அரசியல் செய்தி

தமிழ்நாடு

பெண்களை தெய்வமாக மதிக்கும் கட்சி அ.தி.மு.க.,:பொள்ளாச்சியில் முதல்வர் பேச்சு

Updated : ஜன 24, 2021 | Added : ஜன 23, 2021 | கருத்துகள் (60)
Share
Advertisement
பொள்ளாச்சி:''தி.மு.க.,வினரிடம் இருந்து தான் பெண்களை பாதுகாக்க வேண்டும்; பெண்களுக்கு அரணாக இருந்து தெய்வமாக மதிக்கும் கட்சி அ.தி.மு.க., தான்,'' என, பொள்ளாச்சியில் நடந்த பிரசாரத்தில் முதல்வர் பழனிசாமி பேசினார். பொள்ளாச்சி திருவள்ளுவர் திடலில் நடந்த பிரசாரத்தில் முதல்வர் பழனிசாமி பேசியதாவது:ஒரு மாணவன் படிப்பில் சிறந்தவன் என நிருபிக்க தேர்வு எழுத வேண்டும்.

பொள்ளாச்சி:''தி.மு.க.,வினரிடம் இருந்து தான் பெண்களை பாதுகாக்க வேண்டும்; பெண்களுக்கு அரணாக இருந்து தெய்வமாக மதிக்கும் கட்சி அ.தி.மு.க., தான்,'' என, பொள்ளாச்சியில் நடந்த பிரசாரத்தில் முதல்வர் பழனிசாமி பேசினார்.



latest tamil news



பொள்ளாச்சியில், இளம்பெண்களை ஆபாச வீடியோ எடுத்து கொடுமை செய்த சம்பவத்தை எதிர்கட்சிகள் மீண்டும் கையில் எடுத்துள்ளன. தேர்தல் போர்க்களத்தில், இதனை, ஆளுங்கட்சிக்கு எதிரான ஆயுதமாக சுழற்றுகின்றன. இந்த ஆட்சியில் பெண்களுக்கு பாதுகாப்பு இல்லை என்று முழங்கும் அவர்களுக்கு, முதல்வர் பழனிசாமி பதிலடி கொடுத்தார். பொள்ளாச்சி பிரச்சாரத்தில் பேசிய அவர், பெண்கள் பாதுகாப்பாக வாழ கோவைதான் சிறந்த நகரமாக இருக்கிறது. திமுக ஆட்சியில்தான் பெண்களுக்கு பாதுகாப்பு இல்லாமல் இருந்தது என்றார்.

பொள்ளாச்சி திருவள்ளுவர் திடலில் நடந்த பிரசாரத்தில் முதல்வர் பழனிசாமி பேசியதாவது:ஒரு மாணவன் படிப்பில் சிறந்தவன் என நிருபிக்க தேர்வு எழுத வேண்டும். அதில், அதிக மதிப்பெண் எடுக்கும் போது திறமைகள் தெரிய வரும். அதுபோல அ.தி.மு.க., ஆட்சி சிறந்த ஆட்சி என நிருபிக்க வரும் சட்டசபை தேர்தலில் அதிக தொகுதிகளில் வெற்றி பெறும். ஸ்டாலின் கனவு பலிக்காது.

பொள்ளாச்சி எம்.எல்.ஏ., மீது தேவையில்லாத தவறான குற்றச்சாட்டுகளை கூறி தி.மு.க., ஆதாயம் தேட பார்க்கிறது. பொள்ளாச்சி மண், புனிதமான மண்; இந்த மண்ணுக்கு என பெருமை உள்ளது.தவறான செய்தியை பரப்பி ஆதாயம் தேடுவதை தி.மு.க., நிறுத்திக்கொள்ள வேண்டும். தி.மு.க.,விடம் இருந்துதான் பெண்களை பாதுகாக்க வேண்டும்.

பெண்களுக்கு அரணாக இருப்பதுடன், தெய்வாக மதிக்கும் கட்சி அ.தி.மு.க., தான். கோவை மாவட்டம் பெண்கள் பாதுகாப்புக்கு சிறந்த நகரம் என உள்ளது. அதில் தான் பொள்ளாச்சியும் உள்ளது.தில் இருந்தால் நேரடியாக மோத வேண்டும். கொப்பரை விலை உயர்த்த மத்திய அரசிடம் கோரிக்கை விடுத்து நிறைவேற்றினோம். மேலும், பிரதமரிடம், 150 ரூபாய் விலை உயர்த்த வேண்டும் என வலியுறுத்தி உள்ளேன்.

