அரசியல் செய்தி

தமிழ்நாடு

"நீங்கள் கர்நாடகாவை சேர்ந்தவர் தானே. இந்தப் பிரச்சனையை தீர்க்க இரு மாநில தலைவர்களுடன் பேச்சு நடத்தலாமே..."

Updated : பிப் 27, 2021 | Added : பிப் 27, 2021 | கருத்துகள் (14)
Share
Advertisement
காவிரி - குண்டாறு நதிகள் இணைப்புத் திட்டத்தை அரசியல் ஆக்க வேண்டாம். அது, இரு மாநில விவகாரம். பா.ஜ., தேசியக் கட்சியாக இருப்பதால், இரு மாநில மக்கள் குறித்து யோசிக்க வேண்டும். - தமிழக பா.ஜ., பொறுப்பாளர் ரவி நீங்கள் கர்நாடகாவை சேர்ந்தவர் தானே; இந்தப் பிரச்னையை தீர்க்க, இரு மாநில தலைவர்களுடன் பேச்சு நடத்தி, சுமுக உறவுக்கு வழி ஏற்படுத்தலாமே...' என, கூறத் துாண்டும்

காவிரி - குண்டாறு நதிகள் இணைப்புத் திட்டத்தை அரசியல் ஆக்க வேண்டாம். அது, இரு மாநில விவகாரம். பா.ஜ., தேசியக் கட்சியாக இருப்பதால், இரு மாநில மக்கள் குறித்து யோசிக்க வேண்டும். - தமிழக பா.ஜ., பொறுப்பாளர் ரவி



latest tamil news



நீங்கள் கர்நாடகாவை சேர்ந்தவர் தானே; இந்தப் பிரச்னையை தீர்க்க, இரு மாநில தலைவர்களுடன் பேச்சு நடத்தி, சுமுக உறவுக்கு வழி ஏற்படுத்தலாமே...' என, கூறத் துாண்டும் வகையில், தமிழக பா.ஜ., பொறுப்பாளர் ரவி பேட்டி:



கொரோனாவால் உயிரிழந்தவர்களுக்கு, தலா, 5 லட்ச ரூபாய் வழங்க வேண்டும். அவர்கள் குடும்பத்தில் ஒருவருக்கு அரசு வேலை வழங்க வேண்டும். - விஜயகாந்த்


latest tamil news



'மொத்தம், 12 ஆயிரத்து, 500 பேர் இறந்துள்ளனர். அவர்களின் வாரிசுகளுக்கு, தலா, 5 லட்ச ரூபாய் வழங்கினாலும், அரசு வேலை வழங்கினாலும் அரசு திவால். அதற்கு தான் யோசனை கூறுகிறீர்களோ...' என, காட்டமாக கூறத் தோன்றும் வகையில், தே.மு.தி.க., தலைவர் விஜயகாந்த் அறிக்கை:


தமிழகத்திற்கு முறைப்படி தண்ணீர் அளிக்க வேண்டிய காவிரி நீரை தடுத்து வரும் கர்நாடகா, காவிரியின் மிகை நீரை தமிழகம் பயன்படுத்திக் கொள்ள எதிர்ப்பு தெரிவிக்க எந்த உரிமையும் இல்லை. - வைகோ அறிக்கை


'காவிரி இருக்கும் வரை; காற்று இருக்கும் வரை; கடல் நீர் இருக்கும் வரை, இந்தப் பிரச்னை ஓயப் போவதில்லை; அரசியல்வாதிகளுக்கு நல்ல தீனி...' என, சொல்லத் தோன்றும் வகையில், ம.தி.மு.க., பொதுச் செயலர் வைகோ அறிக்கை:



தமிழ் வளர்ச்சிக்கு, முன்னாள் முதல்வர், மறைந்த ஜெ., பல திட்டங்களை அறிவித்து, அதை வெற்றிகரமாக நிறைவேற்றினார். தஞ்சை உலகத் தமிழ் மாநாட்டில் இயல், இசை, நாடகத்துடன், அறிவியல் தமிழையும் வளர்க்க வேண்டும் என்றார். - அமைச்சர் பாண்டியராஜன்


'அவர் சொன்னது எல்லாம் சரி; செய்தீர்களா... நீங்கள் செய்தீர்களா...' என, கிண்டலாக கேட்கத் தோன்றும் வகையில், தமிழ் வளர்ச்சித் துறை அமைச்சர் பாண்டியராஜன் பேச்சு:


