அன்னுார்:தினமலர் செய்தி எதிரொலியாக, அரசு டவுன் பஸ் இயக்கம் மீண்டும் துவங்கியது.அன்னுாரில் இருந்து அல்லப்பாளையம், கோனார்பாளையம் வழியாக ஆலத்துாருக்கு தினமும் ஏழு முறை டவுன் பஸ் இயங்கி வந்தது.கொரோனாவுக்கு பிறகு காலை 6:00 மணிக்கு மட்டும் இயங்கியது. இதனால் 20 கிராம மக்கள் அவதிக்குள்ளாகினர். இது குறித்து நேற்று முன்தினம் (20ம் தேதி) 'தினமலர்' நாளிதழில் செய்தி வெளியானது. அல்லப்பாளையம் மக்கள் கூறுகையில், 'நேற்று முன்தினம் செய்தி வெளியானவுடன், காலை 11:30 மணிக்கு, 27ம் நம்பர் அரசு போக்குவரத்து கழக டவுன்பஸ் அல்லப்பாளையம் வழியாக இயங்கியது.இனி வழக்கம் போல் ஏழு முறை இந்த வழித்தடத்தில் இந்த பஸ் இயங்கும், என பஸ் ஊழியர்கள் தெரிவித்தனர்.