முதுகுளத்துார் - முதுகுளத்துார் சோனைமீனாள் கலை மற்றும் அறிவியல் கல்லுாரியில் தமிழ்நாடு அமெச்சூர் கபடி கழகம் மற்றும் ராமநாதபுரம்மாவட்ட அமெச்சூர் கழகம் இணைந்து 47வது மாநில ஜூனியர் அளவிலான கபடியை நடத்தியது. முதுகுளத்துார் எம்.எல்.ஏ.,பாண்டி, ஒன்றியதலைவர் தர்மர், முன்னாள் அமைச்சர் சத்தியமூர்த்தி, மாநில தலைவர் சோலை ராஜா, முதன்மை கல்வி அலுவலர் சத்தியமூர்த்தி தலைமை வகித்தனர்.மாநில பொது செயலாளர் சபியுல்லா,பொருளாளர் சண்முகம்,சேர்மன் பாண்டியன் முன்னிலை வகித்தனர். ராமநாதபுரம் மாவட்ட தலைவர் ரெங்கநாதன் வரவேற்றார்.போட்டியில் 500 வீரர்கள் கலந்து கொண்டனர். ப்ரோ கபடி விதிமுறைகள் பின்பற்றப்பட்டது. போட்டி 3 நாட்கள் இரவு, பகல் ஆட்டமாக நடைபெறுகிறது. மாவட்ட செயலாளர் ஜெயகுமார் நன்றி கூறினார்.