பொள்ளாச்சி:பொள்ளாச்சி - பல்லடம் வரையிலான, நான்கு வழிச்சாலை பணியை விரைந்து முடிக்க வேண்டும் என, பா.ஜ., வலியுறுத்தியுள்ளது.பொள்ளாச்சி வடக்கு - கிழக்கு ஒன்றிய, பா.ஜ., நிர்வாகிகள் கூட்டம் நெகமம் பா.ஜ., அலுவலகத்தில் நடந்தது. ஒன்றிய தலைவர் மாணிக்கம் கூட்டத்துக்கு தலைமை வகித்தார். மாவட்ட துணைத்தலைவர் சிவகுமார் முன்னிலை வகித்தனர். ஒன்றிய பொது செயாலாளர் ராமசாமி வரவேற்றார்.கூட்டத்தில், பொள்ளாச்சி - பல்லடம் வரையிலான, நான்கு வழிச்சாலை பணிகளை விரைந்து முடிக்க வேண்டும். ஒன்றியத்தில் உள்ள அனைத்து கிராமங்களிலும், மத்திய அரசின் ஜல் சக்தி யோஜனா திட்டத்தின் கீழ், குடிநீர் வசதியை மாநில அரசு துரிதமாக செயல்படுத்த வேண்டும், என்பது உள்ளிட்ட தீர்மானங்கள் நிறைவேற்றப்பட்டன.