உதவித்தொகை உயர்வு கோரி போராட்டம் நடத்தி வரும் மாற்றுத்திறனாளிகள் போராடும் இடங்களில் குடிநீர், மின்சாரம் துண்டிப்பு போன்ற செயல்களை, தமிழக அரசு செய்து வருகிறது. அதை தவிர்த்து, அந்த சங்கத்தினரை அழைத்து பேச வேண்டும். -பாலகிருஷ்ணன்


'மின்சாரம், குடிநீர் துண்டிப்பு போன்ற செயலை, தமிழக அரசு செய்யாதே...' என, கூறத் தோன்றும் வகையில், மார்க்சிஸ்ட் கம்யூனிஸ்ட் மாநிலச் செயலர் பாலகிருஷ்ணன் அறிக்கை:


காவிரி, வைகை, குண்டாறு, தெற்கு வெள்ளாறு ஆகிய ஆறுகளை இணைக்கும் தமிழக அரசின் திட்டத்தை கர்நாடகா எதிர்க்கிறது. உபரி நீர் தேக்கி அணைகளில் வைக்க முடியாத நிலையில், கடலில் சென்று கலக்கும் நீரை தேக்கி வைத்து பயன்படுத்துவது தான், குண்டாறு திட்டத்தின் நோக்கம். இதை கர்நாடகா எதிர்ப்பது கண்டனத்துக்குரியது. - நல்லசாமி


'இதெல்லாம் தேர்தல் விவகாரம்; தமிழகத்தில் தேர்தல் முடிந்ததும், இந்த விவகாரம் மறைந்து விடும்...' என, சொல்லத் தோன்றும் வகையில், விவசாயிகள் சங்க கூட்டமைப்புச் செயலர் நல்லசாமி பேட்டி:

