மூன்று உறுதிமொழி எடுங்கள்: குழந்தைகளுக்கு மோடி அறிவுரை

Updated : ஜன 25, 2021 | Added : ஜன 25, 2021 | கருத்துகள் (16)
Share
Advertisement
புதுடில்லி :மத்திய அரசின், பால சக்தி புரஸ்கார் விருதுக்கு தேர்வாகியுள்ள குழந்தைகளுடன், பிரதமர் நரேந்திர மோடி, 'வீடியோ கான்பரன்ஸ்' வாயிலாக நேற்று உரையாடினார்.அப்போது, கொரோனா தொற்று பரவல் தீவிரமாக இருந்த காலகட்டத்தில், அனைவரும் கை கழுவுவதன் அவசியம் குறித்து விழிப்புணர்வு பிரசாரத்தில் ஈடுபட்ட குழந்தைகளை, அவர் வெகுவாக பாராட்டினார்.புதிய கண்டுபிடிப்புகள், சமூக சேவை,
மூன்று உறுதிமொழி ,குழந்தைகள், பிரதமர் அறிவுரை

புதுடில்லி :மத்திய அரசின், பால சக்தி புரஸ்கார் விருதுக்கு தேர்வாகியுள்ள குழந்தைகளுடன், பிரதமர் நரேந்திர மோடி, 'வீடியோ கான்பரன்ஸ்' வாயிலாக நேற்று உரையாடினார்.

அப்போது, கொரோனா தொற்று பரவல் தீவிரமாக இருந்த காலகட்டத்தில், அனைவரும் கை கழுவுவதன் அவசியம் குறித்து விழிப்புணர்வு பிரசாரத்தில் ஈடுபட்ட குழந்தைகளை, அவர் வெகுவாக பாராட்டினார்.புதிய கண்டுபிடிப்புகள், சமூக சேவை, வீரதீர செயல்கள், கல்வி, விளையாட்டு, கலை, கலாசார துறைகளில் சாதனை புரிந்த குழந்தைகளுக்கு, பிரதமர் ராஷ்ட்ரிய பால புரஸ்கார் அமைப்பின் சார்பில், பால சக்தி புரஸ்கார் விருதுகளை, மத்திய அரசு ஆண்டுதோறும் வழங்கி வருகிறது.

கடந்த ஆண்டுக்கான பால சக்தி புரஸ்கார் விருதுக்கு, நாடு முழுவதிலும் இருந்து, 32 குழந்தைகள் தேர்ந்தெடுக்கப்பட்டுள்ளனர். இவர்களுடன், பிரதமர் மோடி, 'வீடியோ கான்பரன்ஸ்' வாயிலாக, நேற்று உரையாடினார்.

அப்போது அவர் கூறியதாவது:

நாட்டின், 75வது சுதந்திர தினத்தை, நாம் விரைவில் கொண்டாட உள்ளோம். இந்த நேரத்தில், இந்த நாட்டுக்காக என்ன செய்ய முடியும் என்பதை, இளைய தலைமுறையினர் சிந்திக்க வேண்டும்.கொரோனா நெருக்கடி காலகட்டத்தில், இந்த விருதுகளை வென்றிருக்கும் நீங்கள், தனிச்சிறப்பு வாய்ந்தவர்களாக கருதப்படுகிறீர்கள்.துாய்மை இந்தியா திட்டம் மற்றும் கொரோனா பரவல் காலகட்டத்தில், கை கழுவுவதன் அவசியம் குறித்த உங்கள் விழிப்புணர்வு பிரசாரங்கள், மக்கள் மத்தியில் மிகப் பெரிய மாற்றத்தை உண்டாக்கியது.

நீங்கள் அனைவரும் மூன்று உறுதி மொழியினை ஏற்க வேண்டும். முதலாவது, உங்கள் செயல்களில் வேகம் குறையாமல், எப்போதும் நிலையான தன்மையை பின்பற்ற வேண்டும்.இரண்டாவது, இந்த நாட்டுக்காக நாம் உழைக்க வேண்டும். நம் அனைத்து பணிகளிலும், நாட்டின் நன்மை குறித்த அக்கறை இருக்க வேண்டும். அப்படியிருந்தால், நாம் செய்யும் பணிகள், பெரிய உயரத்தை தொடும்.

மூன்றாவது, எவ்வளவு பெரிய வெற்றியை பெற்றாலும், பணிவாக இருக்க பழக வேண்டும். இந்த குணம் இருந்தால், மற்றவர்களும் நம்முடன் சேர்ந்து, நம் வெற்றியை கொண்டாடுவர்.
இவ்வாறு, பிரதமர் கூறினார்.

தமிழகத்தின் செங்கல்பட்டு மாவட்டத்தைச் சேர்ந்த, பிரசித்தி சிங், 7, என்ற சிறுமி, எட்டு அரசு பள்ளிகள் மற்றும் பல்வேறு பொது இடங்களில், 9,000க்கும் மேற்பட்ட, பழ மரங்களை நட்டுள்ளார். இதன் வாயிலாக, ஆயிரக்கணக்கான பறவைகள் மற்றும் உயிரினங்களுக்கு உணவு ஆதாரத்தை ஏற்படுத்தியுள்ளார். பிரசித்தி சிங்கின் இந்த மகத்தான பணியை அனைவரும் பின்பற்ற வேண்டும்.பிரதமர் நரேந்திர மோடி

Advertisement




வாசகர் கருத்து (16)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Arasu - OOty,இந்தியா
26-ஜன-202121:08:18 IST Report Abuse
Arasu நீங்க என்ன உறுதி மொழி எடுத்தீங்க ... சொன்னா நல்லா இருக்கும்
Rate this:
Cancel
KNR - Chennai,இந்தியா
26-ஜன-202116:40:57 IST Report Abuse
KNR தினேஷ் - தினேஷ் எல்லா அல்லக்கைகளும் இங்கே வந்து சம்மந்தமே இல்லாம ஒளருவாய்ங்கெ. >>> ரிப்ளை : ஏதோ ஒரு வகையிலே நீங்களும் ஒருத்தனுக்கு அல்லக்கையாத்தானே கருத்து பதிவிட்டிருக்கீங்க ... நம் முதுகையும் நாம் நினைத்து பார்க்கவேண்டும்
Rate this:
Cancel
KNR - Chennai,இந்தியா
26-ஜன-202116:16:32 IST Report Abuse
KNR முதலில் இவர் பொய் சொல்லாமல் இருக்க உறுதிமொழி எடுக்கவேண்டும் இவரது கட்சியினரும் ஆதரவாளர்களும் நுண்ணறிவுத்திறன் குழுவும் பொய் சொல்லாமல் இருக்க உறுதிமொழி எடுக்கவேண்டும் இவர் தலைமையின் கீழ் உள்ள அரசு அதிகாரிகளும் அவர்கள் வழிநடத்துகின்ற ஊடகங்களும் பொய் சொல்லாமல் இருக்க உறுதிமொழி எடுக்கவேண்டும் பின்னர் அனைத்துமே உண்மையாக மாறிவிடும் ... ஹா ஹா ஹா
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X