‛உங்கள் தொகுதியில் ஸ்டாலின்' துவக்குகிறார் புதிய பிரசாரம்; மனுக்களை பெற கிளம்புகிறார்

Updated : ஜன 25, 2021 | Added : ஜன 25, 2021 | கருத்துகள் (123+ 37)
Share
Advertisement
சென்னை: திமுக ஆட்சி அமைத்ததும் மக்களின் பிரச்னைகள் களைய 234 தொகுதிகளுக்கும் சென்று மனுக்களை பெற முடிவு செய்துள்ளார். பெறப்படும் மனுக்களுக்கு 100 நாட்களில் தீர்வளிக்கப்படும் எனவும், இதற்கென தனித்துறை உருவாக்கப்படும் என்றும் திமுக தலைவர் ஸ்டாலின் இன்றைய பேட்டியில் கூறியுள்ளார். தமிழகத்தில் இன்னும் சில மாதங்களில் சட்டசபை தேர்தல் நடைபெற உள்ளது. இதற்காக திமுக, அதிமுக
DMK, Stalin, TNElection2021, திமுக, ஸ்டாலின், பிரச்னைகளுக்கு தீர்வு, தனித்துறை, உறுதி

சென்னை: திமுக ஆட்சி அமைத்ததும் மக்களின் பிரச்னைகள் களைய 234 தொகுதிகளுக்கும் சென்று மனுக்களை பெற முடிவு செய்துள்ளார். பெறப்படும் மனுக்களுக்கு 100 நாட்களில் தீர்வளிக்கப்படும் எனவும், இதற்கென தனித்துறை உருவாக்கப்படும் என்றும் திமுக தலைவர் ஸ்டாலின் இன்றைய பேட்டியில் கூறியுள்ளார்.

தமிழகத்தில் இன்னும் சில மாதங்களில் சட்டசபை தேர்தல் நடைபெற உள்ளது. இதற்காக திமுக, அதிமுக உள்ளிட்ட கட்சிகள் தீவிர தேர்தல் பிரசாரத்தில் ஈடுபட்டு வருகின்றனர். திமுக தலைவர் ஸ்டாலின், மக்கள் கிராம சபைக்கூட்டம் என்ற பெயரில் பிரசாரத்தை முன்வைத்தார். இந்நிலையில் தனது அடுத்தக்கட்ட தேர்தல் திட்டம் குறித்து முக்கிய அறிவிப்பை இன்று (ஜன.,25) வெளியிட்டார். சென்னை கோபாலபுரத்தில் உள்ள கருணாநிதியின் இல்லம் எதிரே உள்ள சாலையில் மேடை அமைத்து, நாற்காலிகள் போட்டு செய்தியாளர்களிடம் ஸ்டாலின் பேசியதாவது:

கடந்த 10 ஆண்டுகளில் தமிழக மக்களுக்கு பல்வேறு துரோகங்களை செய்தது இந்த அதிமுக அரசு. தமிழகத்தின் கடன்சுமை 5 லட்சம் கோடியாக அதிகரித்தது, வேலைவாய்ப்பை உருவாக்காமல் பல லட்சம் இளைஞர்களின் வாழ்க்கையை அழித்தது,


latest tamil news




100 நாட்களில் தீர்வு:


கொரானா காலத்தில் தமிழக மக்களை அதிமுக அரசு கைவிட்டு விட்டது. ஆட்சியில் இல்லையெனினும் மக்களுக்கு 'ஒன்றிணைவோம் வா' திட்டத்தின் மூலம் உதவிகள் செய்தது திமுக. ஸ்டாலின் ஆகிய நான் தமிழக மக்களுக்கு ஊடகங்களின் மூலம் ஒரு உறுதியை தருகிறேன். "உங்கள் பிரச்னையை தீர்ப்பதே எனது முதல் பணி. எனது அரசின் முதல் 100 நாட்களில் உங்கள் பிரச்னையை தீர்ப்பதே வேலை". போர்க்கால அடிப்படையில் மக்களின் அனைத்து பிரச்னைகளையும் தீர்ப்போம் என மக்களிடம் உறுதியளிக்கிறேன்.


புதிய வியூகத்தில் பிரசாரம்:


விடியலை நோக்கி ஸ்டாலின், மக்கள் கிராம சபைக் கூட்டத்தை தொடர்ந்து வரும் 29ம் தேதி முதல் புதிய கோணத்தில் பிரசாரம் நடத்த திட்டமிட்டுள்ளோம். புதிய வியூகத்துடன் தேர்தல் பிரசாரத்தை முன்னெடுக்க உள்ளோம். கடந்த 10 ஆண்டுகளில் மக்களின் பிரச்னைகள் தீர்க்கப்படாமல் இருக்கிறது. எல்லா துறைகளும் அதல பாதாளத்தில் உள்ளன. இதனால், மக்களின் பிரச்னைகளை தீர்க்க ‛உங்கள் தொகுதியில் ஸ்டாலின்' என்ற புதிய வியூகத்துடன் பிரசாரத்தை முன்னெடுக்கவுள்ளேன். ‛உங்கள் தொகுதியில் ஸ்டாலின்' என்ற புதிய கோணத்தில் பிரசாரத்தை துவக்குகிறேன். அடுத்த 30 நாட்களில் தமிழகத்தின் 234 தொகுதி மக்களையும் சந்திக்கிறேன்.


