தேனி : தேனி இந்தியன் ரெட் கிராஸ் சொசைட்டி, ஜூனியர் ரெட் கிராஸ் சார்பில் கொரோனா தடுப்பு பணியில் சேவையாற்றியவர்களுக்கும், நுாற்றாண்டு போட்டிகளில் வெற்றி பெற்றவர்களுக்கும் பாராட்டு விழா , தன்னார்வ ரத்த கொடையாளர் குழு துவக்க விழா நடந்தது.

ரெட்கிராஸ் சேர்மன் டாக்டர் தியாகராஜன் தலைமை வகித்தார். துணை சேர்மன் ஜெயச்சந்திரன் முன்னிலை வகித்தார். செயலாளர் சுருளிவேல் வரவேற்றார். சாய்சரண்தேஜஸ்வி எஸ்.பி., தன்னார்வலர்களுக்கு சான்றிதழ் வழங்கி பாராட்டிப் பேசினார். முதன்மை கல்வி அலுவலர் சுபாஷினி, மாவட்ட சமூக நல அலுவலர் சகுந்தலா பங்கேற்றனர். 70 பேருக்கு சான்றிதழ்கள் வழங்கப்பட்டன. அமைப்பாளர் நல்லசிவன் நன்றி கூறினார்.