Advertisement


வாசகர் கருத்து (14)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Ravi Chandran - Vienna,ஆஸ்திரியா
27-பிப்-202117:45:24 IST Report Abuse
Ravi Chandran எந்த ஒரு மானமுள்ள தமிழனும் இந்த கர்நாடகாவில் இருந்து வரும் ரவியை ஏற்றுக்கொள்ள மாட்டான் இந்த பாஜக கர்நாடகாவில் உள்ள ஐபிஎஸ் அதிகாரி மேலும் இந்த பாஜக ரவி இவர்களை தமிழ்நாட்டில் இயக்கினால் இவர்களை ஓட ஓட விரட்டி தோற்கடித்தார்கள்
Rate this:
Cancel
வெற்றி நமதே: தடுப்பூசி போட்டுக் கொள்வோம் - தடுப்பூசியால் எவ்வித ஆபத்தும் இல்லை” ,இஸ்ல் ஆப் மேன்
27-பிப்-202112:59:54 IST Report Abuse
வெற்றி நமதே: தடுப்பூசி போட்டுக் கொள்வோம் ஒரு சாதாரண இந்திய பிரஜையாகிய நான் சொல்லிய இவைகள் அவர்களுக்கு போய் சேர வேண்டும். மோடிஜி, இப்படி சொல்லுவதை நிறுத்திவிட்டு, 60 வருடங்களில் என்ன சாதித்தோம் என்பதை பாருங்கள். இந்திய பிரஜைகள் எல்லாரும் முட்டா ள்கள் இல்லை என்பதை முதலில் உணருங்கள். நீங்கள் பிரதம மந்திரியாக இருக்கும் நம் இந்தியாவை 200 வருடங்களுக்கு மேலாக ஆங்கிலேயன் ஆட்சி செய்தார்கள். இந்தியர்கள் அனைவரும் அவனுக்கு அடிமைகளாகத்தான் இருந்தார்கள். 1947 இல் எல்லா சமஸ்தானங்களையும் இணைத்து இந்தியா என்று பெயர் சூட்டி காங்கிரஸ் அரசாங்கம் ஆட்சி ஆரம்பித்தபோது ஆங்கிலேயன் துடைத்து வைத்துவிட்டுப்போன பூஜ்யமான பொருளாதாரம் ஆங்கிலேயன் விட்டுப்போன குப்பைகளைத்தவிர வேறு ஏதுமில்லை. ஒரு பின் தயாரிக்கக்கூட எவ்விதமான வசதியையும் அவன் விட்டுவிட்டு போகவில்லை. இந்தியா முழுவதுமாக 20 கிராமத்தில் மட்டுமே மின்சார வசதி. 20 அரசர்களுக்கு மட்டுமே தொலைபேசி.குடிதண்ணீர் கிடையாது. நாடு முழுதும் 10 சிறிய அணைக்கட்டுகள். ஒரு மருத்துவமனையும் கிடையாது. ஒரு கல்வி நிறுவனம் கிடையாது, விவசாயத்திற்கு நீர் வசதி, பயிர்களுக்கு பூச்சி மருந்து எதுவுமே கிடையாது, வேலைகள் கிடையாது பசி பஞ்சம் தான் நாட்டில். பிஞ்சுக் குழந்தைகள் கொத்துக்கொத்தாக மரணம். எல்லையில் மிக சிறிய அளவில் இராணுவ அதிகாரிகள். 4 போர் விமானங்கள், 20 பீரங்கிகள், நாட்டின் நான்கு எல்லைகளும் திறந்த நிலை. குறைவான அளவில் சாலைகள் மற்றும் பாலங்கள், காலியான கருவூலங்கள். இந்த நிலையில்தான் நேரு பதவியேற்றார். 60 வருடங்கள் கழித்து இந்தியா? உலகில் மிகப்பெரிய இராணுவ சேவை, ஆயிரக்கணக்கில் போர் விமானங்கள், பீரங்கிகள், இலட்சக்கணக்கான தொழில்நுட்ப ஸ்தாபனங்கள், அனைத்து கிராமங்களிலும் மின் வசதி. நூற்றுக்கணக்கான மின்சார உற்பத்தி நிலையங்கள். இலட்சக்கணக்கான கிலோ மீட்டர்கள் சாலைகள் மற்றும் பாலங்கள், புதிய இரயில் நிலையங்கள், ஸ்டேடியங்கள், சூப்பர் ஸ்பெஷாலிட்டி ஆஸ்பத்திரிகள், அனைத்து பிரஜைகள் இல்லங்களில் தொலைக்காட்சி மற்றும் தொலைபேசி, இந்தியாவிலும், வெளிநாடுகளிலும் வேலைசெய்ய கட்டமைப்பு. வங்கிகள், பல்கலைக்கழகங்கள், AIIMS, IIMS, அணு ஆயுதங்கள், நீர்மூழ்கி கப்பல்கள், அணு ஆயுத ஆராய்ச்சி நிறுவனங்கள், விண்வெளி அறிவியல் ஆராய்ச்சி நிலையம், பொதுத்துறை நிறுவனங்கள், பல வருடங்களுக்கு முன்பே இந்திய இராணுவம் லாகூர் வரை சென்று, பாகிஸ்தான் நாட்டை இரண்டாக ஆக்கியது. அப்போது ஒரு இலட்சத்திற்கும் மேலான பாகிஸ்தான் நாட்டவர்கள் நம்மிடம் சரணடைந்தது. இந்தியாவிலிருந்து உணவுப்பொருட்கள் மற்றும் கனிம வளங்களை