ஆம்பூர் : கொரோனா பாதித்த ஆம்பூர், தி.மு.க., - எம்.எல்.ஏ., அரசு மருத்துவமனையில் அனுமதிக்கப்பட்டார்.
திருப்பத்துார் மாவட்டம், ஆம்பூர் தொகுதி, தி.மு.க., - எம்.எல்.ஏ., வில்வநாதன், 55; சில நாட்களாக தொடர் காய்ச்சலால் அவதிப்பட்டார். கொரோனா பரிசோதனையில் நேற்று அவருக்கு, தொற்று பாதிப்பு உறுதியானது. இதையடுத்து, திருப்பத்துார், அரசு மருத்துவமனையில் அனுமதிக்கப்பட்டார்.
அவர் வசித்து வந்த, ஆம்பூர் அடுத்த மிட்டாளத்தில், சுகாதார துறையினர் நோய் தடுப்பு பணிகள் மேற்கொண்டு வருகின்றனர். அவரது மனைவி பத்மாவதி, 50 மற்றும் குடும்பத்தினர் தனிமைப்படுத்தப்பட்டு, கொரோனா பரிசோதனை செய்யப்பட்டது.திருப்பத்துார் மாவட்டத்தில், கொரோனா தாக்கம் வெகுவாக குறைந்துள்ளது. தற்போது, மூன்று பேர் மட்டும், திருப்பத்துார் அரசு மருத்துவமனையில் சிகிச்சை பெறுவதாக, சுகாதார துறையினர் தெரிவித்தனர்.
தினமலர் டெலிகிராம் சேனலில் பார்க்கலாம் Click here to join
Telegram Channel for FREE
