அன்னுார்:பூத் கமிட்டி அமைக்கும் பணி வேகப்படுத்த அ.ம.மு.க., கூட்டத்தில் அறிவுறுத்தப்பட்டது.அன்னுார் தெற்கு ஒன்றிய அ.ம.மு.க., நிர்வாகிகள் கூட்டம் ஒன்றிய செயலாளர் வெங்கடேஷ் தலைமையில் நடந்தது. கூட்டத்தில், திருப்பூர் வடக்கு மாவட்ட செயலாளர் ஈஸ்வரன் பேசுகையில், "பூத் கமிட்டி பட்டியலை விரைவில் ஒப்படைக்க வேண்டும். கட்சியின் செல்வாக்கு அதிகரித்து வருகிறது. புதிதாக கட்சியில் சேருவோர் எண்ணிக்கை கூடியுள்ளது" என்றார்.அ.தி.மு.க., தெற்கு ஒன்றிய மகளிரணி தலைவி சகுந்தலா, முன்னாள் மாவட்ட கவுன்சிலர் ரங்கசாமி, முன்னாள் ஊராட்சி தலைவர் வேலுசாமி உள்பட 200 பேர் கட்சியில் இணைந்தனர். அவைத் தலைவர் மதிவாணன், ஒன்றிய இணைச் செயலாளர் பாபு உட்பட பலர் பங்கேற்றனர்.