ஏற்றுமதி செய்தது. வங்கிகள் அனைத்தையும் தேசிய உடைமை ஆக்கியது இந்திரா காந்தி. கணினி அறிமுகம். அதன் மூலம் உள்நாட்டிலும், அயல் நாடுகளிலும் அதிக வேலை வாய்ப்புகள். மோடிஜி நீங்கள் ப்ரதான் மந்திரி ஆனது இன்ஃபர்மேஷன் டெக்னாலஜி மூலம். நீங்கள் ஆட்சி அமைக்கும்போது இந்தியா பொருளாதார நாடுகளின் உலக அளவில் முதல் 10 இல். இதைத் தவிர GSLV, மங்கள்யான். மெட்ரோ ரெயில், மோனோ இரயில், பன்னாட்டு வானூர்தி நிலையங்கள், ப்ரித்வி ஏவுகணை. அக்னி ஏவுகணை. நாக் ஏவுகணை, அணு ஆயுதங்கள் தாங்கிய நீர்மூழ்கிக் கப்பல்கள், இவைகள் அனைத்தும் நீங்கள் பிரதமராவதற்கு முன்பே சாதிக்கப்பட்டு விட்டது. தயவுசெய்து நீங்கள் மக்களிடம் வந்து 60 வருடங்களில் காங்கிரஸ் ஒன்றும் செய்யவில்லை என்று சொல்லாதீர்கள். கடந்த 6 ஆண்டுகளில் நீங்கள் என்ன செய்தீர்கள் என்று சொல்லி வாக்கு கேளுங்கள். பெயர்கள் மாற்றம், சிலை அரசியல், மாட்டு அரசியல், தோல்வியுற்ற பண மதிப்பு இழப்பு (Demonetization) அனுபவில்லாமல் செயல்பட்ட GST, மக்களை வெயிலிலும், மழையிலும் வரிசையில் நிற்க வைத்து அவர்களது பணத்தை எடுக்க முடியாத நிலைக்கு தள்ளியது, பா.ஜ க எதிர்கட்சியாக இருக்கும்போது எதிர்த்த, வெளிநாட்டு நேரடி பண முதலீடுகளை, இப்போது வெட்கமில்லாமல் ஆதரிப்பது, நாட்டை அம்பானிகளுக்கும், அதானிகளுக்கும் விற்றது, அம்பானியின் இரண்டு மாத கம்பெனிக்கு ரஃபேல் விமான ஆர்டரை கொடுத்து, இந்திய நிறுவனம் ஹிந்துஸ்தான் ஏரோனாட்டிக்ஸ் ஐ செயலிழக்க செய்தது, BSNL நிறுவனத்தை மூடுவதற்கு அம்பானியின் ஜியோ மூலமாக செயல்படுவது, குருட் ஆயில் (கச்சா எண்ணெய்) மிகக்குறைந்த விலையில் கிடைக்கும்போது, பெட்ரோலும் டீசலும், எரிவாயுவையும் அதிக விலைக்கு விற்குமளவிற்கு வரிகள். ஸ்டேட் பாங்க் ஆப் இந்தியாவில் கணக்கு வைத்திருந்தஏழை, நடுத்தர மக்களின் பணமான ரூ 1,771 கோடிகளை, மினிமம் பேலன்ஸ் வைக்காமல் இருப்பதாக சொல்லி தண்டத்தொகை சப்கே சாத், சப்கோ விகாஸ், யாருக்கு என்றால் அமித்ஷா, அவரின் மகன் சவுரியா தோவல், அம்பானி, அதானி, பாபா ராம்தேவ் பதஞ்சலி குழுமம் மற்றும் பா.ஜ.க வின் ஸ்பான்சர்கள். கங்கை நதியை தூய்மைப்படுத்த ரூ 3,000 கோடிகள், கங்கையில் குளிக்கச் செல்லும் ஒவ்வொருவருக்கும் தெரியும் இந்த பணம் எங்கே என்று? இது காங்கிரஸ் கட்சிக்கு விளம்பரமல்ல. ஒவ்வொரு முறையும் 60 ஆண்டுகள் ஒன்றுமே நடக்கவில்லை.. என்று சொல்லும்போது என்னுடைய பகுத்தறிவு ஏற்க மறுக்கிறது.
Rate this:
Cancel
Ramesh Sargam - Bangalore,இந்தியா
27-பிப்-202112:51:14 IST Report Abuse
Ramesh Sargam பல பேர் கேள்வி கேட்கிறார்கள் இந்த காவிரி நீர் பங்கீடு பிரச்சினைக்கு முடிவே இல்லையா என்று. இந்த அரசியல்வாதிகள் முடிவே காண மாட்டார்களா என்று. நான் கூறுகிறேன், அப்படி ஒரு முடிவு கிடைத்துவிட்டால், மக்கள் அவர்களை சீண்டமாட்டார்கள், அவர்களை கண்டுகொள்ளவே மாட்டார்கள். மாறாக அவர்களை மறந்துவிடுவார்கள். அப்படி அவர்கள் மறக்கப்பட்டால், அவர்கள் பொழப்பு? ஆகையால் அவர்கள் இந்த காவிரி பிரச்சினைக்கு ஒரு நிரந்தர முடிவு காண்பது என்பது இந்த ஜென்மத்தில் நடக்கப்போவது இல்லை.
Rate this:
திருஞானசம்பந்தமூர்த்திதாச ஞானதேசிகன்அம்மா காவிரி பிரச்சினையை தீர்த்து வைத்ததாக முதல்வர் சொன்னாரே...
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X