பொது செய்தி

தமிழ்நாடு

பயனாளிகள் புரோக்கர்களை தவிர்ப்பது அவசியம்

Added : பிப் 24, 2021
Share
Advertisement
வட்டார போக்குவரத்து துறையின் பணிகள் என்ன.- தகுதியான பயனாளிகளுக்கு ஓட்டுனர் உரிமம், வாகனப்பதிவு, விபத்தில்லா பயணத்தை உறுதி செய்தல் உள்ளிட்ட பணிகளை மேற்கொள்வது.வயதானோர் ஓட்டுனர் உரிமம் பெறலாமா.- அரசு டாக்டர் பரிந்துரைப்படி ஓட்டுனர் உரிமம் வழங்கப்படும். வயது ஒரு தடையில்லை.விருதுநகர் எல்லைக்குள் எத்தனை வாகனங்கள் பதிவு செய்யப்பட்டுள்ளன.- 800 லாரிகள், 800 வேன்கள், 57 பஸ்கள், 15

வட்டார போக்குவரத்து துறையின் பணிகள் என்ன.- தகுதியான பயனாளிகளுக்கு ஓட்டுனர் உரிமம், வாகனப்பதிவு, விபத்தில்லா பயணத்தை உறுதி செய்தல் உள்ளிட்ட பணிகளை மேற்கொள்வது.

வயதானோர் ஓட்டுனர் உரிமம் பெறலாமா.- அரசு டாக்டர் பரிந்துரைப்படி ஓட்டுனர் உரிமம் வழங்கப்படும். வயது ஒரு தடையில்லை.

விருதுநகர் எல்லைக்குள் எத்தனை வாகனங்கள் பதிவு செய்யப்பட்டுள்ளன.- 800 லாரிகள், 800 வேன்கள், 57 பஸ்கள், 15 மினி பஸ்கள் உட்பட 2500 வாகனங்கள் பதிவு செய்யப்பட்டுள்ளன.

மோட்டார் வாகன ஆய்வாளர் பதவியிடம் பற்றாக்குறையாக உள்ளதால் பணிகள் பாதிக்கப்படுகிறதா.- இப்பதவிக்கு அமலாக்கப்பிரிவு மோட்டார் வாகன ஆய்வாளர் கூடுதல் பொறுப்பு வகிக்கிறார். பணிகள் பாதிக்கப்படாமல் பார்த்து கொள்கிறோம்.

ராணுவ வீரர்களுக்கான கொடி நாள் வசூலில் சாதனை படைக்கப்பட்டுள்ளதா.- ஆம்.ரூ.12 லட்சம் வசூலித்து அரசிடம் வழங்கப்பட்டுள்ளது.

சாலை பாதுகாப்பு குறித்து விழிப்புணர்வு ஏற்படுத்தப்படுகிறதா.- ஆண்டு தோறும் ஜனவரியில் பத்து நாட்கள் சாலை பாதுகாப்பு விழிப்புணர்வு நடத்தப்படுவது வழக்கம். இந்தாண்டு முதல் முதலாக ஜன.,18 முதல் பிப்.,17 வரை சாலை பாதுகாப்பு மாத விழிப்புணர்வு நடத்தப்பட்டது.

சாலை விபத்துக்களுக்கு காரணம் என்ன.- கவனக்குறைவு, கவன சிதறல், மன உளைச்சல், அவசரம், திட்டமிடாதல் உள்ளிட்ட காரணங்களால் விபத்துக்களும், அதனால் உயிர் பலிகளும் நடக்கிறது.

விபத்தை தவிர்க்க ஆர்.டி.ஓ., அலுவலகம் மூலம் விழிப்புணர்வு பிரசாரம் மேற்கொள்ளப்படுகிறதா.- பள்ளி, கல்லுாரி மாணவர்கள், டிரைவர்களுக்கு மாதம் தோறும் சாலை பாதுகாப்பு விழிப்புணர்வு முகாம் நடத்தப்படுகிறது.

ஓட்டுனர் உரிமம் பெறுவது உள்ளிட்ட பணிகளுக்காக சிலர் புரோக்கர்களை நாடுகின்றனர். இதை தவிர்க்க நடவடிக்கை எடுக்கப்பட்டுள்ளதா.- அனைத்தும் ஆன்லைன் பரிவர்த்தனையாகி விட்டது. இதனால் புரோக்கர்களுக்கு இங்கு இடமில்லை. பயனாளிகள் நேரடியாக அலுவலகம் வந்தால்தேவையான உதவிகள் செய்ய தயாராக இருக்கிறோம்.

புரோக்கர்களை கட்டாயம் தவிர்க்க வேண்டும்.விருதுநகரில் விபத்துக்கள் குறைக்கப்பட்டுள்ளதா.ஆண்டு தோறும் விபத்துக்கள் குறைந்து வருகிறது.போக்குவரத்து விதிமீறலில் ஈடுபடுவோரை பொதுமக்கள் தடுக்கலாமா.- போக்குவரத்து விதிமீறலில் ஈடுபடுவோரை தட்டிக்கேட்கும், தடுக்கும் சட்டப்படியான உரிமை பொதுமக்களுக்கு உள்ளது

இதை 'போக்குவரத்து விதிமீறலின் முதல் மந்திரம்' என்பர்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X