பொது செய்தி

இந்தியா

விளையாட்டிலும் வாரிசு அரசியலா? - டிரெண்டிங்கில் விவாதம்

Updated : பிப் 19, 2021 | Added : பிப் 19, 2021 | கருத்துகள் (42)
Share
Advertisement
மும்பை : ஐபிஎல்., ஏலத்தில் இந்திய கிரிக்கெட் ஜாம்பவான் சச்சின் டெண்டுல்கரின் மகன் அர்ஜுன், மும்பை அணிக்காக ஒப்பந்தமாகி உள்ளார். இவர் தேர்வானதை வைத்து விளையாட்டிலும் வாரிசு அரசியல் விளையாடுகிறது என்ற வாதம் டுவிட்டரில் ஒலிக்க தொடங்கி உள்ளது. 14வது ஐபிஎல்., தொடருக்கான வீரர்கள் ஏலம் சென்னையில் நேற்று நடந்தது. இதில் கடைசி நபராக இந்திய கிரிக்கெட் அணிக்காக சர்வதேச அளவில்
Nepotism, Arjun, Arjuntendulkar, Sachintendulkar, IPL,

மும்பை : ஐபிஎல்., ஏலத்தில் இந்திய கிரிக்கெட் ஜாம்பவான் சச்சின் டெண்டுல்கரின் மகன் அர்ஜுன், மும்பை அணிக்காக ஒப்பந்தமாகி உள்ளார். இவர் தேர்வானதை வைத்து விளையாட்டிலும் வாரிசு அரசியல் விளையாடுகிறது என்ற வாதம் டுவிட்டரில் ஒலிக்க தொடங்கி உள்ளது.

14வது ஐபிஎல்., தொடருக்கான வீரர்கள் ஏலம் சென்னையில் நேற்று நடந்தது. இதில் கடைசி நபராக இந்திய கிரிக்கெட் அணிக்காக சர்வதேச அளவில் பல சாதனைகளை நிகழ்த்திய சச்சின் டெண்டுல்கரின் மகன் அர்ஜுனும் வந்தார். ஏலத்தொகையாக ரூ.20 லட்சம் நிர்ணயிக்கப்பட்டது. அவரை வேறு எந்த அணியும் வாங்க முன்வராத நிலையில் ரூ.20 லட்சத்திற்கு மும்பை அணியே ஏலத்தில் எடுத்தது.

அர்ஜுன் தேர்வானது சமூகவலைதளங்களில் விமர்சனத்திற்கு உள்ளாகி உள்ளது. காரணம் முதல்தர போட்டிகளில் இவர் பெரிய அளவில் சாதிக்கவில்லை. இடது கை வேகப்பந்து வீச்சாளரான இவர், சமீபத்தில் நடந்த சையது முஷ்டாக் அலி டிராபியில் கூட ஒரு விக்கெட் மட்டுமே எடுத்தார். மேலும் டுவென்டி-20 போட்டிகளிலும் 2 விக்கெட் மட்டுமே சாய்த்துள்ளார். இதனால் அவர் தேர்வாகி இருப்பது விமர்சிக்கப்பட்டு வருகிறது.


latest tamil news




இதன்மூலம் விளையாட்டிலும் வாரிசு அரசியல் இருப்பது வெட்ட வெளிச்சமாகி உள்ளது என பலரும் கருத்து பதிவிட்டு வருகின்றனர். மேலும் அர்ஜுனை விட முதல்தர மற்றும் டுவென்டி-20 போட்டிகளில் சாதித்த பல திறமையான வீரர்கள் இருக்கும் போது அவர்களுக்கு வாய்ப்பு கொடுக்காமல் சச்சின் மகன் என்பதற்காக வாய்ப்பு தந்துள்ளது தவறு என பலரும் கருத்து பதிவிட்டு வருகின்றனர். மேலும் அர்ஜுனையும், அவரை விட திறமையான வீரர்களையும் ஒப்பிட்டு கருத்து தெரிவிக்கின்றனர்.
அதேசமயம் அர்ஜுனுக்கு ஆதராவாகவும் சிலர் குரல் கொடுத்துள்ளனர். ''இந்திய நாட்டிற்காக கிரிக்கெட் விளையாடி பல சாதனைகளை படைத்தவர் சச்சின். அவரின் வாரிசுக்கு இப்போது ஒரு வாய்ப்பு கிடைத்துள்ளது. விளையாடட்டுமே அதற்குள் ஏன் அவர் மீது இவ்வளவு விமர்சனங்கள் வைக்கிறீர்கள். கிரிக்கெட் வீரரின் மகன் அதே துறைக்கு வரக்கூடாதா...'' என கருத்து பதிவிட்டு வருகின்றனர். இதனால் டுவிட்டரில் ஐபிஎல்லில் அர்ஜுன் தேர்வை வைத்து #Nepotism, #Arjun, #Arjuntendulkar ஆகிய ஹேஷ்டாக்குகள் டிரெண்ட் ஆகின.

Advertisement




வாசகர் கருத்து (42)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Bharathi - Melbourne,ஆஸ்திரேலியா
20-பிப்-202106:39:15 IST Report Abuse
Bharathi விலை கொடுத்து வாங்குறாங்க. அதுவும் வேற யாரும் வாங்காததால, சீப் ரேட்டுக்கு வாங்கியிருக்காங்க. வேலை சரியில்லை என்றால் அடுத்த முறை யாரும் வாங்க மாட்டார்கள். அதோடு மூட்டை கட்டி விடுவார்கள்.
Rate this:
Cancel
sethusubramaniam - chennai,இந்தியா
19-பிப்-202122:46:35 IST Report Abuse
sethusubramaniam லாலா அமர்நாத் வாரிசுகள் மொஹிந்தர் ,சுரீந்தர், க்ரிபால் சிங் , மில்கா சிங், சத்வேன்தர் சிங் , குருநால் பாண்டியா, ஹர்திக் பாண்டியா , பட்டோடி குடும்பம் , கவாஸ்கர், ரோஹன் கவாஸ்கர், இர்பான் , யூசுப் பதான் , ரோஜர் பின்னி , ஸ்டுவர்ட் பின்னி என்று பட்டியல் நீளும். இது தேவையற்ற , கேவலமான உள்நோக்கம் கொண்ட விவாதம். திறமையிருந்தால் தொடர்வார், இல்லையேல் ஓரம்கட்டப்படுவார் .
Rate this:
Amal Anandan - chennai,இந்தியா
20-பிப்-202104:33:38 IST Report Abuse
Amal Anandanஇதில் பிரச்சினையே, இவரை விட திறமையானவர்கள் தேர்வாகவில்லை. நீங்கள் சொன்னதில் பலர் தங்கள் திறமையை நிரூபித்தவர்கள். சும்மா கம்பு சுத்தாதீங்க....
Rate this:
Cancel
Ramesh Sargam - Bangalore,இந்தியா
19-பிப்-202121:01:43 IST Report Abuse
Ramesh Sargam விளையாட்டில் திறமை ஒன்றே முக்கியத்துவம் கொடுக்கப்படவேண்டும். அப்படி திறமையின் அடிப்படையில் சச்சின் மகனுக்கு அணியில் இடம் கொடுப்பதில் தவறே இல்லை.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X