சம்பவம் செய்தி

தமிழ்நாடு

4.7 கிலோ தங்கம் பறிமுதல்: பால் தினகரனுக்கு ‛சம்மன்'

Updated : ஜன 24, 2021 | Added : ஜன 24, 2021 | கருத்துகள் (88)
Share
Advertisement
சென்னை: 'இயேசு அழைக்கிறார்' அமைப்பின் தலைவரும், கிறிஸ்துவ மத போதகருமான பால் தினகரனுக்கு சொந்தமான, 25 இடங்களில் தொடர்ந்து, நான்காவது நாளாக, நேற்றும் சோதனை நடந்தது. இதில், 4.7 கிலோ தங்கம் பறிமுதல் செய்யப்பட்டது.மேலும், வெளிநாடுகளில், பல நுாறு கோடி ரூபாய் முதலீடு செய்தது தொடர்பான ஆவணங்கள் சிக்கியதாக, வருமான வரி அதிகாரிகள் தெரிவித்துள்ளனர்.கிறிஸ்துவ மதத்தைச்

சென்னை: 'இயேசு அழைக்கிறார்' அமைப்பின் தலைவரும், கிறிஸ்துவ மத போதகருமான பால் தினகரனுக்கு சொந்தமான, 25 இடங்களில் தொடர்ந்து, நான்காவது நாளாக, நேற்றும் சோதனை நடந்தது. இதில், 4.7 கிலோ தங்கம் பறிமுதல் செய்யப்பட்டது.



latest tamil news




மேலும், வெளிநாடுகளில், பல நுாறு கோடி ரூபாய் முதலீடு செய்தது தொடர்பான ஆவணங்கள் சிக்கியதாக, வருமான வரி அதிகாரிகள் தெரிவித்துள்ளனர்.கிறிஸ்துவ மதத்தைச் சேர்ந்த, தினகரன் என்பவர், 'இயேசு அழைக்கிறார்' என்ற பெயரில், ஒரு அமைப்பை நிறுவி, நிர்வகித்து வந்தார். மதப் பிரசாரம், ஊழியம் செய்வது ஆகியவை, இதன் முக்கிய செயல்பாடுகளாக உள்ளன. அவரது மறைவுக்குப் பின், மகன் பால் தினகரன், இந்த அமைப்பை நடத்தி வருகிறார். இந்த அமைப்புக்கு, வெளிநாடுகளிலும் கிளைகள் உள்ளன. பல்வேறு கல்வி நிறுவனங்களும் செயல்படுகின்றன.

இயேசு அழைக்கிறார் என்ற குழுமத்திற்கு வரும் நிதிக்கு, முறையான கணக்கு இல்லை என்ற தகவல், மத்தியில் தேசிய முற்போக்குக் கூட்டணி ஆட்சி நடந்தபோதே கண்டறியப்பட்டது. நடவடிக்கை எடுக்க முற்பட்டபோது, இங்கே அமைந்திருந்த தி.மு.க., அரசும், தி.மு.க., - எம்.பி., ஒருவரும், தமிழகத்தைச் சேர்ந்த, அப்போதைய மத்திய அமைச்சரும், அதற்கு முட்டுக்கட்டை போட்டனர்.எனவே, அத்திட்டம் கைவிடப்பட்டது. தே.ஜ., கூட்டணி ஆட்சி அமைந்த பின், முறைகேடான வழியில், பல அமைப்புகளுக்கு வெளிநாட்டு நிதி குவிவதை உன்னிப்பாக கவனித்து, நெறிப்படுத்த, மோடி அரசு முற்படத் துவங்கியது. அப்போது தான், இந்த அமைப்பின் நடவடிக்கைகளும் தெரிய வந்தன.கூடவே, முறையாக வரி செலுத்தவில்லை என, வருமான வரித் துறைக்கு புகார்களும் வந்தன.

