அரசியல் செய்தி

தமிழ்நாடு

அரசியல் ஆர்வத்தில் நடிகர் விஜய்

Updated : பிப் 11, 2021 | Added : பிப் 09, 2021 | கருத்துகள் (18)
Share
Advertisement
தந்தை துவக்கிய கட்சிக்கு முற்றுப்புள்ளி வைத்த நடிகர் விஜய், தன் ரசிகர் மன்றத்தில் நிர்வாகிகள் நியமனம், சந்திப்பு, ஆலோசனை என, பரபரப்பாக இயங்குவதால், அவர் கட்சி துவக்கப் போவதாக தகவல் வெளியாகியுள்ளது.ரஜினிக்கு அடுத்து தமிழ் திரையுலகில் முன்னணியில் இருப்பவர் விஜய். தமிழகம் மட்டுமின்றி, கேரளா உள்ளிட்ட அண்டை மாநிலங்களிலும், பல லட்சம் ரசிகர்களை வைத்துள்ளார். சமீபத்தில்
அரசியல் ஆர்வம், நடிகர் விஜய், எஸ்.ஏ.சந்திரசேகர், விஜய்

தந்தை துவக்கிய கட்சிக்கு முற்றுப்புள்ளி வைத்த நடிகர் விஜய், தன் ரசிகர் மன்றத்தில் நிர்வாகிகள் நியமனம், சந்திப்பு, ஆலோசனை என, பரபரப்பாக இயங்குவதால், அவர் கட்சி துவக்கப் போவதாக தகவல் வெளியாகியுள்ளது.

ரஜினிக்கு அடுத்து தமிழ் திரையுலகில் முன்னணியில் இருப்பவர் விஜய். தமிழகம் மட்டுமின்றி, கேரளா உள்ளிட்ட அண்டை மாநிலங்களிலும், பல லட்சம் ரசிகர்களை வைத்துள்ளார். சமீபத்தில் இவரது தந்தை எஸ்.ஏ.சந்திரசேகர், விஜய் பெயரில் கட்சி துவக்க திட்டமிட்டார். இதற்கு, விஜய் கடும் எதிர்ப்பு தெரிவித்ததால், அக்கட்சியை துவக்கும் முன்பாகவே கிடப்பில் போட்டார். அதேவேளையில், தன் பெயரில் கட்சியை துவக்க திட்டமிட்டு வருகிறார்.

இந்நிலையில், விஜய் ரசிகர் மன்றம், மக்கள் இயக்கமாக மாற்றப்பட்டது. அதில், எஸ்.ஏ.சந்திரசேகர் ஆதரவாளர்கள் அதிரடியாக நீக்கப்பட்டு, புதிய நிர்வாகிகள் நியமிக்கப் பட்டனர். சமீபத்தில், தன் பனையூர் அலுவலகத்தில், தினமும் ரசிகர்களை சந்திக்கும் விஜய், அவர்களுடன் ஆலோசனையும் நடத்தி வருகிறார். இரண்டு முறை நிர்வாகிகளை நியமித்த விஜய், அதில் பொறுப்பாளர், மாவட்ட தலைவர், இளைஞரணி, மாணவரணி, விவசாய அணி மகளிர் மற்றும் தொண்டரணி என, அரசியல் கட்சி போலவே நிர்வாகிகளை நியமித்து வருகிறார்.

கடந்த ஞாயிறன்று பனையூருக்கு வந்த விஜயை, ரசிகர்கள் சூழ்ந்து கொண்டனர். இதனால், அவர் காரில் இருந்து இறங்க முடியாத நிலை ஏற்பட்டது. தேர்தல் அறிவிப்பு நெருங்கும் சூழலில், விஜய் கட்சி பற்றிய அறிவிப்பை வெளியிட்டாலும் ஆச்சர்யப்படுவதற்கில்லை என, அவரது ரசிகர்கள் கூறுகின்றனர்.

-- நமது நிருபர் -

Advertisement




வாசகர் கருத்து (18)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Nachiar - toronto,கனடா
10-பிப்-202123:18:24 IST Report Abuse
Nachiar மதம் மாற்று பேர்வழிகள் மற்றும் இலங்கையையும் இலங்கை தமிழர்களை சூறையாடிய பயங்கர வாதிகளின் ஆதரவு யாருக்கு இருக்கும் என்பது வெளிச்சமே.
Rate this:
Cancel
ppmkoilraj - erode.10,இந்தியா
10-பிப்-202115:50:30 IST Report Abuse
ppmkoilraj எம்ஜிஆர் கட்சி ஆரம்பித்த தற்கும் ,மற்ற நடிகர்கள் கட்சி ஆரம்பித்ததுக்கும், ஏராள வித்தியாசம் உள்ளது .எம்ஜிஆர் வெற்றி பெற்றதற்கு காரணம் படத்தின் ஒவ்வொரு காட்சியிலும் மக்களுடைய ஆதரவான கருத்துக்களை, ஏழை எளிய மக்களுக்கு உதவுவது போல படங்களை அமைத்திருப்பார். புத்தன் ஏசு காந்தி பிறந்தது பூமியில் எதற்காக தோழா ஏழை நமக்காக என்று பாடி மக்களின் உள்ளத்தை கொள்ளை கொண்டவர் எம்ஜிஆர். அதுபோலவே வாழ்ந்து மறைந்து விட்டார். மக்களின் மனதில் நிறைந்து விட்டார் .ஆனால் விஜய் போன்றவர்கள் அரசியல் கட்சியை துவக்கினா ஸ்டாண்ட் பண்ண முடியாது .காரணம் அரசியல் என்றால் மக்களுக்கு பணி செய்வது என்று அவர் நினைக்கலாம் .ஒரு சேவகனாக பணியாற்றலாம் என்று அவர் முயற்சி செய்யலாம். ஆனால் அரசியல் என்பது பணம் பணம் இல்லை என்றால் அரசியல் இல்லை. தான் சம்பாதித்த கோடிக்கணக்கான பணம் நம்மிடம் இருக்கிறது அவற்றில் சில கோடிகளை இறக்கி விடலாம் என்று அவர் முன்வந்து இருக்கக்கூடும். அவருக்கு அரசியல் ஆசை வருவதற்கு ஒரு மிகப்பெரிய காரணம். அரசியல் ரீதியாக ரைடுகள் போன்றவற்றாலும், டொனேஷன் என்றுகட்சிகளுக்குகொடுக்கல் போன்றவற்றாலும் தொல்லை கொடுப்பது தான் அவர் அரசியலுக்கு வரவேண்டும் என்ற ஒரு ஆசையை உருவாக்குகிறது. நம் படத்தை பணம் கொடுத்து மக்கள் ஓடவிட்டு நம்மை வளர்த்து விட்டார்கள். அவர்களுக்கு ஏதாவது செய்ய வேண்டும் என்று நடிகர்களுக்கு ஆசை ஏற்படுவது இயல்பு. ஆனால் எல்லோரும் எம்ஜிஆர் ஆக முடியாது .அங்க தானே பிரச்சனை வருகிறது .
Rate this:
Cancel
Yezdi K Damo - Chennai,சிங்கப்பூர்
10-பிப்-202112:59:50 IST Report Abuse
Yezdi K Damo முதல்ல ஒழுங்கா நடிக்க கத்துக்க .அப்புறமா அரசியலை பத்தி யோசிக்கலாம் .
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X