நீங்கள் சொல்வதை பார்த்தால் எம்ஜிஆர் பாடும் எத்தனை காலம்தான் ஏமாற்றுவார்... பாடல் தான் ஞாபகம் வருகிறது...

Updated : ஜன 27, 2021 | Added : ஜன 27, 2021 | கருத்துகள் (11)
Share
Advertisement
தி.மு.க., ஆட்சிக்கு வந்த, 100 நாட்களில் பிரச்னைகளுக்கு தீர்வு காணப்படும் என, அதன் தலைவர் ஸ்டாலின் பேசியுள்ளார். ஆளுக்கு, 2 ஏக்கர் நிலம் என கருணாநிதி அறிவித்தார். கூட்டுறவு வங்கி நகைக்கடனை தள்ளுபடி செய்வோம் என்றனர். செய்யவில்லை. இப்போது, மீண்டும் மக்களை ஏமாற்ற தயாராகி விட்டனர்.- அ.தி.மு.க., செய்தி தொடர்பாளர் வைகை செல்வன்'நீங்கள் சொல்வதைப் பார்த்தால் மலைக்கள்ளன் என்ற
வைகை செல்வன்,அ.தி.மு.க., புகழேந்தி, சசிகலா,  சீனிவாசன் ராஜாஜி, தமிழக காங்., அழகிரி, இந்திய கம்யூ., மாநிலச் செயலர், முத்தரசன்,அமைச்சர் வீரமணி

தி.மு.க., ஆட்சிக்கு வந்த, 100 நாட்களில் பிரச்னைகளுக்கு தீர்வு காணப்படும் என, அதன் தலைவர் ஸ்டாலின் பேசியுள்ளார். ஆளுக்கு, 2 ஏக்கர் நிலம் என கருணாநிதி அறிவித்தார். கூட்டுறவு வங்கி நகைக்கடனை தள்ளுபடி செய்வோம் என்றனர். செய்யவில்லை. இப்போது, மீண்டும் மக்களை ஏமாற்ற தயாராகி விட்டனர்.
- அ.தி.மு.க., செய்தி தொடர்பாளர் வைகை செல்வன்


'நீங்கள் சொல்வதைப் பார்த்தால் மலைக்கள்ளன் என்ற படத்தில், எம்.ஜி.ஆர்., பாடும், 'எத்தனை காலம் தான் ஏமாற்றுவார் இந்த நாட்டிலே...' என்ற, பாடல் தான் நினைவுக்கு வருகிறது...' என, சொல்லத் தோன்றும் வகையில், அ.தி.மு.க., செய்தி தொடர்பாளர் வைகை செல்வன் பேட்டி.



சிறையில் சசிகலா சாதாரண வகுப்பில் தான் இருந்தார். அவருக்கு முதல் வகுப்பு பெற, சில ஆவணங்கள் தேவை. ஆனால், அவற்றைக் கொடுக்க, அவரின் சொந்தங்கள் முன்வரவில்லை. பலர், தெரியாமல் பேசுகின்றனர். சசிகலாவின் சொந்தங்கள், சொத்துக்களுக்காக அலைகின்றனரே தவிர, அவருக்கு நல்லது செய்ய வரவே இல்லை.
- அ.தி.மு.க., செய்தி தொடர்பாளர் புகழேந்தி


'அடப்பாவமே... அப்படியா நிலைமை போயிட்டுக்கு இருக்கு; அப்போ, பணத்துக்கும், அதிகாரத்திற்கும் தான், அந்த அம்மாவை சுற்றி இருந்தனரா...' என, கவலை தெரிவிக்கத் தோன்றும் வகையில், அ.தி.மு.க., செய்தி தொடர்பாளர் புகழேந்தி பேட்டி.



எங்கள் கட்சி, நம் இந்தியர்களுக்கானது. நாட்டை வளமாக, செழிப்பாக, தொழில் வளமிக்கதாக, அறிவு சார்ந்த சமூகமாக உருவாக்குவதே இக்கட்சியின் நோக்கம்.
- ஹிந்துஸ்தான் தேசிய கட்சி செயல் தலைவர் சீனிவாசன் ராஜாஜி


'கண்டிப்பாக நிறைவேறாது. எல்லா கட்சியும், காலம் காலமாக இப்படித் தான் சொல்லி, ஆட்சியைப் பிடித்து, தங்கள் வளங்களை பெருக்கிக் கொண்டன. இன்னும், நுாறு பேர் கட்சி துவக்கினாலும், உங்கள் கொள்கை நிறைவேறாது...' என, கூறத் தோன்றும் வகையில், ஹிந்துஸ்தான் தேசிய கட்சி செயல் தலைவர் சீனிவாசன் ராஜாஜி பேட்டி.



சிதம்பரம் மருத்துவக் கல்லுாரியில், அரசு நிர்ணயித்துள்ள கட்டணத்தையே வசூலிக்கக் கோரி, ௪௬ நாட்களாக பெற்றோர், மாணவர்கள் போராடி வருகின்றனர். இந்தக் கோரிக்கையை, அரசு அலட்சியப்படுத்தினால், தமிழக காங்கிரசும் போராட்டக் களத்தில் குதிக்கும்.
- தமிழக காங்., தலைவர் அழகிரி


latest tamil news




'வேற வேலையே உங்களுக்கு இல்லையா; போராடும் மாணவர்களுக்கு, கோரிக்கைகளை வேறு விதங்களில் நிறைவேற்ற, புத்திமதி சொல்லுங்கள்...' என, காட்டமாக கூறத் தோன்றும் வகையில், தமிழக காங்., தலைவர் அழகிரி அறிக்கை.