மேலும், கல்வி நிறுவனங்களுக்கு கிடைக்கும் வருவாய் மற்றும் ஜெபக் கூட்டங்களுக்கு, உள்நாடு, வெளிநாடுகளில் இருந்து வரக்கூடிய நன்கொடைகளை குறைத்துக் காட்டி, வரி ஏய்ப்பு செய்ததாகவும், புகார்கள் வந்தன.இந்த புகாரில், சென்னை, கோவை உட்பட, பால் தினகரனுக்கு சொந்தமான, 25 இடங்களில், வருமான வரித் துறையினர் அதிரடி சோதனையில் ஈடுபட்டனர். நான்காவது நாளாக தொடர்ந்த சோதனை, நேற்று காலையில் முடிந்தது. அதில், வெளிநாடுகளில் பல நுாறு கோடி ரூபாய் முதலீடு செய்ததற்கான ஆவணங்கள் பறிமுதல் செய்யப்பட்டுள்ளன.


latest tamil news


இதுகுறித்து, வருமான வரி அதிகாரிகள் கூறியதாவது:இயேசு அழைக்கிறார் அமைப்பில், நான்காவது நாளாக நடந்த சோதனை, நேற்று காலை நிறைவடைந்தது. கோவையில் ஒரு வீட்டில் நடந்த சோதனையில், 4.7 கிலோ தங்கம் பறிமுதல் செய்யப்பட்டது.மேலும், பல நுாறு கோடி வரி ஏய்ப்பு செய்ததற்கான, ஏராளமான ஆவணங்கள் சிக்கின.

மேலும், கணக்கில் காட்டாமல், வெளிநாடுகளில், 120 கோடி ரூபாய்க்கும் அதிமாக, முதலீடு செய்ததற்கான ஆவணங்களும் கைப்பற்றப்பட்டுள்ளன. சோதனையில் சிக்கிய ஆவணங்கள் தொடர்பாக விசாரணை நடத்த, அடுத்த வாரம் ஆஜராக வேண்டும் என, பால் தினகரனுக்கு, 'சம்மன்' அனுப்ப திட்டமிடப்பட்டுள்ளது. இவ்வாறு, அவர்கள் கூறினர்.

Advertisement




வாசகர் கருத்து (88)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Ravi Chandran - Vienna,ஆஸ்திரியா
24-ஜன-202123:33:40 IST Report Abuse
Ravi Chandran மதத்தின் பெயரால் வசூலிப்பவன் எல்லாம் அயோக்கியர்கள் தான். நித்தியானந்த, சீறி சீறி ரவி சங்கர், டெல்லியில் ஒருவன், லாரன்ஸ், சாயிபாபா என்னும் பட்டியல் நீண்டுகொண்டே போகும். வசூலில் மக்களுக்கு நல்லதுசெய்வதற்கு பயன் படுத்தினால் நன்றாக இருக்கும். இவர்கள் எல்லாம் தங்களுக்கு சக்தி இருப்பின் ஏன் மக்களிடம் பிச்சை எடுக்கிறார்கள். இவர்களிடம் இருந்து காப்பாற்ற இன்னும் பத்து பெரியார் பிறந்து வந்தாலும், நம் மக்கள் இவர்களிடம் ஏமாந்து கொண்டு தான் இருப்பார்கள்
Rate this:
Cancel
Ramesh Rangarajan - DC,யூ.எஸ்.ஏ
24-ஜன-202122:38:47 IST Report Abuse
Ramesh Rangarajan தினமலர் தவிர எந்த ஊடகமும் இந்த செய்தியை பெரிதாக வெளியிடவில்லை. இதுவே ஒரு இந்து சாமியார் மடம் என்றால் விவாத மேடை எல்லாம் வைத்து கலக்கி இருப்போம் நாங்கள் யார் மத சார்பு அற்றவர்களாக்கும்
Rate this:
Cancel
Sowdarpatti Rayarpadi Ramaswamy - Madurai,இந்தியா
24-ஜன-202120:18:32 IST Report Abuse
Sowdarpatti Rayarpadi Ramaswamy திருப்பதி கோவிலில் பக்தர்கள் விரும்பி செலுத்துவது காணிக்கை. அரசாங்கம் பணத்தை எடுத்து செலவழிகின்றது , தனி நபர் குடும்பம் அல்ல. தசமபாகம் என்கிற பெயரில் அடாவடி வசூல் செய்வது அல்ல. இந்த பாவியை கர்த்தர் கை விட்டார் என்றால் இவன் கடவுளுக்கு விரோதமாக நடந்தமை தான்.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X