சின்னசேலம் : பஞ்சாபிலிருந்து சின்னசேலம் ரயில் நிலையத்திற்கு 2,600 டன் பச்சரிசி மூட்டைகள் கொண்டு வரப்பட்டன.

பஞ்சாப் மாநிலம் பெரோஸ்பூர் மாவட்டத்திலிருந்து 53 ஆயிரம் மூட்டைகளில், 2600 டன் பச்சரிசி மூட்டைகள் நேற்று காலை சின்னசேலத்திற்கு வந்தடைந்தது. 42 ரயில் பெட்டிகளில் வந்த அரிசி மூட்டைகள், லாரிகளில் ஏற்றி தமிழ்நாடு சேமிப்பு கிடங்கிற்கு கொண்டு செல்லப்பட்டன.முன்னதாக, தமிழ்நாடு சேமிப்பு கிடங்கு மேலாளர் பிரபு மேற்பார்வையில், இந்திய உணவுக் கழக மேலாளர் சகாதேவன், உதவியாளர்கள் திருநீலகண்டன், குமார் ஆகியோர் மூட்டைகளை பார்வையிட்டு ஆய்வு செய்தனர்.