சின்னசேலம் : சென்டர் மீடியனில் பைக் மோதிய விபத்தில் கல்லுாரி மாணவர் இறந்தார்.

சின்னசேலம் அடுத்த காந்தி நகரைச் சேர்ந்தவர் கணேசன் மகன் தமிழ்ச்செல்வன்,23; இவர் ஆத்துார் அடுத்த வட சென்னிமலையில் உள்ள அரசு கல்லுாரியில் எம்.ஏ., இரண்டாம் ஆண்டு படித்து வருகிறார்.இவர் நேற்று மாலை கல்லுாரி முடிந்த பிறகு, வீட்டிற்கு தனது டிஎன்-15-பி-2877 பதிவெண் கொண்ட யமாகா எப்.இசட் பைக்கில் புறப்பட்டார்.அப்போது சேலம் - சென்னை தேசிய நெடுஞ்சாலையில் வாசுதேவனுார் அருகே வந்தபோது, பைக் கட்டுப்பாட்டை இழந்து, சாலை சென்டர் மீடியனில் மோதியது.இதில் படுகாயமடைந்த தமிழ்ச்செல்வன் கள்ளக்குறிச்சி அரசு மருத்துவமனைக்கு அழைத்து செல்லும் வழியில் இறந்தார்.சின்னசேலம் போலீசார் வழக்குப் பதிந்து விசாரித்து வருகின்றனர்.