங்கத்தின் கவுரவமாக விஞ்ஞானிகள் திகழ்கின்றனர். பாரத ரத்னா பிரணாப் முகர்ஜி மே.வங்கத்தை சேர்ந்தவர். தேசிய கீதம் மற்றும் தேசிய பாடல் மே.வங்கத்தில் இருந்துதான் இந்தியாவுக்கு கிடைத்தது. இன்றைய கோல்கட்டா பயணம் எனக்கு உணர்ச்சிப்பூர்வமானது. ஹவுரா- கல்கா இடையிலான ரயிலுக்கு நேதாஜி பெயர் சூட்டப்பட்டுள்ளது. நேதாஜியின் பெருமையை மறக்க விட மாட்டோம். இந்திய தேசிய ராணுவ முன்னாள் வீரர்களை கவுரவப்படுத்தியுள்ளோம். நேதாஜிக்கு இந்த நாடு கடமைப்பட்டுள்ளது. சுதந்திர இந்தியா என்ற தனது கனவை நிறைவேற்ற பல கடுமையான முயற்சிகளை நேதாஜி மேற்கொண்டார்.

நமது நாடு தன்னிறைவு பெற அனைவரும் உழைக்க வேண்டும். நாம் அனைவரும் இணைந்து பணியாற்றினால் மட்டுமே வெற்றி பெற முடியும். தன்னிறைவு பெற்ற நாடு என்ற இலக்கு நம் முன் உள்ளது. நமக்கு தேவையான பொருட்கள், உள்நாட்டிலேயே தரமான முறையில் உற்பத்தி செய்யப்பட வேண்டும். நம் மீது நாம் நம்பிக்கை வைத்தால், உலகில் எந்த சக்தியாலும் நம்மை வெல்ல முடியாது. புதிய இந்தியாவை கண்டு நேதாஜி பெருமைப்பட்டிருப்பார். நவீன தொழில்நுட்பங்களை இந்தியா ஏற்று கொண்டுள்ளது. கொரோனாவிற்கு எதிராக உலகளாவிய போராட்டத்திற்கு, இந்தியாவில் உருவாக்கப்பட்ட தடுப்பூசிகள் பயன்படுகின்றன. இந்தியாவின் சக்தியை உலக நாடுகள் உணர்ந்துள்ளன. இவ்வாறு பிரதமர் பேசினார்.


மம்தா மறுப்பு



இந்த விழாவில் கலந்து கொண்ட முதல்வர் மம்தா பானர்ஜி பேச வரும் போது ' ஜெய் ஸ்ரீராம் ' என்ற கோஷம் எழுந்தது. இதனால், கோபமடைந்த மம்தா, இது அரசியல் நிகழ்ச்சி அல்ல. அரசு நிகழ்ச்சி. அரசு நிகழ்ச்சியில் கண்ணியம் காக்கப்பட வேண்டும். நிகழ்ச்சிக்கு ஒருவரை அழைத்துவிட்டு, அவரை அவமதிப்பது சரியல்ல எனக்கூறி பேச மறுத்துவிட்டார்.

Advertisement
Related Tags india Pmmodi netaji subash chandrabose mamata mamata banarjee


இந்தியாவுக்கு 4 தலைநகரம்: மம்தா யோசனை
இந்தியாவுக்கு 4 தலைநகரம்: மம்தா யோசனை(42)
முந்தய
பிரதமர் பங்கேற்ற நிகழ்ச்சியில் பேச மம்தா மறுப்பு
பிரதமர் பங்கேற்ற நிகழ்ச்சியில் பேச மம்தா மறுப்பு(21)
அடுத்து
» அரசியல் முதல் பக்கம்
» தினமலர் முதல் பக்கம்