தமிழகத்தில், மூன்றாவது அணி அமைய வாய்ப்பில்லை. தி.மு.க., தலைமையில் அமைந்துள்ள மதசார்பற்ற முற்போக்கு கூட்டணியில், எங்கள் கட்சி உள்ளது. எங்கள் கூட்டணி, 234 தொகுதிகளில் வெற்றி பெறும்.
- இந்திய கம்யூ., மாநிலச் செயலர் முத்தரசன்


'தி.மு.க.,வின் புதிய நிலைப்பாட்டை பார்க்கும் போது, அல்லறை, சில்லறை கட்சிகளை கழற்றி விட்டு, தனித்து போட்டியிட்டு விடும் போலிருக்கிறதே...' என, சொல்லத் தோன்றும் வகையில், இந்திய கம்யூ., மாநிலச் செயலர் முத்தரசன் பேட்டி.



எதிர்க்கட்சிகள் மக்களை திசை திருப்பி வருகின்றனர். இந்தியாவில் எந்த மாநிலத்திலும் இல்லாத அளவுக்கு, தமிழக மக்களுக்கு தேவையான அடிப்படை தேவைகளை, முன்கூட்டியே அறிந்து, அதை அரசு நிறைவேற்றி வருகிறது.
- அமைச்சர் வீரமணி


'பிற மாநிலங்களில், 'அம்மா'வின் ஆட்சி இல்லாததால் தான் இந்த பரிதாப நிலையா...' என, கிண்டலாக கேட்கத் தோன்றும் வகையில், தமிழக பத்திரப்பதிவுத் துறை அமைச்சர் வீரமணி பேச்சு.


Advertisement




வாசகர் கருத்து (11)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Rajagopal - Los Angeles,யூ.எஸ்.ஏ
27-ஜன-202120:46:35 IST Report Abuse
Rajagopal திமுக ஒரு இந்து மத சார்பற்றக் கூட்டணியைத்தான் வைத்திருக்கிறது. அதில் இஸ்லாமியர்களும், கிருத்துவர்களும் இணைபிரியாத அங்கங்கள். இந்துக்கள் வெறும் ஓட்டுப் போட்டால் மட்டும் போதும்.
Rate this:
Cancel
M.COM.N.K.K. - Vedaranyam ,இந்தியா
27-ஜன-202120:20:12 IST Report Abuse
M.COM.N.K.K. ஒன்றை நாம் புரிந்துகொள்ளவேண்டும் பாடல்களை ஒரு கவிஞரிடமிருந்து அவர் நினைத்த வார்த்தை வரும்வரை விடமாட்டார் இதை புரிந்துகொள்ளாதவர்கள் நிறையபேர் இருக்கத்தான் செய்கிறார்கள். அவருக்கு எதிராக பேசுபவர்கள் அனைவரும் நியாயமானவர்கள் கிடையவே கிடையாது அவரால் ஆட்சிக்கு வந்தவர்கள்தான் அவரை ஏமாற்றினார்கள் அவர்களே நயவஞ்சகர்கள் மக்கள் திலகத்தை ஒருபோதும் அந்த நயவஞ்சகர்களால் வெற்றிபெற முடியவே இல்லை அப்படி இருந்தும் அந்த கூட்டம் இன்னும் திருந்தவே இல்லை திராவிடம் என்ற சொல்லை பாமரமக்களுக்கு கொண்டுசேர்த்து அதை தமிழக மக்களுக்கும் உலகத்தில் உள்ள அனைத்து தமிழ் மக்களின் மனதிலும் பதியவைத்தவர் அவர் ஒருவரே ஆயிரும் கைகள் கூடி ஆதவனை மறைத்தாலும் அந்த ஆதவனின் ஒளியை ஒருபோதும் தடுக்கவே இயலாது.மக்கள் திலகத்தின் புகழை எந்த கொம்பனாலும் மறைக்க முடியாது அப்படி நினைத்தால் அவர்கள் தோல்வி உறுதி
Rate this:
Cancel
Endrum Indian - Kolkata,இந்தியா
27-ஜன-202116:08:46 IST Report Abuse
Endrum Indian எம்.ஜி.ஆர்., பாடும்? எம்ஜி ஆர் பாடவில்லை, இசை அமைக்கவில்லை , பாட்டு எழுதவில்லை??கையை மேலே தூக்குதல் தான் செய்த ஒரே செயல்????
Rate this:
S.Hariharan - Bangalore,இந்தியா
27-ஜன-202116:36:38 IST Report Abuse
S.HariharanMGR அந்த பாட்டில் நடித்து அதற்கு உயிர் கொடுத்துள்ளர்....
Rate this:
தல புராணம் - மதுரை,இந்தியா
28-ஜன-202100:16:21 IST Report Abuse
தல புராணம்"இடை தாங்காத பாரம் தான் கொஞ்சம் தாங்கி முன்னாடி வந்தால் என்ன" என்ற பாடலுக்கும் மஞ்சுளாவுடன் எம்ஜியார் உயிர் கொடுத்தார்.....
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X