பெருங்குடி:பயணிகள் சேவை, மனநிறைவில் இந்திய அளவில் 2020ல் மதுரை விமான நிலையம் 2ம் இடத்திற்கு முன்னேறியுள்ளது.

2019ல் 4ம் இடத்தில் இருந்தது.இந்தியாவில் 10 லட்சம் முதல் 15 லட்சத்திற்குள் பயணிகள் வந்து செல்லும் 57 விமான நிலையங்களில் பயணிகளின் சேவை, மனநிறைவு குறித்து உத்தரபிரதேசத்தை சேர்ந்த டுமாரோஸ் மார்க்கெட் இன்னோவேட்டர்ஸ் தனியார் நிறுவனம் ஆய்வு மேற்கொண்டது.

2020 ஜூலை முதல் டிசம்பர் வரை நடந்த ஆய்வின் முடிவு வெளியானது. இதில் உதய்பூர் விமான நிலையம் முதலிடமும், மதுரை விமான நிலையம் 2ம் இடமும் பிடித்தது.15 லட்சத்திற்கும் அதிகமான பயணிகளை கையாளும் மும்பை, கொல்கத்தா, டில்லி, சென்னை, பெங்களூரு உள்ளிட்ட விமான நிலையங்கள் இதில் வராது.