சிறப்பு பகுதிகள்

டவுட் தனபாலு

'டவுட்' தனபாலு

Added : பிப் 23, 2021 | கருத்துகள் (3)
Share
Advertisement
சுகாதாரத் துறைச் செயலர் ராதாகிருஷ்ணன்: மஹாராஷ்டிர மாநிலம், மும்பையில் இருந்து வருபவர்கள், தீவிர கண்காணிப்புக்கு உட்படுத்தப்படுவதுடன், அவர்களுக்கு கட்டாயம் கொரோனா பரிசோதனை மேற்கொள்ளப்படும். தமிழகத்தில், கொரோனா பாதிப்பு குறைந்து வந்தாலும், அண்டை மாநிலங்களில் பாதிப்பு அதிகரித்து வருகிறது. எனவே, எல்லை மாவட்டங்களில், கண்காணிப்பு தீவிரப்படுத்தி வருகிறோம்.'டவுட்'

'டவுட்' தனபாலு

சுகாதாரத் துறைச் செயலர் ராதாகிருஷ்ணன்: மஹாராஷ்டிர மாநிலம், மும்பையில் இருந்து வருபவர்கள், தீவிர கண்காணிப்புக்கு உட்படுத்தப்படுவதுடன், அவர்களுக்கு கட்டாயம் கொரோனா பரிசோதனை மேற்கொள்ளப்படும். தமிழகத்தில், கொரோனா பாதிப்பு குறைந்து வந்தாலும், அண்டை மாநிலங்களில் பாதிப்பு அதிகரித்து வருகிறது. எனவே, எல்லை மாவட்டங்களில், கண்காணிப்பு தீவிரப்படுத்தி வருகிறோம்.

'டவுட்' தனபாலு: சர்வதேச நிலவரம், நம் நாட்டில் கேரளா, மஹாராஷ்டிரா, கர்நாடகா போன்ற சில மாநிலங்களில் கொரோனா நிலவரத்தை பார்க்கும் போது, நம் மாநிலத்தில் கொஞ்சம் அசட்டையாக இருக்கிறோமோ என்ற, 'டவுட்' ஏற்படுகிறது. ஏனெனில், கொரோனா கொடூரன் இன்னும் அழியவில்லை. ஆனால், மக்கள் இயல்பு வாழ்க்கைக்கு வந்து விட்டனர். இது, பாதிப்பை ஏற்படுத்துமோ என்ற பீதி எழுகிறது!


தி.மு.க., தலைவர் ஸ்டாலின்
: அசாம் மாநிலத்தில் பா.ஜ., அரசு, பெட்ரோலுக்கு, 5 ரூபாய் வரியை குறைத்துள்ளது. அவர்களுடன் கூட்டணி வைத்துள்ள பழனிசாமி ஏன் குறைக்கவில்லை என கூற வேண்டும். பெட்ரோல், டீசல் வரியை குறைப்போம் என தேர்தல் அறிவிப்பு வெளியிடுங்கள்.

'டவுட்' தனபாலு: தேர்தல் பிரசார கூட்டங்களில், முதல்வர், இ.பி.எஸ்., தினமும் புதுப்புது அறிவிப்புகளை வெளியிட்டு, அவற்றை நிறைவேற்றியும் வருகிறார். அதை அறியும் நீங்கள், 'இது ஏற்கனவே நான் சொன்னது தான்' என்கிறீர்கள். அடுத்து அவர், பெட்ரோல், டீசல் வரியை குறைக்கலாம் என எண்ணியிருப்பார். அவர் குறைத்து விடக் கூடாது என்பதற்காக, 'குறையுங்களேன்' என, சவால் விடுகிறீர்களோ என்ற, 'டவுட்' வாகன ஓட்டிகளுக்கு வருகிறது!


பத்திரிகை செய்தி
: மத்திய பிரதேசத்தில், கமல்நாத் தலைமையிலான அரசு கவிழ்ந்து, இன்னும் ஒரு ஆண்டு ஆகாத நிலையில், புதுச்சேரியிலும், காங்கிரஸ் அரசு கவிழ்ந்ததால், கட்சி மேலிடம் அதிர்ச்சி அடைந்துள்ளது. இப்போது, பஞ்சாப், ராஜஸ்தான் மற்றும் சத்தீஸ்கர் ஆகிய மூன்று மாநிலங்களில் மட்டும் தான், காங்., ஆட்சி நடக்கிறது.

'டவுட்' தனபாலு: கழுதை தேய்ந்து கட்டெறும்பு ஆன கதையாக, காங்., தேய்ந்து வருகிறது; விரைவில் மறைந்து விடுமோ என்ற, 'டவுட்'டை ஏற்படுத்துகிறது. ஒரு காலத்தில், தேசம் எங்கும் பரவியிருந்த அக்கட்சி, இப்போது, மக்கிப் போய் விட்டது. இதற்கு காரணம், இப்போதைய தலைமையா அல்லது அக்கட்சியின் உளுத்துப்போன கொள்கைகளா என்ற, 'டவுட்டும்' சேர்ந்து கொள்ளுது!

Advertisement




வாசகர் கருத்து (3)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Suppan - Mumbai,இந்தியா
24-பிப்-202113:41:58 IST Report Abuse
Suppan ராகுல் சூறாவளிப் பிரச்சாரம் செய்து வருகிறார். இப்பொழுது தென்னிந்தியர்கள் தான் சிந்தித்து செயல் படுகின்றனர் என்கிறார். அப்போ வடஇந்தியர்களின் ஓட்டுக்களும் காலி ஆக அந்த மூன்று மாநிலங்களிலும் காங்கிரஸ் காலி. அதனால்தான் பாஜ க இவருக்கு சூப்பர் நட்சத்திர பேச்சாளர் அந்தஸ்து கொடுத்துள்ளது.
Rate this:
Cancel
அம்பி ஐயர் - நங்கநல்லூர்,இந்தியா
24-பிப்-202108:04:16 IST Report Abuse
அம்பி ஐயர் கழுதை தேய்ந்து கட்டெறும்பு ஆன கதையாக, காங்., தேய்ந்து வருகிறது விரைவில் மறைந்து விடுமோ என்ற, 'டவுட்'டை ஏற்படுத்துகிறது..... கட்டெறும்பை நசுக்கிக் கொன்னுப்புடனும்..... இருந்த இடமே தெரியக் கூடாது....
Rate this:
Cancel
D.Ambujavalli - Bengaluru,இந்தியா
24-பிப்-202106:10:39 IST Report Abuse
D.Ambujavalli மூன்றாவதாக காங்கிரஸ் பெயரில் வென்று, ஆட்சியையும் பெற்று, மாற்றுக்கட்சி வீசி எரிகிற காசுக்கு விலை போகும் ....... குணமும் தான் ஆட்சிகளைக் கவிழ்க்கிறது எதிரி வெளியில் இல்லை
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X