திண்டுக்கல் : மாநில வூசு குங்பூ (கராத்தே) போட்டியில் திண்டுக்கல் மாணவர்கள் 22 பதக்கங்கள் பெற்று 2ம் இடம் பெற்றுள்ளனர்.

தமிழ்நாடு வூசு குங்பூ சங்கம் சார்பில் மாநில அளவிலான போட்டி நடந்தது. போட்டியில் 3 பிரிவுகளில் சீனியர், ஜூனியர் மற்றும் சப்-ஜூனியர் பிரிவுகளில் 3 நாட்கள் தூத்துக்குடியில் நடந்தது.இதில் திண்டுக்கல் மாவட்ட மாணவர்கள் 20 பேர் பங்கேற்றனர். பல்வேறு பிரிவு போட்டிகளில் 5 தங்கம், 8 வெள்ளி, 9 வெண்கலம் என 22 பதக்கங்களைப் பெற்று மாநில அளவில் 2ம் இடம் பிடித்து சாதனை படைத்தனர்.மாணவர்களை திண்டுக்கல் கலெக்டர் விஜயலட்சுமி பாராட்டினார். டி.ஆர்.ஓ., கோவிந்தராசு, விளையாட்டு அலுவலர் ரோஸ்பாத்திமா மேரி, பயிற்சியார் ஜாக்கிசங்கர் பங்கேற்றனர்.