latest tamil news



அங்குள்ள பிரச்னைகள் குறித்து மக்கள் எனக்கு கோரிக்கை மனுக்களை தரலாம். மனுக்களை பதிவு எண்ணுடன் கூடிய படிவமாக என்னிடம் வழங்கலாம். அதனை நானே சீல் வைத்து மனுக்களை பெறுகிறேன். நாங்கள் ஆட்சிக்கு வந்ததும் இந்த மனுக்களை பரிசீலித்து 100 நாட்களில் தீர்வு காண்போம். என்னிடம் நேரடியாக அளிக்க முடியாதவர்கள் www.stalinani.com என்ற இணையதளம் வாயிலாகவோ, 9171091710 என்ற தொலைபேசி எண் வாயிலாகவோ தங்களின் பிரச்னைகளை பதிவு செய்யலாம். இதை 100 நாட்களில் பரிசீலித்து தீர்வளிக்கப்படும். உங்கள் மனுக்களுக்கு நான் பொறுப்பு, நான் மட்டுமே பொறுப்பு.


latest tamil news




தனித்துறை:


மக்களின் கோரிக்கைகளை தீர்க்க எனது நேரடிக் கட்டுப்பாட்டில் தனித்துறை உருவாக்கப்படும். புதிதாக உருவாக்கப்படும் துறை, மாவட்ட வாரியாக, கிராம வாரியாக முகாம்களை அமைத்து மக்களின் பிரச்னைகளுக்கு தீர்வு காணும். தமிழகத்தின் 1 கோடி குடும்பங்களின் பிரச்னைகளுக்கு தீர்வு காண இலக்கு நிர்ணயிக்கப்பட்டுள்ளது. மக்கள் அளிக்கும் மனுக்களுக்கு ஸ்டாலின் ஆகிய நான் பொறுப்பு. முறையாக திட்டமிட்டே புதிய வியூகம் குறித்த அறிவிப்பை வெளியிட்டுள்ளோம். கடந்த 10 ஆண்டுகளில் அதிமுக அரசு செய்ய தவறியதை திமுக செய்யும். திமுக.,வின் தேர்தல் அறிக்கை தனியே வெளியிடப்படும். இவ்வாறு அவர் பேசினார்.

Advertisement




வாசகர் கருத்து (123+ 37)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
25-ஜன-202122:27:14 IST Report Abuse
theruvasagan தலைவா.எங்களோட மனுவை வாங்க பொட்டிய நீங்க கொண்டு வரது. அதுக்கப்புறமா அதுல நாங்க போடறது. அந்தளவுக்கு எங்களுக்கு பொறுமையில்லை. அதானால இங்கேயே சொல்லிடறோம். இப்பல்லாம் பேங்குக்கு போனா அதுவும் எங்கள மாதிரி கடன் வாங்கினவங்க போனா நீங்க சொன்ன மாதிரி உங்க ஆட்சி இருந்தப்ப கொடுத்த வரவேற்பு கவனிப்பு இப்ப இல்ல. பச்சை தண்ணி கூட குடுக்க மாட்டேங்குறாங்க. நீங்க ஆட்சிக்கு வந்ததும் யார் பேங்குக்கு போனாலும் உள்ள வந்த உடனே ஒரு வெல்கம் டிரிங்க். அதுக்கப்புறம் ஸ்டார்டர் ஐட்டமா ஆனியன் பகோடா சமோசா சிப்ஸ் இதுமாதிரி ஏதோ லைட் ஸ்நாக்ஸ். அதுக்கப்புறமா மசால் தோசை பொங்கல் வடை வெஜ் நூடுல்ஸ் பிரியாணி (ஒங்காளுங்க ஃபேவரிட்) இதுல ஏதாவது ஒண்ணு. அதுக்கப்பறம் டிகிரி காபியோ மசாலா டீயோ பாலோ. கடைசியா வேலை முடிஞ்சு வெளியே வரும்போது அல்வா ரவாகேசரி பாஸுந்தி இந்த மாதிரி ஏதாவது ஒரு ஸ்வீட் ஐட்டம் பார்சல் கட்டி குடுத்தாப் போதும். இதுதான் எங்களோட சின்னஞ்சிறு கோரிக்கை. லேண்டிய உத்தரவு போட்டு நிறைவேத்தி வைக்க வேண்டியது உங்க பொறுப்பு. உங்க உத்தரவு மேல ஆயிரம் கோடிகள் கடனை தள்ளுபடிப் பண்ண போற அவுங்களுக்கு இதுக்கு ஆகிற செலவெல்லாம் ஒரு விஷயமேயில்லை. இல்லாட்டா வாங்கின கடனை கட்டாத யோக்கியனுகளுக்கு என்ன மரியாதை.
Rate this:
Cancel
kumzi ( இந்துமத விரோதி சுடலை கான் வேணாம் போடா ) ஓசிக்கோட்டரையும் பிரயாணியையும் மடக்கிட்டு மயக்கத்தில் இருக்கும் நம்ம டுமிலனுங்க மண்டையில் இந்துமத விரோதி சுடலை கான் சொல்லும் பொய்கள் உறைக்குமா
Rate this:
Cancel
வக்கீல் வண்டுமுருகன் - Phoenix, Arizona,யூ.எஸ்.ஏ
25-ஜன-202122:16:36 IST Report Abuse
வக்கீல் வண்டுமுருகன் யோவ் ஐ-பேக், நீ திமுகாகிட்ட பணம் வாங்கினயா இல்ல மீம்ஸ் கிரியேட்டர்ககிட்ட வாங்கினாயா? இந்த மாதிரியே ஐடியா குடுத்து, ஸ்டாலின் உடம்ப ரணகளமாக்கிறாயே.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X