வாசகர் கருத்து (38)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
தமிழவேல் - முகப்பேர் மேற்கு ,இந்தியா
23-ஜன-202123:35:21 IST Report Abuse
தமிழவேல் காலையில போட்ட ட்ரஸ் மத்தியான ட்ரஸ்ஸவிட சூப்பர்.
Rate this:
Cancel
Devanand Louis - Bangalore,இந்தியா
23-ஜன-202122:29:29 IST Report Abuse
Devanand Louis மதுரை திருமங்கலம் மின்சாரவாரிய லஞ்சம் வாங்கும் கொடுமையான தொழில், நிவாக சீர்கேடு ,தமிழ் நாடு அரசின் சட்டதிட்டங்களுக்கு உட்படாமலிருத்தல்,அதிகாரத்தை துஷ்ப்ரயோகம் -மதுரை திருமங்கலம் மின்சாரவாரியத்தின் உள்ள அணைத்து ஊழியர்கள் மற்றும் அலுவலர்கள் எல்லோரும் லஞ்சம் வாங்குவதுதான் அவர்களின் தலையாய வேலை , லஞ்சம் கொடுக்காமல் எந்த ஒரு சின்ன வேலை அங்கு நடக்காது , பலவித தில்லுமுல்லு வேலைகளையும் செய்து எல்லா அலுவல் பணிகளுக்கும் லஞ்சம் கேட்கிறார்கள் மேலும் தமிழ் நாடு அரசுக்கு வரும் வருவாயை வரவிடாமல் கெடுக்கிறார்கள் .கொரோனாவால் நாடே பாதிப்படைந்துள்ளது ,மக்கள் கொரானாவால் மனநலம் மற்றும் வருவாய் இல்லாத இந்த நேரத்தில் திருமங்கலம் மின்சாரவாரியத்தின் மனித நேயமில்லாத லஞ்சம் வாங்கும் சர்வாதிகாரம் கொண்ட அதிகாரிகள், பொதுமக்கள் எல்லோரும் மின்சாரவாரியத்தின் இந்த கேடுகெட்ட வேலைகளால் மிகவும் கொதிப்படைந்துள்ளார்கள் ஆகையால் விஜிலென்ஸ் ரைடு தேவை திருமங்கலம் தமிழ் நாடு மின்சாரவாரியத்திற்கு
Rate this:
Cancel
Svs yaadum oore - chennai,இந்தியா
23-ஜன-202121:32:25 IST Report Abuse
Svs yaadum oore இந்திய விடுதலைப் போரில் இந்திய தேசிய இராணுவத்தில் , அதிகம் மலேசிய இரப்பர் தோட்ட தமிழ்த் தொழிலாளார்கள் சேர்ந்தார்கள். அதை ஏளனப்படுத்தி ஆங்கிலேயரான வின்சுடன் சர்ச்சில் பின்வருமாறு கூறினார் " மலேசிய தோட்டத்தில் இரப்பர் பால் உறிஞ்சும் தமிழர்களின் இரத்தம் நேதாஜியின் மூளையில் கட்டியாக உரைந்து உள்ளது" . அதற்கு நேதாஜி பின்வருமாறு பதிலடி கொடுத்தார். " அந்த தமிழர்கள் தான் நாளை ஆங்கில ஏகாதிபத்தியத்தின் இரத்தத்தை குடிப்பார்கள்" . அந்த அளவிற்கு மலேசிய இரப்பர் தோட்டத் தொழிலாளர்கள் இப்படையில் இருந்தனர். அதில் கோவிந்தம்மாளும் ஒருவர். கோவிந்தம்மாள் கல்வியில் எட்டாம் வகுப்பு வரை படித்தார். 1940-ல் அருணாச்சல செட்டியார் என்பவரோடு திருமணம் நடந்தது. பின் மலேசிய இரப்பர் தோட்டத்தில் சில காலம் பணி செய்தார். அப்போது நேதாஜி செய்த பிரச்சாரம் இவரது வாழ்க்கையில் திருப்புமுனையாய் அமைந்தது. கையில் அணிந் திருந்த 6 பவுன் தங்கக் காப்புகளையும் கல்யாணச் சீராக இவர் தந்தை அளித்த ஒரு ஏக்கர் ரப்பர் தோட்டத்தை நேதாஜியிடம் ஒப்படைத்தார். நேதாஜியின் ஜான்சி ராணி படையில் கோவிந்தம்மாளின் துணிச்சலான பணியை பாராட்டிய நேதாஜி அதன் காரணமாக லாண்ட்சு நாயக் விருதை வழங்கினார்.இந்திய மத்திய அரசு இவருக்கு ஓய்வு ஊதியம் தர மறுத்தது. 1970ல் இருந்து தமிழக அரசு இவருக்கு ஓய்வூதியம் அளித்தது. 14.8.1960ல் நடந்த சாலை விபத்தில் கணவரை இழந்தார். பின் தன் 4 மகள்கள் மற்றும் 2 மகன்களையும் கூலி வேலைகள் செய்து படிக்க வைத்து திருமணம் நடத்தி வைத்தார்.வறுமையில் வாடிய கோவிந்தம்மாள், முதுமை காரணமாக, 01.12.2016 அன்று இறந்தார். தனது சொத்துக்களை எல்லாம் தேச விடுதலைக்காக அளித்த இவர் கடைசி வரையில் சொந்த வீடில்லாமலே வாழ்ந்து மறைந்தார்.
Rate this:
தமிழவேல் - முகப்பேர் மேற்கு ,இந்தியா
24-ஜன-202102:04:39 IST Report Abuse
தமிழவேல் இவங்களுக்கெல்லாம் நினைவில்லம் கட்டமாட்டார்கள்...
Rate this:
vivek c mani - Mumbai,இந்தியா
24-ஜன-202109:11:59 IST Report Abuse
vivek c maniகோவிந்தம்மாள் போன்றோர் சிந்திய ரத்ததால்தான் நாம் இன்று சுதந்திரமாக வாழ்கிறோம். அவர்களுக்கு ஆதரவு கொடுக்காமல் புறக்கணிப்பது கேவலமானசெயல். மாறாக அவர்களுக்கு மரியாதை கொடுத்து இம்மாதிரியானவர்களை முன்னுதாரணமாக மக்களுக்கு எடுத்து சொல்ல வேண்டும்....
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
My Page
Login :

New to Dinamalar ?
Create an account
கருத்து விதிமுறை
சினிமா | வர்த்தகம் | விளையாட்டு | புத்தகங்கள் | உலக தமிழர் செய்திகள் | Advertisement Tariff | வாசகர் கடிதம் | International Edition | Dinamalar Publications
Copyright © 2021 Dinamalar - No.1 Tamil website in the world. Designed and Hosted by Web Division,Dinamalar.  | Contact us

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X