ஆனைமலையாறு - நல்லாறு அணைத்திட்டம் செயல்படுத்த கேரளா முதல்வரை சந்தித்து பேச்சு நடத்தினேன். தற்போது, உயர்மட்ட குழு அமைத்து, இரண்டு மாநில அதிகாரிகளும் பேச்சு நடத்தி வருகின்றனர். விரைவில் இத்திட்டம் செயல்படுத்தப்படும். தென்னை விவசாயம் நிறைந்த பொள்ளாச்சியில் விவசாயிகள் பயன்பெற நீராபானம் இறக்குமதிக்கு அனுமதி வழங்கப்பட்டுள்ளது.


latest tamil news


குடிமராமத்து திட்டத்தால் குளம், குட்டைகள் துார்வாரப்பட்டு நீர் சேமிக்க வழிவகை செய்யப்பட்டுள்ளது. பொள்ளாச்சி, உடுமலை தொகுதிகளில் மக்களின் எண்ணங்களை புரிந்து அதற்கேற்ப பல்வேறு திட்டங்களை செயல்படுத்தி உள்ளோம்.வரும் தேர்தலில் வெற்றி பெற வைத்தால் மக்களின் எண்ணங்களை புரிந்து திட்டங்களை அறிவிப்போம். இவ்வாறு, அவர் பேசினார்.

அமைச்சர்கள் வேலுமணி, ராதாகிருஷ்ணன், துணை சபாநாயகர் பொள்ளாச்சி ஜெயராமன் மற்றும் நிர்வாகிகள் பங்கேற்றனர்

Advertisement




வாசகர் கருத்து (60)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
BJRaman - Chennai,இந்தியா
24-ஜன-202117:34:28 IST Report Abuse
BJRaman எல்லாரும் சிரித்தது மாதிரி தெரிந்தது.
Rate this:
Cancel
vbs manian - hyderabad,இந்தியா
24-ஜன-202116:05:34 IST Report Abuse
vbs manian அங்கு நடந்த விவகாரம் நெருடுகிறதே.
Rate this:
Srinivas - Chennai,இந்தியா
24-ஜன-202117:12:12 IST Report Abuse
Srinivasமணியா..உள்ளது என்ன? தமிழகமே அறிந்த மிகக்கொடூரமான உண்மை. உன் கும்பலால் சீரழிக்கப்பட்ட பல நூறு பெண்கள் அந்த பகுதியில் உள்ளனர். சபை இருக்கிறான்..ஆளை வைத்து அடித்துக்கொன்றுவிடுவான் என்ற பயத்தில் பாதிக்கப்பட்ட பெண்கள் வெளியில் வந்து சொல்லவில்லை. துணிச்சலாக வந்த பெண்ணை கொடூர புத்தியுடன் அந்த பெண்ணின் பெயரை வெளியிட்டு அந்த பெண்ணின் அண்ணனை அடித்து உதைத்து கொடுமைப்படுத்தி அவனுங்க செய்த அராஜகம் நாட்டையே அதிர்ச்சியடைய செய்தது உனக்கு தெரியுமா? மக்கள் மெளனமாக இருந்து தேர்தலில் பாடம் கற்பிப்பர்....
Rate this:
Cancel
Swaminathan Chandramouli - Pondicherry,இந்தியா
24-ஜன-202113:44:50 IST Report Abuse
Swaminathan Chandramouli பொள்ளாச்சியில் பெண்களை மதித்த லட்சணம் தான் தெரியுமே , பெண்களை மாற்றி மாற்றி கற்பழித்தார்களே அரசாளும் அதிமுக வேடிக்கை பார்த்து கொண்டு தான் இருந்தார்களே
Rate this:
தல புராணம் - மதுரை,இந்தியா
25-ஜன-202106:46:25 IST Report Abuse
தல புராணம்பண்ணதே அவனுங்க அல்லக்கைகள் தானே.....
Rate this:
தல புராணம் - மதுரை,இந்தியா
25-ஜன-202106:56:12 IST Report Abuse
தல புராணம்இதான் வேலியிலே போற ஒடக்கானை வேட்டியிலே வுட்டுக்குறதுங்குறது.. ஏ-1 ஆயாம்மா லான்சி மற்றும் பிளசண்ட் ஸ்டே வழக்கில் ஜெயிலுக்கு போனபோது போது தர்மபுரியில் மூன்று கல்லூரி மாணவிகளை உயிரோடு எரித்த பாவிகளை விடுதலை செய்தது இவரோட அரசு.. பொள்ளாச்சியில் ஆயிரக்கணக்கான பெண்களின் மானத்தை சூறையாடியதோடு நிற்காமல், அவர்களை நிர்வாணமாக்கி இன்டர்நெட்டில் படங்களை விட்டு மிரட்டி கொடூரம் செய்த வக்கிரன்களை பாதுகாக்கும் அரசும் இவரோடது தான்.. பொள்ளாச்சி தாய்மார்கள் இவர் கட்சிக்கு தாக்கப்படம் கற்பிப்பார்கள்....
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X